 |
|
||||||
| منتدى كليه الغد للعلوم الصحية منتديات كلية الغد للعلوم الصحيه المنح الدراسية في كليه الغد وجميع ما يخص كلية الغد. |
 |
|
|
أدوات الموضوع |
|
#1
2012- 7- 13
|
||||
|
||||
|
تجربتي الأولى في اختبار الايلتس
حبيت اعرض تجربتي في اختبار الايلتس لتعم الفائده الجميع*
رح ابدأ بالترتيب اول شي حجزت موعد يناسبني عن طريق موقع القنصلية البريطانية وعبيت النموذج للتسجيل بعدين طبعته ورحت شخصي للقنصلية مكانهم بالخبر ابراج الراشد الدور السابع ودفعت الرسوم 850 ريال واخذت معي اللي طالبين *4 صور شخصية توضح حدود الوجه والذقن ضروري>> والجواز الاصل وصورة او بطاقة الهويه بيعطونكم ورقه تثبت الحجز وفيها تعليمات للاختبار ومخطط لموقع الاختبار طبعا احتمال يكون اختبار المحادثه في يوم 2 مثل ماصار معي* مكان الاختبار للبنات: مدارس الحصان بالدمام *ما ادري عن الاولاد بس اظن بفندق الموفنبيك مو متاكده اول شي نصايح عامه: اهم شي تنامووون كويس لاتغلطون غلطتي نمت ساعه بس وفقدت التركيز خاصه في الاستماع* استعدوا للاختبار قبل بشهر في مواقع حلوووة في النت وفي كتب اذا مستواكم وسط اما اقل يحتاج وقت اكثر من كذا.* اقروا عن المواضيع اللي اكثر شي تجي في المحادثه و الكتابة حيل بيفيدكم نجي للاكشن يوم الاختبار احسن شي تروحون قبل بساعه يروح التوتر شوي واهم شي الجواز او البطاقه الي اللي سجلتوا فيه لازم اهو اللي تجيبونه معكم واهم شي الاصلللللل..... وحدة مسكينه جابت صورة ما اختبروها مستحيل تدخلون الاختبار بدون الاصل بعدين بينادون بالاسم تحطون اغراضكم والجوال بغرفه وتاخذون بس الجواز وقلم رصاص ومحاية وبرايه ومويه هذا المسموح بعدين يصورونكم وياخذون البصمة5 مرات وتدخلون التست روم* اقسام الاختبار: 1 الاستماع صراحة ماتوقعت بيكون واضح ولاتدربت عليه الاقليييل وسهرانه ضاع التركيز للاسف اسوأ قسم حليت فيه مع انه فررررصه تجمعون درجات طبعا مدته نص ساعه ويتدرج من الاسهل للاصعب ويعطونكم 10 دقايق اخر القسم تنقلون الاجابات في ورقه الاجابة بسرعه نقلوهم ترى يطير الوت ماتحسون طبعا التسجيل لايعاد مره وحده بس 2 القراءه 3 قطع منوعه طبعا قسموا الوقت هو ساعه 20 دقيقة لكل قطعه طبعا الاختبا مصمم انه مابتقدرون تقرون كل كلمة في هالوقت القصير فاستخدموا مهارات القراء السريعه *بحثوا عن هالطرق* طبعا مو شرط اول قطعه هي السهله انا معي جا العكس اول وحده اصعب شي ماعطيتها اكثر من20 دقيقه وقريت الاسئله بعدين رحت للقطعه واللي ما اعرفه اخمن مو معقوله اوقف ع سؤال واخسر الباقي اللي ساعدني اني خططت للوقت كل ئي اخلصه وقته واروح للي بعده عشان *ما اخسر اللي بعد.. القطعه ال2 اسهل و3 اسهل كثير *كان وضعي احسن من الاستماع في هالجزء مع انه اصعب بس بديت اخذ ع الوضع.* 3 الكتابه جزئين Taske1* يجي احصائيات او جداول ونسب او مقارنات نسب وتكتبون وصف للي في الصورة بتعرفون اكثر لدخلتوا مواقع تتكلم عن الاختبار* طبعا لابد تكتبون150 كلمة في 20 دقيقه* Task2 تكتبون عن رايكم في موضوع او اراء متعارضه وليه وتفصلون وتتعمقون اقروا اكثر عن هالجزء طبعا250 كلمه في40 دقيقه.