|
منتدى كلية العلوم بالدمام منتدى كلية العلوم بالدمام ; مساحة للتعاون و تبادل الخبرات بين طالبات كلية العلوم بالدمام و نقل آخر الأخبار و المستجدات . |
|
أدوات الموضوع |
#1
|
||||
|
||||
الدراسه بـ الإنجليزي ..؟ ( تم تعديل العنوان )
صباااااااااااااااااااااااااااااااااااااايااااااااا اااااااااااااااا..
بليز يالغاليات عندي سؤال أتمنى تجاوبوني عليه.. الصراحة أنا أخترت كليتكم بس اللي عقدني أنهم يقولون أن دراستها بالأنجليزي..فحبيت أسألكم الاحياء مثلا تدرسوها بالأنجليزي والرياضيات والكيمياء والفيزياء.. أنا عارفه أنكم تدرسوها بالأنجليزي بس فيه بنات قالوا لي أنهم مايدرسوها بالأنجليزي إلا قليل.. وبيني وبينكم .."أنا والله ماحب الأنجليزي" بس جا على بالي اني أدخل دورة أنجليزي .. أنا جايبه بمواد الثانوية درجات لا بأس بها بس الأنجليزي هي المادة الوحيدة اللي جبت فيها مقبول.. "اعطوني ردكم ورأيكم يهمني".. تقبلوا تحياتي التعديل الأخير تم بواسطة ♥..ЙAИa ; 2012- 7- 2 الساعة 01:27 PM |
2012- 7- 1 | #2 |
أكـاديـمـي ألـمـاسـي
|
رد: بليز يالغاليات عندي سؤااااااااااال معقدني..طلبتكم ساعدوني
انا نبات واحياء دقيقة ...دراستنا مو بلانجليزي ..الا الاسماء فقط .. وحتى الاقسام الثانية مايدرسون بالانجليزي الا اسماء الاشياء وبعض الرموز .. يعني قليل ..
ومن ناحية انك تخذين دوورة فأنا معاك راح يسهل عليك اشياء كثيرة في الكلية وفي حياتك ... |
2012- 7- 1 | #3 |
أكـاديـمـي ذهـبـي
|
رد: بليز يالغاليات عندي سؤااااااااااال معقدني..طلبتكم ساعدوني
لا ماناخذ بالانجليزي ندرس بالعربي عادي
بس احيانا بعض المصطلحات تجي انجليزي وقليله اما الرياضيات الكتاب انجليزي بس الشرررح التدريس بالعررربي |
2012- 7- 1 | #4 |
متميزه في كلية العلوم بـ الدمام
|
رد: بليز يالغاليات عندي سؤااااااااااال معقدني..طلبتكم ساعدوني
^
هلآ هلآ حبوبه بتنور الكليه تطمني مثل ما قالت queen* أنا تخصصي أحياء مجرد بعض الشغلات بالاتيني و بعضها بالانجليزي بس لآتتوقعي الدكتوره تقرق بالانجليزي بس في ماده الانجليزي ( طبعاً في تخصصي راح تاخذي مرتين انجليزي مره انجليزي عام و مره انجليزي علمي ) بس تراه سسسسسسهل نفس الثانوي قاعده و كلمات و معانيها و ع كم سؤال و ربنا يوفقك |
2012- 7- 2 | #5 |
أكـاديـمـي
|
مشكوررررررررررررررررين
تسلمون يالغاليات ..
