البارحة عدّيت في راس شغموم

:::::وأسرجت خيلٍ من خيار الأصايل


وزوَّدتها من روض معناي مطعوم

:::::وأسقيتها من حوض فكري مسايل


تركتني يا زين الأوصاف مهموم

:::::بين الورود وبين ذيك الرسايل


ودَّعت قلبٍ من محبَّتك مثلوم

:::::وأمست غيوم الحزنِ فيني مخايل


وعيني بعد فرقاكـ ماذاقت النوم

:::::ذقت العذاب وشفت بعدكـ هوايل


يا شوق مابعتكـ ولاأرخصت أنا السَّوم

:::::لكنِّ حال الوقتِ والحظِّ مايل


لا جيت أبنسى هواها قلت يا قوم !

:::::شيهانةٍ ماكـــــره روس الطُّوايل


والعنق عنق الرِّيمِ والصَّدرِ مزموم

:::::لانشَّــرت فوقه بسود الجدايل


ماقلتِ لا تهتم في ناعق البوم ؟

:::::وأهل النِّمايم ناكرين الجمايل


أهل الكلام اللي من الحقد مسموم

:::::ناسٍ جـــــداها بين قيلٍ وقايل


لعلِّ في الفرقا من الخيرِ مقسوم

:::::والله يقدّرنا لحسن الـــــــــفعايل


والخاتمة إعداد مافات من يوم

:::::صلُّوا على محمَّد كريم الشمايل



"بسَّام المحيَّا"