* جاني موضوع الاجرام عندةالاطفال رايك فيه وهل نقدر نوقفه موضوع حلو وسهل نوعا ما* هنا خلصنا3 اجزاء ووزعوا علينا اوراق فيها موعد اختبار المحادثه كان موعدي اليوم الثاني رحت واختبرني شخص بريطاني طبعا لازم تكونون مرتاحين وواثقين من حالكم عشان تعطون المقابل انطباع جيد* 3 المحادثه يسال عن معلومات شخصية وهوايات بعدين يعطيك ورقه فيها موضوع ورقه وقلم ودقيقة تكتبين راوس اقلام عن اللي بتقوله بعدين يتعمق اكثرفي الموضوع جاني عن التكنولوجيا واستخدامها في السعودية وتاثيرها ع الاطفال وفائدتهاىللتعليم *وسلبيتها موضوع حلو وسهل بس انتهى الاختبار والنتيجه تطلع بعد اسبوعين من الاختبار ويعطونكم رقم تدخلون الموقع وتشيكون ع النتيجه وتستلمون التقرير شخصي من القنصليه انشاء الله عطيتكم نظره بسيطه عن الاختبار ممكن تفيدكم لوبالقليل بالتوفيق للجميع لاتتخوفون منه بس يحتاج استعداد واتكلوا ع الله تجربه ممتعه صراحه.* 
|
|
2012- 7- 13
|
#2 |
|
أكـاديـمـي نــشـط
|
رد: تجربتي الأولى في اختبار الايلتس
معادلة صعبة شرح رائع للاختبار ونتمنى لك التوفيق ان شاء الله
ولكن القراءة اختيارات ولا فيها فراغات الي ابي اقوله كل الاختبار اختيارات الا قسم الكتابة ولا لا 
|
|
|
|
2012- 7- 14
|
#3 | |
|
أكـاديـمـي نــشـط
|
رد: تجربتي الأولى في اختبار الايلتس
اقتباس:
ممكن تجي جمل ويقول اختار وش الصح بناء ع اللي قريته وش الخطا وفي فراغات الاختبار شكل عام مو كله اختياري متنوع كل شي موجود مايعتمد بس ع الاختياري |
|
|
|
|
2012- 7- 14
|
#4 |
|
أكـاديـمـي نــشـط
|
رد: تجربتي الأولى في اختبار الايلتس
لدعم الموضوع هذا موقع ممتاااااااز فادني فيRaitting مختصر مفيد سهل بيفيدكم كثييييييير يعلمك تكتب مقدمه صلب الموضوع والخاتمهhttp://writefix.com/
|
|
|
|
2012- 7- 14
|
#5 |
|
أكـاديـمـي
|
رد: تجربتي الأولى في اختبار الايلتس
مشكورة على المعلومات وبالتوفيق
شكلي راح اختبر ايلتس بس راحت علي هذة السنة الدراسة 
|
|
|
|
2012- 7- 14
|
#6 |
|
أكـاديـمـي ذهـبـي
|
رد: تجربتي الأولى في اختبار الايلتس
حلو انك تطرحين تجربتك عشان الكل يستفيد
 واللي ما عنده خلفية عن الاختبار يتعرف عليه  يعطيك الف عافية  فالك الدرجات العليا بالدنيا والآخرة  بالتوفيق  |
|
|
|
2012- 7- 14
|
#7 |
|
أكـاديـمـي نــشـط
|
رد: تجربتي الأولى في اختبار الايلتس
الرجاء من الادارة تثبيت الموضوع للاستفادة وشكرا لكم
واتمنى من اي شخص عنده كتاب او موقع يقوم بإضافته هنا لتكمل الفائدة |
|
|
|
2012- 7- 14
|
#8 | |
|
أكـاديـمـي نــشـط
|
رد: تجربتي الأولى في اختبار الايلتس
اقتباس:
|
|
|
التعديل الأخير تم بواسطة ehh ; 2012- 7- 14 الساعة 08:57 AM |
||
|
|
|
2012- 7- 14
|
#9 | |
|
أكـاديـمـي نــشـط
|
رد: تجربتي الأولى في اختبار الايلتس
اقتباس:
ولووو العفو عوضي وانشاء الله خير |
|
|
|
|
2012- 7- 14
|
#10 | |
|
أكـاديـمـي نــشـط
|
رد: تجربتي الأولى في اختبار الايلتس
اقتباس:
مشكووووورة ع الدعوة الحلوة الله يوق الجميع |
|
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| [ رواية ] : بعــــــــــــلمـــــــــــك درس . يفيـــــــــــدك ويحيــــــــــــيك .. | ₪ حـكـاية روح|~ | ملتقى الفنون الأدبية | 46 | 2013- 9- 30 07:21 PM |
| [ رواية ] : لا قلت احبك ,, اسكتي واحضنيني ,, | ₪ حـكـاية روح|~ | ملتقى الفنون الأدبية | 88 | 2013- 1- 13 12:49 AM |
| تلاوة وتجويد: اختر الإجابة الصحيحة (سؤال وثلاث إجابات) | ابوطلال2011 | المستوى الثاني - كلية الأداب | 10 | 2011- 12- 17 01:27 PM |
| تلاوة وتجويد: ثانيا : أسئلة وأجوبة (شاملة من محتوى المقرر) | ابوطلال2011 | المستوى الثاني - كلية الأداب | 4 | 2011- 12- 16 10:15 PM |
| (الطلبة اللي رايحين مستوى2 ، مستوى3 ، مستوى4 ) | محمدد | ملتقى طلاب التعليم عن بعد جامعة الملك فيصل | 35 | 2011- 12- 11 12:43 AM |
