 |
|
||||||
| ملتقى الفنون الأدبية شعر,نثر,خواطر,قصص,روايات وجميع الفنون الادبية |
 |
|
|
أدوات الموضوع |
|
#1
2009- 2- 5
|
||||
|
||||
من اجمل ماقيل في المرثيات
السلام عليكم ورحمة الله وبركاته
امومة الاميره البندري بنت عبدالعزيز حنان تفجر حزنا على ابنها سعود بن بندر أمومه مسكونه بالأيمان بالله وبالتسليم بقضائه وقدره لأنها ام .. والام عينيها كواكب الضوء ابنائها فما بالكم إذا خبا كوكب واحتجب .. النور الذي اعتادت ان تراه مع اشراقة كل صباح . ام بوحها دموع تتسابق من فرط الحزن قصائد تتناثر كاللآليء على خد اعتاد أن يكون موطنا لدمع الخشوع وتدفقت العاطفة نهراً من الألم لأن الرحيل مفاجىء والجرح عميق بعمق المدى والحب والمشاعر هنا لاتكون إلا خطوات اولى في طريق الحزن )( ياليتني بينك وبين المضره :: من غزة الشوكه إلى سكرة الموت )( كان آخر بيت كتبه الأمير سعود بن بندر يخاطب به والدته أمومة الأميره البندري بنت عبدالعزيز حنان تفجر حزنا على ابنها سعود بن بندر .. تفجر حبا لاينتهي ترسمه لوحات فنية شاعرية مرهفة وتقول : )( ياسعود )( يا سعود كل بالشعر قام ينعاك ويبين أخصالٍ لشخصك حميده بالعون حنا كنا ما عرفناك كل يسافر يم دارٍ بعيده من أول ياسعود سلواي جمعاك تشيل عني كل بلوى شديده أنت رحلت ووالي العرش ناداك عساه لك مشتاق صفوة عبيده عساه يوم الحشر ياسعود يرعاك يثقل موازينك ولأجرك يزيده واليوم أنا ياسعود سلواي طرياك أتابع اخبارك بوسط الجريده )( الدمع غار )( ليت المنايا وقفت عنك ياسعود خلتك لين أوريتني في ضريحي ياليتني حطيت انا عنك بالعود وانت معافا ياجنيني صحيحي أنت الصديق الصادق الود ياسعود وأنت الطبيب لقلبي اللي جريحي أنا أشهد أني عقب فرقاك مقرود ما أنلام أنا لوكان أصفق وأصيحي والله لصيحك لين اجاورك ياسعود الله يجعل جنب قبرك مطيحي الدمع غار وجفت العين ياسعود والقلب ينحب والجوارح تصيحي )( ياعزوتي ليه ؟! )( اللي رحل عني بلحظه وأنا أرجيه وأدعي بعال الصوت مالي مجيبي لو ينفدا بالروح والله لفديه أفديه باللي لي بعيد وقريبي كل يداواي جرحه اللي سطى فيه وأنا جروحي كاميه ماتطيبي ياسعود عني رحت ياعزوتي ليه؟ خليتني ياسعود قلبي صويبي أمشي مع المخلوق واللي بي أخفيه واسهر طوال الليل وانحب نحيبي )( جرحي على سعود )( إن جيت للبيت قام الفكر يلعب بي وان رحت للخرج صاب القلب ولوالي ماعاد أميز واعرف الجد واللعبي غديت مثل الخلوج أمشي على فالي ياسعود هذي تدابير الوالي ربي والعبد ماله عن اللي دبر الوالي جرحي على سعود ماينفع به الطبي وشلون أبسلي وهو دايم على بالي أحس صوته يناديني وأنا ألبي يقول يمه نسيتي شبلك الغالي وشلون أبنساك وانته ساكنٍ قلبي إنته حبيبي وزولك دايم قبالي )( لين اجتمعتو )( لين اجتمعتو لدت العين لسعود قامت تلفت وين قرة نظرها وين الكريم اللي سلك سكة الجود كم واحدٍ نفسه كسيره جبرها أضحك وانا قلبي من الحزن ملهود وأغضى وأذل العين تنثر دررها رضيت بالمقسوم وأيامي السود وكتمت نيران تطاير شررها أبي رضا ربٍ كريمٍ وماجود علام مافي برها مع بحرها لعل يجمعني بهم خير معبود في جنة الفردوس نقطف ثمرها )( يافهد )( كل ماقلت أبا اسلى زاد قلبي جروح قام يصفق خفوقي مثل صفق الهوى أتصبر ودمعي بالذي بي يبوح لوبغى القلب ينسى يافهد ماقوى بالنهار أتجمل والصدر به يفوح مثل بركان يغلي بانفجاره نوى لي ضوى الليل أصلي عند ربي وأنوح مثل مقروص الأفعى لي صرخ والتوى عقب مظنون عيني يافهد وين أروح ليتني مت قبله أوقضينا سوى )( أصفق عليك الكف )( أصفق عليك الكف ياسعود وانوح مثل الخلوج اللي تردا جهدها تثور من حزن يجوح الحشى جوح وقل الجهد ما تنثني منه يدها طاحت عقب ماقوموها على لوح خلوج طاول سقمها من ولدها مثلي وانا حزني على لبة الروح جدد على النفس الحزينه نكدها )( ليتني ..)( من يلوم العين لو هلت دموع ومن يلوم القلب لو صفق وصاح لي جبيبٍ راح ماطرى الرجوع ليتني ودعت زوله يوم راح آه من قلبٍ كفخ بين الضلوع مثل كفخ الطير مكسو الجناح ليتني وسط الخلا وأعطش واجوع ولاسمعت اللي نعى هالك الصباح ساهرة ياسعود والعالم هجوع ليت منهو مات قبلك واستراح شعر صاحبة السمو الملكي الاميرة/ البندري بنت عبدالعزيز للامانه منقول 
|
|
2009- 2- 7
|
#2 |
|
أكـاديـمـي نــشـط
|
رد: من اجمل ماقيل في المرثيات
وين الردود
افا بس افا:011: |
|
|
|
2009- 2- 8
|
#3 |
|
أكـاديـمـي فـعّـال
|
رد: من اجمل ماقيل في المرثيات
فديت عمرك خيتو
وربي موضوع روعة تسلمي على البوح الحلوووووو تقبلي مروري خيتوووو |
|
|
|
2009- 2- 9
|
#4 |
|
أكـاديـمـي
|
رد: من اجمل ماقيل في المرثيات
موضوع رائع وجميل
يعطيك العافيه اختي |
|
|
|
2009- 2- 9
|
#5 |
|
أكـاديـمـي ألـمـاسـي
|
رد: من اجمل ماقيل في المرثيات
ولا اصعـــب من فقد الغالي ..
كلمات مؤثــره .. فعلا ابدعت سمو الاميــره مشكوره عزيزتي على الطرح |
|
|
|
2009- 2- 10
|
#6 |
|
أكـاديـمـي نــشـط
|
رد: من اجمل ماقيل في المرثيات
مشكور على المرور
|
|
|
|
| مواقع النشر (المفضلة) |
| الكلمات الدلالية (Tags) |
| ماقيل, المرثيات, ايمل |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| ماقيل من محاضرت علم الأجتماع انتساب يوم السبت 27-1ادعولي | تـ SHAMS ـاريخ | منتدى كلية الآداب بالدمام | 40 | 2009- 2- 10 12:21 AM |
| من اروع ماقيل بالغزل | احمد84 | ملتقى الفنون الأدبية | 0 | 2008- 12- 29 12:45 PM |
