 |
|
||||||
| مدونات الأعضاء قسم خاص يستطيع العضو انشاء مدونة خاصة به يكتب فيها مايشاء حسب قوانين الملتقى. |
 |
|
|
أدوات الموضوع |
|
#1
2012- 3- 17
|
||||
|
||||
الإسم بنت وبآلمواقيف رجآل حره وغصب اللي تريدهـ تطوله
بسم الله الرحمن الرحيم في هذا اليوم السبت الساعه 4 فجراً الموافق 24 / 4 / 1433هـ ... 17 / 3 / 2012 م صابتني حالة تهور واندفاع وقررت افتح مدونتي لأسباب أولاً : تلبيه لرغبة وطلب غالي من شخصه عزيزه علي اعتز فيها وافتخر برايها فيني . وثانياً : تجربه جديده لي اتمنى تكون ناجحه وممتعه لكل من يمر هنا . بالعاده ما انزل شي باي منتدى الا بعد وقت طويل من التفكير والترتيب بس هالمره غير عن كل مره قلت لنفسي بكتب اللي في بالي وزي ماتجي تجي مممما ادري وش اقول بالضبط ولا احب اتكلم عن نفسي وما احب احد يمدحني او يتكلم عني كثير لكن بما انها مدونه بقول بعض الاشياء اللي في بالي الحين بما اني مروقه على غير العاده اسمي زي هو واضح ريم اما الـ AB الحرفين اللي حيرت عقول المفكرين والعباقره على مر التاريخ الحديث وعصر النهضه ذولي اول حرفين من اسم الوالد يلا فكروا  واللي يعرفه بعطيه اسم جدي هديه  واللي ملقوف مره ويبي يعرف اسمي الكامل يدخل البلاك بورد بيلقاه << يرحم امك اسكتي  لي خمسطعش الف عياره ولقب ودلع تعرفون عاد ظروف اسم "ريم" يسمح بالتحريف واللف والدوران  الغريب والعجيب بالموضوع ان الناس ماتذكرت تدلعني الا يوم تعديت سن المراهقه وقربت من سن اليأس يعني ماتهنيت بشبابي ياهوووه  بس الحمدلله اني لحقت عالدلع عشان ما اموت وفيني حسره  ريمو ريوم ريموه ريومه ريمي ريمان الخ اخر دلعين يذكروني بثلاث طعسات عرفتهم من هون خاصه فيهم بيوونتي وجوهيرتي وهدولتي لبى قلوبهم طبيعة شخصيتي زي ما يوصوفوني اكثر اللي يعرفوني من النوع الطعس احب البربره اهذر كثير زي ما انتوا شايفين هون  ويقولون اني احب الفلسفه والعقلانيه الزايده .gif "(269)") مرجوجه ومصرقعه احيانا وياحبي للمزح لدرجة صرت بعض الاحيان اطفش اللي قدامي انكت دايم من دون ما احس بنفسي بس اذا قفلت معي اصير دب قطبي اكبر المخده واصك امها نومه لين تفكني ام العبيد  كثير يقولون عني مثقفه انا ما اشوف نفسي كذا صحيح اني اعشق جو الثقافه والقراءه والكتب والمكتبات بس مقارنه بالناس اللي اعرفهم انا مجرد عاشقه للثقافه وللحين ما وصلت للدرجه اللي تستحق مسمى مثقفه  مزاجيه مرررررره لدرجة الناس تفهي احيانا من تصرفاتي وبعضهم يزعلون ويحقدون وبعضهم وبعضهم .... لو بعددهم بتعب المهم اني خسرت ولا زلت اخسر كثيرين احبهم بحياتي بسبب مزاجيتي  يعني يوم القى نفسي مستااااااانسه وادق عليهم واضحك واسولف اليوم الثاني يدقون ما ارد واطنش فتره طويله ويرسلون ولا حياة لمن تنادي وش صار وش فيها البنت انا طبعاً ولا شي بس مخ تكارنه وش نسوي عاد الشكوى لله  هالنقطه سبب معاناتي لانها تكبر وتكبر واتعقد ومحد يصدقني واكرر نفس الغلط كل مره  هواياتي : الرياضه اعشششششششششقها " ممارسه مو مشاهده " مالي في التشجيع ابداً ولا في للأنديه الرياضيه والاشياء هاذي مع احترامي للمتعصبين لها اشوفها سخافه احب كل انواع