باقة ورد وياسمين وكادي لكم .... يارب يرزقني بصديقات زيكم.."صديقاتي كلهم أدبي" ردكم ريح قلبي اللي له كم يوم يرجف أتأسف إذا أزعجتكم بس عندي أستفسار يعني يطلبون منكم أشياء.. وأبي استفسر عن اللبس..كيف..؟ رسمي وإذا كان لا .. عادي نلبس بنطلون أو ميد وبعد لا حظت المستويات عندكم اللي ثامن واللي خامس واللي السابع..أعطوني عنها فكرة. الله يخليكم أنا وحيدة أهلي والباقين كلهم عيال.. ماحد يعرف عشان يعلمني فالله يخليكم قد ماتقدرون تساعدوني ...أنتوا حسبت الأخوات عندي.. وأسفه ع الأزعاج بس والله مالي غيركم من بعد الله سبحانه |
2012- 7- 2 | #6 |
أكـاديـمـي ذهـبـي
|
رد: بليز يالغاليات عندي سؤااااااااااال معقدني..طلبتكم ساعدوني
هلا ومرحبا فيك بين أخواتك
وموفقه أما عن إستفساراتك فمن ناحيت اللبس تنوره كحلي أو أسود طويل أهم شيء ماتكون فوق الكعبين ولا قماشها سترش يعني مطاطي والبلايز على كيفك أهم شيء مش شفافه لكن ما عندنا لبس البنطلون ولا الميدي وكل شيء باقي على كيفك إن شاء الله وضحت لك ما إحتجتي له |
2012- 7- 2 | #7 |
أكـاديـمـي ذهـبـي
|
رد: بليز يالغاليات عندي سؤااااااااااال معقدني..طلبتكم ساعدوني
أما المستويات
فكل نصف أول أو ثاني من السنة يسمى سمستر وهذا وبالله التوفيق |
2012- 7- 2 | #8 |
أكـاديـمـي
|
رد: بليز يالغاليات عندي سؤااااااااااال معقدني..طلبتكم ساعدوني
شوفي ياعسل بالنسبه للدراسه بالانجلش انا رياضيات وتقريبا معظمها أنجلش والامتحان كله بالانجلش هذا بالنسبه للرياضيات اما التخصصات الثانيه هي نفس ماقالولك الأخوات اللي قبلي بعض المصطلحات فقط ولعلمك الأنجلش ابد مايخوف بالعكس احس الدراسه بالانجلش افضل لك هو في البدايه فقط بتحسين بصعوبه لانها مصطلحات جديده وبعدين كل شي بيمشي أوكيه ان شاء الله موفقه خيتو
|
2012- 7- 2 | #9 |
أكـاديـمـي ألـمـاسـي
|
رد: بليز يالغاليات عندي سؤااااااااااال معقدني..طلبتكم ساعدوني
هلااااااااااا بنفر جدييييييد
حبيبتي النباتااااات كفوو وفوو ومثل م قالوا الحلوين من ناحيه الانقلش فـ لاتشيلي هممه تراه سهل وبسيط ..:$ + بالنسبه للبس عااادي .. تنوره سودا اوجينز بس يفضل انها م تكون[ ميد او سترتش ] لانه بتتعبي معهم + المستويات ي قمووره هي كـ الآتي : هي السمستر "كل ماتخلصي سمستر تطلعي مستوى" وعلى هذا الحال ...الين تتخرجي وبالتوفيييييييق ي عوومممري |
2012- 7- 2 | #10 |
مشرفة منتدى كلية العلوم بالدمام سابقاً
|
رد: بليز يالغاليات عندي سؤااااااااااال معقدني..طلبتكم ساعدوني
بالنسبة لقسمنا ممكن تصادفك مواد يكون المرجع بالإنجليزي حتى بعض مواد الفيزياء كذا
والشرح واسئلة الإختبار تكون بالعربي وعادي زي ماقالوا الأخوات اللي قبلي مع الوقت بتتعودين إن شاء الله وبعضها لا كل شي بالعربي ماعدا الرموز والأرقام وهالشيء يعتمد على الدكتورة اللي تمسك المادة وحياك الله معانا وبالتوفيق إن شاء الله |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
اذا ممكن ابي اسئلة اختبار الاستراتيجيات محلوله | هـدوء الليل | ارشيف المستوى 4 تربية خاصة | 120 | 2012- 5- 14 07:23 AM |
سوا نراجع علم نفس تربوي | أم يزيد | ارشيف المستوى 3 تربية خاصة | 457 | 2012- 5- 13 04:07 PM |
خبر بخصوص مادة بناء وتطوير مناهج | دلع بنات11 | ارشيف التربية الخاصة | 13 | 2012- 5- 6 08:35 PM |
ملزمة استراتيجيات التدريس | قهررر | ارشيف المستوى 4 تربية خاصة | 25 | 2012- 4- 9 12:27 AM |
خدمه بخصوص اسالة الامتحانات الي طافت | انا REEM | ارشيف المستوى 4 تربية خاصة | 10 | 2012- 4- 6 01:15 AM |