طيب شف وانا اخوك

هذا يسمى خط الميزانيه

وشو خط الميزانيه وش ينفع فيه


هذا يعلمك الحد الاقصى من الخيارات المتاحه لك

يعني شلون ؟

هنا لنفرض انك يابحر العطا تاخذ مصروف شهري من ابوك 30 ريال

الدخل = 30 ريال


لنفترض وهذا افتراض وليس واقعي يعني افتراض للتعلم فقط

لنفترض انك بس جالس بالبيت ماغير تفطر وتقرأ كتب تفطر وتقرأ كتب شهر كامل وهذي حالتك

لين انلحس مخك هههههههه

الفطور تفطر من البوفيه اللي بحارتكم يصلح لك البنغالي صامولي جبن ب3 ريال

والكتب تشتريها من المكتبه اللي جنب البوفيه ب6 ريالات فقط

طيب انت الحين شهر كامل لازم تخطط لمصروفك يابحر العطا

معك 30 ريال

والفطور سعره 3 ريال

والكتب سعرها 6 ريال

وش الانسب لك ؟ خلال الشهر كامل

هل تشتري فطور ولاتشتري كتب ابد ولا تشتري كتب ولاتشتري فطور ابد !!

ولاتشتري نص فطور ونص كتب ؟؟؟

جبتني انا يابسطويسي اظبط لك الميزانيه الشهريه حقتك

قلت لك انا شوف يابحر العطا

دخلك 30 ريال وسعر الفطور 3 ريال

30 تقسيم 3 = 10 وجبات

يعني يااخ بحر العطا لو خليت فلوسك كلها فطور راح تكففيك فقط 10 وجبات

انت تقول وشلون وباقي الشهر اموت جوع !!!

اقولك نعم هذا دخلك وش اسوي لك ماني مسؤول عنك

لو توجه مصروفك كله الى الفطور يكفيك 10 وجبات كل وجبه ب3 ريال = 30 ريال دخلك كامل


يعني الحد الاقصى لاستهلاك الفطور 10 وجبات مستحيل ابدا ابدا تتعداها


طيب نجي نشوف لو نوجه فلوسك كلها للكتب كم يكفيك كتاب ؟؟

دخلك 30 ريال

سعر الكتاب 6

30 تقسسيم 6 = 5 كتب

يعني لو يابحر العطا طول الشهري بس تشتري كتب ماتكفيك الا خمس كتب بس

لو تطير لو تسوي ماتسوي مستحيل تتعدى هذا الشئ


ليش هذي ماتتعداهن ابد لانك محدود بالدخل ومستوى الاسعار هذا الي يكفي بس


طيب انت تقولي شف يابسطويسي انا مابيها كلها كتب ولا ابيها كلها فطور حسبها لي

انت عطيتني يابسطويسي خيارين بس ياشتري كتب بس اللي 5 كتب

ياشتري فطور بس الي هو 10 فطور وانا مابي كذا ابي شوي كذا وشوي كذا

عطني خيارات ثانيه يابسطويسي

باقولك ابشر فيه خيارات كثيره




عطيتك ست خيارات مستحيل يكونون7 ابد لان هذا الخيارات المتاحه لك بس

ومظبطها لك بجدول عشان تختار الخيار الي يجوز لك

وحطيت لك اعمده بالترتيب التالي

اسم الخيار___ كمية الكتب _ انفاق كمية الكتب____ كمية الوجبات _انفاق كمية الوجبات


الخيار الاول أ

اللي هو بانك ماتشتري اي كتاب وتشتري كلها فطور

فاصبحت كمية الكتب صفر الفلوس اللي دفعتها على الكتب صفر وهذا موضح بالجدول

طيب لاشريت كلها فطور كم يكفي
الدخل 30 تقسيم قيمة الفطور 3 = 10

اذا كمية الفطور 10 وجبات سعر الانفاق 30 ريال وهذا الي موضح بالجدول

عند خيار أ




طيب الخيار الثاني ب

انك تشتري كتاب واحد والباقي تاخذ به فطور

طيب حلو

يعني بالعمودين الاولين نحط انك شريت كتاب واحد

بسعر 6 ريال


كمية الكتب 1 سعر الانفاق على الكميه كامله 6 ريال



طيب بنسجل مكان الفطور كم نسجل ؟؟؟

نشوف كم باقي من الدخل حنا شرينا كتاب واحد ب6 ريال

ودخلنا 30 ريال ؟ كم بقى ؟ ؟؟؟

باقي 24 ريال حلو ال24 ريال كم تكفي فطور ؟؟ عشان نسجلها بالجدول ؟؟؟

الباقي من الدخل 24 تقسيم 3 ريال قيمة الفطور = 8 وجبات افطار !!

يعني 8 وجبات افطار في 3 ريال قيمة الوجبه = 24 ريال !!

مثل ماهي هنا




طيب نبي الخيار الثاني ب كامل الحين اللي هو حسبناه على جزئين


والخيار الثالث ج تختار كتابين وتحسبها بنفس الطريقه وتطبقها ويطلع لك الجدول اللي قدامك

والخيار الرابع هـ تختار 3 كتبوتحسبها بنفس الطريقه وبيطلع لك نفس الجدول اللي قدامك


مفهومه النقطه هذي عشان حبه حبه ببامشي معك :):)

المشاركة الأصلية كتبت بواسطة بحر العطا ابو ريم وين رحت انتظرك تشرح