الرياضات البدنيه زي الايروبيك والمشي والملاكمه << طرت علي الحين افكر اجيب لي شي في البيت ابققققسسه  واهم رياضه اعشقها هي كرة القدم احبها حب جنوني وكل من شافني قال اووووخص بس من كثر ماجتني تعليقات قصصصم تهد الحيل بعدت عنها فتره بنت تلعب كوره !! خير !! ليه !! وش تحسين فيه !! يؤ !! ولد !! << حطموني الله يحطم عقولهم التعبانه قصصصصم يفز قلبي من اشوف محل رياضه ودي اشتري كل انواع الكور اللي عندهم واشتري ملعب كبييييير العب فيه مع نفسي وهواياتي الاخرى القراءه والمحاضرات الدينيه والدورات الثقافيه احس ان قلبي يرقص اذا صرت بالمكتبه العامه انا تقريبا كل اسبوع اروح لها صارت جزء من حياتي واكيد بتكلم عنها اكثر بعدين اوقف عند هالحد وباذن الله بكمل بعدين بكتب هنا يومياتي واي شي يعجبني او يطري على بالي بحط فيها صور من تصويري بجوالي العزيز واتمنى تكون هاذي الصفحه ذكرى حلوه لي بينكم   << لكل من قرأ سطوريوإلى لقاء قريب جداً  
|
|
2012- 3- 18
|
#2 |
|
متميزة بمسابقة الملتقى الرمضانية
|
رد: الإسم بنت وبآلمواقيف رجآل حره وغصب اللي تريدهـ تطوله
السلام عليكم
Back ياحلويـــــــــــــن مو مصدقه نفسي صار لي مدونه خاصه ومتابعين ترى اول مره بحياتي افتح مدونه زي كذا وزي ما ذكرت بالاول حتى هاذي مافتحتها الا بطلب ولا ماكنت بسويها ما اشوف ان الفكره شينه بس الظاهر ان مخي كان فيه شيء .gif "(107)") واحس انه بيبدأ يتغير مع كل رد اضيفه هنا + اراءكم وتعليقاتكم حبيت اليوم اشكر اميره المحبه alsho0oq الافنان "قطوتي الحنونه" Jamilah بحة الشووق التقييم السادس ماذكر اسمه بس اظن انه "احمد باسمح " << تخيلوا يطلع ظني غلط ام الفشله اشكركم على اللايكات والتقييمات الروووووووووووووعه اللي وصلتني منكم بمناسبة افتتاح مدونتي ووصلتني بعد احلى لايكات من شاعر رايق أحزآن أنثى الـ مهآ Bashayr احمد باسمح مـلآمـح دآفـئـة انبسطت كثير بكم كلكم و اسعدتني تقييماتكم ولايكاتكم ما تتخيلون شكثر افتخر و اعتز فيها حقيقةً ماتوقعتها واتمنى اني استحقها فعلاً و اكون عند حسن ظنكم فيني كلمات بسيطه منكم زادت من ثقتي بنفسي واعطتني طاقه وحماس اكثر لمواصله التدوين وبالمناسبه حبيت اتكلم اليوم عن شيء بالمنتدى على قد ما يسعدني على قد مايحيرني وهو اللايكات والتقييمات اللي اوقات تكون مجامله او رد على تقييم شخص لك يعني نظام قيمني واقيمك اعطيني لايك واعطيك لايك اكره النظام هذا ويضايقني كثير .gif "(177)") ياليت لو ان الاداره تقدر تخلي اللايكات بدون اسماء بيكون الوضع بالنسبه لي تمام التمام  عن نفسي ما اضغط على رز اللايك او اكتب شي بخانة التقييم الا بعد ما اشوف ان المشاركه تستاهل وعاجبتني فعلاً ما يهمني من هو صاحبها ما اهتم كثير بعداد اللايكات او التقييمات بقدر ما اهتم بالمشاعر والاراء الصادقه وافرح اكثر بالانتقادات اللي تعدل مساري وتصحح اي خطأ صدر مني بشرط انها تكون باسلوب راقي ونيه مخلصه .gif "(204)") في نهايه كلامي ابي من كل شخص قبل ما يحط المؤشر على زر اللايك او يفتح خانة التقييم ويكتب يسأل نفسه هالسؤال وش هو دافعي ؟ هل هو شكر ؟ اعجاب حقيقي ؟ مجامله ؟ رد لايك او تعليق لصاحب المشاركه ؟ صاحب المشاركه صديقي ؟ اتمنى ان رأيي هذا ما ضايقكم واذا احد له راي ثاني انا ارحب فيه وانتظرهـ استودعكم ربي الا أن اعود CU
