المشاركة الأصلية كتبت بواسطة فيزيائية طموحة يا بعض بنات الخطة القديمة بسكم إشاعات علموني ايش سوت لكم الدكتورة غدير عشان تتكلمون عنها كذا ؟؟؟؟؟ بصراحة هالدكتورة قمة في الأخلاق والتواضع وإذا كان عندكم مهارة في تأليف القصص الخيالية ياليت تستغلون هالشي بالقصص الهادفة مو إشاعات على الناس اللي حاضرين اليوم دروا بس اللي غايبين شوفوا ايش صار : هذا الخبر اللي يقول إن الدكتورة غدير دخلت الأسبوع الماضي والإختبارات على البلاك بورد و ........ إشاعة من نسج الخيال وكنت مضطرة انزل الخبر هنا لإني ادري انه بينتشر فقلت انبه عليه وماتوقعته اشاعة لإن وصل عن طريق اتصالات وفيه فلانة بالإسم قالوا انها حضرت بس ماكنت مرتاحة <<< ياخوفي ان الإشاعة طالعة البنت بعد انها قايلة كذا وهي ماقالت الحين نجي للرد على الإشاعة بالنسبة لدخول الدكتورة وحضور الطالبات : صاحبة الإشاعة تقول : دخلت الدكتورة الأسبوع الماضي وكان الحضور 8 طالبات الدكتورة غدير تقول : اليوم (الثلاثاء 24 / 10 / 1433 هـ) هو أول يوم تدخل علينا الدكتورة وقالت إنها في اول يوم تحب تعرف بنفسها وتعرفنا بالمنهج وهذا اللي صار اليوم وفعلا عطتنا محتويات المنهج والمرجع بالنسبة لتوزيع الدرجات : صاحبة الإشاعة تقول : أعمال السنة النظري : اختبارين من 10 على البلاك بورد فقط والإختبارات بتكون يوم الخميس ومدتها نص ساعة ومحورة وفيها مسائل وبعد اختبار العملي الشيت بيكون على البلاك بورد على كذا بيكون النهائي من 50 الدكتورة غدير تقول : أعمال السنة النظري : اختبارين من 12 + درجتين على العروض + درجتين على الواجبات + درجتين على اختبارات قصيرة بعد كل محاضرة في المحاضرة نفسها المجموع = 30 درجة العملي : 30 درجة النهائي : 40 درجة وانها ماتحب البلاك البلاك بورد ومابتسخدمه اصلا وتواصلها معانا على الإيميل بحيث احنا نرسل ايميل بأسماءنا وهي تضيفنا بالنسبة للعملي : صاحبة الإشاعة تقول : اللي بتعطينا العملي أستاذة أمل أستاذة أمل تقول : اللي بتعطينا العملي أستاذة نورة القرو وماقالت انها انها كانت بتعطينا وتغيرت وطبعا اليوم البنات وضعهم جدا مضحك مبكي قبل المحاضرة قاعدين يتناقشون على اختبارات البلاك بورد وانهم مايبونها خميس ويمكن يفصل النت واحنا بسنة رابعة ونبي نتخرج ومن هالكلام واللي بيهدون الوضع قاموا يعطون اقتراحات ثانية يعني شي لا يصدقه عاقل اللي صار اليوم وبكرة محاضرة نظري ساعتين من 10 - 12 في معمل الأطياف وعالعموم بنتأكد أفضل من المكان واللي مو مصدقة هذا إيميل الدكتورة تراسلها وعلى مسؤوليتي ... وأتمنى ماتطلع إشاعة ثانية لا على دكتورة أوعلى محاضرة ومو بصالحكم ترا لأن الخبر بيوصل للدكتورة عشان تتفاهم معاكم لأن فيه أسماء مشكوك في امرها والغلط مو بس عليكم على اللي يصدقكم بعد وأتمنى من اللي طلعت الإشاعة تروح تعتذر من الدكتورة بأسرع وقت ممكن لأن اللي سوته يعتبر بهتان لإن الكلام مو صحيح عن الدكتورة ونميمة لإنها كانت بتفرق بين البنات ودكتورتهم الله يهديهم ويهدينا معاكم وأنا أعتذر أيضا من الدكتورة غدير إن بدر مني ما ضايقها من حيث لا أشعر

المشاركة الأصلية كتبت بواسطة فلآﯛيـہ بنات شلون ادخل البلاك بورد وش كلمه السر والمستخدم انا دخلت برقمي الجامعي والسجل رفض يفتح

جزاكم الله خير بنات على تفاعلكم مع الموضوع

واليوم كانت أول محاضرة أطياف

وكان شرح الدكتورة على مستوى ما شاء الله تبارك الله وتحب ان البنات يتفاعلون معاها وعطتنا اسئلة بنهاية المحاضرة اللي تجاوبها بتاخذ درجات عليها

هذا غير تعاملها الراقي معانا

<<< الى الحين ماني مستوعبة كيف كل هذا الكلام طلع عليها

عالعموم هالشي مو ضايع عند الله وبتاخذ أجره إن شاء الله والحمد لله إن الحقيقة انكشفت للجميع

والإشاعة اللي ماعلقت عليها طلعت علي

فيه ناس يقولون إني انا اللي مطلعة الإشاعة والمشكلة إذا قالوا انهم مادخلوا المنتدى بس سمعوا من بنات إن هالإشاعة مصدرها أنا

ياليت تشوفون المنتدى بنفسكم وتشوفون ردودي قبل بعدين احكموا

أنا عن نفسي ما ابي اعتذار ولا شي انا مسامحتكم لوجه الله
بس اقول لكم انتبهوا من هالشي ترا قاعدين تحملون على نفسكم ذنوب الناس

وأخيرا أتمنى الأسبوع الجاي ماتوصلنا اشاعات جديدة وزي ما قلت أي إشاعة جديدة بوصلها للدكتورة نفسها وتتحمل البنت المسؤولية
وهذا اللي المفروض صار مع الدكتورة غدير
وقبل بحطها في المنتدى واحذر منها عشان اللي مادرى يدري

المشاركة الأصلية كتبت بواسطة فلآﯛيـہ بنات شلون ادخل البلاك بورد وش كلمه السر والمستخدم انا دخلت برقمي الجامعي والسجل رفض يفتح