المشاركة الأصلية كتبت بواسطة ابوريــم

اختي ركزي معايا كويس اوي وانا هشرح هولك بطريقة كويسسسسسسه

بيقولك السؤال اذا كان سعر بيع الوحده من احد المنتجات 40 ريال والتكلفة المتغيرة للوحده 25 ريال
والتكاليف الثابته 75000 ريال

خدد الوحدات التي تحقق التعادل وماهي الارباح الناتجه من 4000 وحده وماهي عدد الوحدات الواجب بيعها
لتحقيق ارباح قدرها 10000 ريال .

حبه حبه

نبدأ بنقطة التعادل

نقطة التعادل تكون الربح الكلي = صفر


الربح الكلي = الايراد الكلي _ التكاليف الكليه

هذي هي المعادله اللي نحل فيها ونعرف كم وحده

طيب

الربح الكلي = صفر زي ماقلنا

الايراد الكلي كيف نجيبه ؟؟ له قاعده

الايراد الكلي = سعر البيع * عدد الوحدات

طيب سعر البيع = 40 من السؤال

عدد الوحدات مانعرفه


الايراد الكلي = 40 * (عدد الوحدات مجهوله نرمز لها ب س )
اذا نظبطها

الايراد الكلي = 40* س هي نفسها = 40 س يعني 40 ضرب س تساوي 40 س

الايراد الكلي = 40 س

باقي ايش ؟ من المعادله السابقه

الربح الكلي = الايراد الكلي _ التكاليف الكليه

باقي التكاليف الكليه كيف نجيبها طيب ؟؟

لها معادله

التكاليف الكليه = التكاليف المتغيره + التكاليف الثابته


طيب حلو التكاليف الثابته اعرفها 75000 من السؤال

لكن كيف نجيب التكاليف المتغيره ؟؟؟ لها ايضا معادله

التكاليف المتغيره = التكلفة المتغير للوحده * عدد الوحدات

طيب التكلفة المتغيره نعرفه من السؤال 25

وعدد الوحدات مجهوله نرمز لها ب س

اذا

التكاليف المتغيره = 25 * س = 25 س 25 ضرب س تساوي 25 س

التكاليف المتغيره = 25 س

للحين حنا بالتكاليف الكليه ماطلعنا

التكاليف الكليه = التكاليف المتغيره + التكاليف الثابته

التكاليف الكليه = 25 س + 75000

هنا اكتملت عندي اجزاء المعادله الاولى

عندي الربح الكلي = صفر

عندي الايراد الكلي = 40 س

عندي التكاليف الكليه = 25 س +75000

نطبق المعادله الاولى

الربح الكلي = الايراد الكلي _ التكاليف الكليه

صفر = 40 س _ ( 25س +75000) < هنا لازم نسوي اقواس عشان شغله مهمه جدا جدا حنا الان

بنطرح يعني سالب قبل التكاليف المتغيره على حسب المعادله الايراد الكلي _ التكاليف الكليه

يعني التكاليف الكليه نحطها بين الاقواس وقبلها السالب ونضربها بالسالب عشان نفك الاقواس

تصير بعد مانفك الاقواس -25س -75000

يعني كذا تصير المعادله

صفر =40س -25س -75000

الان تكونت معادله من مجهول واحد سهله جدا

نودي 75000 يمين واذا غيرنا المكان لازم نغير الاشاره

ليش وديناه يمين عشان نطرح المتشابهات نودي الاعداد بجهه والمجاهيل بجهه

تصير

75000= 40س -25س الان نطرح المتشابهات

75000 = 15 س

الان عشان نخلي س لحالها لازم نقسها على العدد اللي جنبها

اللي هو 15 15س تقسيم 15 تساوي 1 س اي تساوي س هي نفسها

باقي نقسم ال750000

75000 تقسيم 15 = 5000

اي 5000 تساوي س

او س= 5000

وهي عدد الوحدات اللتي يتحقق عندها التعادل اي لاربحان ولاخسران



الجزء الثاني يبي كم اربح اذا بعت 4000 وحده ! سهله جدااااا

عندي المعادله جاهزه

الربح الكلي = الايراد الكلي - التكاليف الكليه عشان اشوف كم نربح


الربح الكلي = مجهول مانعرفه وهو اللي نبي نجيبه نسميه س

طيب

الايراد الكلي= سعر الوحده * عدد الوحدات

وكلها موجوده عندي بالسؤال

سعر الوحده 40 ريال

عدد الوحدات يقولي 4000

الايراد الكلي= 40 * 4000 = 160000

الايراد الكلي = 160000 ريال

طيب وش بقى لي من المعادله الاساسيه اللي هي

الربح الكلي = الايراد الكلي _ التكاليف الكليه


باقي التكاليف الكليه اللي هي

التكاليف الكليه = التكاليف المتغيره + الثابته

طيب حلو التكاليف الثابته عندي 75000

لكن المتغيره ؟؟؟

التكاليف المتغيره = التكلفه المتغيره للوحده * عدد الوحدات

وكلها عندي من السؤال

التكلفه المتغيره =25

عدد الوحدات = يقولي 4000

التكاليف المتغيره 25 * 4000 = 100000

التكاليف المتغيره =100000

اذا التكاليف الكليه = التكاليف المتغيره + التكاليف الثابته

التكاليف الكليه = 100000 + 75000

التكاليف الكليه =175000

اذا كملت لدينا المعادله الاساسيه

الربح الكلي = الايراد الكلي _ التكاليف الكليه

الربح قلنا مجهول وهو اللي نبيه ورمزنا له ب س

الايراد الكلي طلعناه 160000

التكاليف المتغيره طلعناه 175000

يعني الربح الكلي = س

س = 160000 _ 175000 عملية طرح بسيطه

س = - 15000 يعني سالب 15000 يعني طلع خسران الله يفشله 15 الف ريال اذا انتج 4000 وحده بس

س = - 15000

الربح الكلي = - 15000 يعني خساره 15 الف


نجي للجزء الثالث

كيف نحقق ارباح 10000 ريال

هذي عاد اتركها لك اذا فهمتي الشرح زين بتحلينها بكل سهوله

اذا مافهمتي ياويلك مني فلكه ههههههههههههههه

المشاركة الأصلية كتبت بواسطة دَانْــٍهٌ

المشاركة الأصلية كتبت بواسطة أزاليا

المشاركة الأصلية كتبت بواسطة دَانْــٍهٌ