|
|
|
|
2012- 3- 31
|
#3 |
|
متميزة بمسابقة الملتقى الرمضانية
|
رد: الإسم بنت وبآلمواقيف رجآل حره وغصب اللي تريدهـ تطوله
باااااااااااكوك لعنونكم << مع نفسك في وحده طعسه كاتبتلي تقييم كبر جبهتها كلها سب طعوس وفي الأخير تقول ليش تقولين عني طعسه فضحتي عمرك ياتريله اسكتي احسن ولا ترى المره الثانيه بشهر فيك وارز بروفايلك هنا  << تسمع بالابتزاز :58545:اليوم كالعاده احط المؤشر في مدري وش يسمونه هذا اللي نكتب فيه ومو محضره شي تذكرت جوالي مليان صور ابي انزلها هنا وكل صوره لها سالوفه طويله عريضه تذكرت اني قد صورت مره حوستي وانا احفظ الفوكاب الشرير جبت لي السبوره البيضاء زي حقت المدارس بس صغيره شوي اكتب واحوس وامسح واكتب واحوس وامسح الخ الين ماترسخ الكلمه واحيانا اكتبها بخط كبيييييييييير عشان تدخل مخي غصب ومرات اكتب في السبوره واعلقها قدامي واذا حفظت امسح واكتب فوكاب جديد مخ بزران بس وش اسوي عجزت احفظ احفظ وانسى مافي فايده بذاكرتي الحلوه << تتمصلح واللي بالصوره كوبي العزيز هذا دايم جنبي عشان محد يشرب فيه غيري :58545: عليه صورة قطوووووه ياني حست ام المحلات حق ابو ريالين ادور عليه صح ان شكلها مو مره واضحه بس اهم شي قطوه والسلام اعشششششششششششششششقهم  وصلامتكم
|
|
التعديل الأخير تم بواسطة Reem.AB ; 2012- 3- 31 الساعة 12:04 PM |
|
|
|
|
2012- 8- 15
|
#4 |
|
متميزة بمسابقة الملتقى الرمضانية
|
رد: الإسم بنت وبآلمواقيف رجآل حره وغصب اللي تريدهـ تطوله
يييييييييييييييييييييييييييييييييييييييييييييوه وش هالغبار
اللي عنده شغاله يسلفنياها تنفض معي الغبره المهم انا وجهي مو وجه مدونات كم امقتني وامقت هذه الصفه فيني راعية سحبات المهم عجبتني هالصوره وضحكتني من كثر ما تنقال لي قلت ياربي وين احطها وين احطها وووووونطت في بالي مدونتي المسكينه  شرايكم بس
|
|
التعديل الأخير تم بواسطة Reem.AB ; 2012- 8- 15 الساعة 03:10 AM |
|
|
|
|
2012- 8- 15
|
#5 |
|
متميزة بمسابقة الملتقى الرمضانية
|
رد: الإسم بنت وبآلمواقيف رجآل حره وغصب اللي تريدهـ تطوله
ياخي والله متفشله من اللي ارسلوا اللايكات ومن الناس العسسسسسسسل اللي كتبوا لي الكلام الحلو بالتقييم
ودي كذا في يوم من الايام القريبه ان شاء الله اصوره وامطخه فيذا اكشششخ فيه مبدئياً كل واحد فيهم يمد يده وياخذ حبه واللي بيمرون مستقبلاً ياخذون  اذا ما كفاكم ارسلوا كول مي وانا اجيب لكم علبه ثانيه 
|
|
|
|
| مواقع النشر (المفضلة) |
| الكلمات الدلالية (Tags) |
| مبرووووك افتتاح الطعسة مدونة ^_^ قصدي مدونتك الجميلة(نجداوي), اللي, الإسم, بريدهـ, بنت, بطوله, دره, ريآل, وبآلمواقيف, وغصب |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| ملخص: المخ الانفعالي | فنوُ * | مكتبة الملتقى | 4 | 2012- 3- 21 11:52 AM |
| أسلوبي الخاص في المذاكرة وتحقيق التفوق | طموح لا ينكسر | إدارة أعمال 4 | 49 | 2012- 3- 10 09:50 PM |
