المشاركة الأصلية كتبت بواسطة بنت صالح آسفه رجعت مره ثانيه لكن تذكرت هوشه بيني وبين أخوي والسبب الاسم تخيلوا في البيت يناديني أنت يا بنت ما أدري هل هو أحتقار أو دونيه أو إنت ولا شي ما أدري بالضبط وش قصده المهم فوت مره ثنتين الثالثه عدت لكن الوضع مستمر رديت في يوم نادني على عادته أنت يا بنت قلت له أنا لي اسم و الله أمي وأبوي سموني قال طيب أنت بنت وإلا لا؟؟ قلت إيه أنا بنت لكن معروفه ولي اسم ، بنت هذي لأي وحده تمر من عندك وما تعرفها تقولها يا بنت حتى تتنبه إنك تكلمها ..وما زال راسه يابس وقال أنت يا بنت حفظتها ويوم من الأيام حبيت أردها له بشوف تأثيرها عليه وفي نفس الوقت يتعلم يناديني باسمي ما كنت أبي شي منه بس بستثيره ...بعد ما انتهى من الكلام والقهوه والشوكلاته والضحك قال مع السلامه تامرون على شي لا سلامتك يوم وصل الباب قلت له هي أنت ياولد وقف فجأه والتفت علي معصب أنا فلان أبو فلان وجع يوجعك قلت لا والله لك اسم طيب مثل مالك اسم وتحب نناديك فيه أنا لي اسم و أحب تناديني فيه و طالما أنا بنت أنت ولد حتى تعرف اسمي ..طلع وهو بنفجر من الغيض .. و أقسم بالله من ذيك الساعه ما ينادي إلا باسم الدلع وترك النكره.. وش رايكم فيني علمته بطريقته..

المشاركة الأصلية كتبت بواسطة مهند العتيبي لوجي وش فيك الى هالدرجه تربطين بين الاسم والاحترام لشخص . خلاص اذا اتزوجت بكتب بالكرت زواج كريم على كريمه

آخر الزمن والله اجل اسم امك عيب !!

السؤال موجه لفئة الشباب اكثرر بس مايمنع ان نشارك

اخوي غالباً هذا التفكير عند الشباب في سن الثانوية والجامعة فترة وتعدي الا من رحم ربي يجيك شاب بعقل رجال
يعني نادر جداً رجال بطوله وعرضة يقولك استحي او عيب اقول اسم امي

والحمد الله افتخر ان اصدقاء ابوي المقربين احيانا ينادونه بأسمي يعني ابوفلانه . .
ومثل ماتفضل الاخ
وجهة نظري عن المحيط اللي عايشه فيه . .
شكراً لك صاحب الموضوع . .