 |
|
||||||
| ملتقى المواضيع العامة منتدى المواضيع العامة والنقاش الهادف |
 |
|
|
أدوات الموضوع |
|
#1
2009- 5- 8
|
|||
|
|||
|
اللي تدخل الله يسعدها في الدنيا والاخره
السلام عليكم اولا الله يسعدك في الدنيا والاخره ويوفقك يااااارب والله اوعدك اكمل للنهايه الحين اللي دخل هالموضوع عليه دين ((لأن وعد الحر دين**))  [COLOR="Blue"] موضوع غااية في الاهمية للشعب العربي بشكل عام والشعب الخليجي بشكل خااص ومتفائلة أنه يتثبت ويلاقي صدى حلو لأني عارفة رقي العقليات اللي بأحاورها أنا لي شهرين أقرأ في هذا المنتدى وبصراحة حاسة إني بين صديقاتي أبهرني تعاونكم وأهنيكم على المشرفات ندخل في الموضوع.. وراح أتكلم بعفوية وتلقائية لأن الكلام اللي يطلع من القلب مباشرة يدخل القلب أنا بنوتة خليجية عمري 23 تغيبت عن مجتمعنا 8 سنوات ورجعت له من شهرين بصراحة تفاجأت وانصدمت من التغيرات اللي حاصلة في المجتمع بكل فئاته وطبقاته .. في النوادي الرياضية..في الأسواق..والأهم في الجامعات والمدارس..وفي المنتديات والمدونات تمنيت أني ألقى المجتمع تطور للأمام..أو تقدم للأفضل لكني للأسف لقيت النقيض رجوع خطوااات للخلف..من جميع النواحي قد يكون كلامي فيه غلظة شوي بس يقول لك المثل يا بخت من بكاني وبكى الناس علي ولا من ضحكني وضحك الناس علي تساؤلات كثيرة أرددها بيني وبين نفسي وما ألقى لها أي جواب وأنا متأكدة أنها تتردد على كل رزين وعاقل شرواكم هل لما زادت رفاهية الحياة يزداد تخلفنا؟؟ هل لما تطورالعلم وتسهلت الطرق له يزداد جهلنا؟؟ ليه صرنا مجتمع سطحي لاهم ولا رؤية ولا رسالة ولا هدف من الحياة التفكير والتركيز على المنظر والمظهر فيه كاريكاتير أول ما شفته زعلت لكن ألحين حسيت إنه أبلغ من كتب ممكن نكتبها الكاريكاتير يمثل شعوب العالم فمثل الشعب الخليجي بكرتونات مزينة وإذا فتحتيها لقيتيها فاضية وهذا واقع البنات اليوم مظهر ومنظر ولو تقولين لها 1 ×1 كم؟ تنحت لو تقولين لها وش آخر كتاب قريتيه؟ قالت هااااه "بغض النظر عن الروايات التافهة اللي طايحين فيها هالفترة" ----------- لو نص هوس المظاهر هذا كان على عقولنا لكنـّـا أنجح الشعوب لأنه ببساطة كل شيء متوفر عندنا لا ناقصنا مال ولا قدرات عقلية ------------------ الأجانب فلوسهم رايحة على تعليم عيالهم وتثقيفهم وصحتهم تلقين راتب الأب والأم ضئيل ومستحملين شظف العيش عشان يرسلون ولدهم برى يدرس شهادة عليها القيمة بينما عندنا يستحملون الديون والأقساط عشان تسوي زواج كله إسراف وتبذير وآخرته الناس طالعة منتقدة وإلا ديون وأقساط عشان تقول صيفنا برى شهر كامل والله أعرف وحدة شخصيا تقول السفر بالنسبة لي عذاب لأننا إذا سافرنا طول السفر طقاق أنا وزوجي وأنا أحرسه لا تناظر وهو يحرسني لا تناظرين ..قلت طيب خلوا سفركم لبلدان محافظة أو لا تسافرون حطوا فلوسكم في البيت تغيير ديكورات وأثاث عصصصبت قالت خيييير سلايفي لين سولفوا أصير بينهم ما سافرت وإلا إذا سولفوا صديقاتي إلا أنا ما سافرت وش بيقولون عني !!!!!!! مافيه تعليق ----------------------- أنا لما جيت بعد هذي المدة توظفت في بنك ولاحظت إنه إذا جت العميلة أم ساعة ألماس فخمة وشنطة قوتشي الكل يتبادر لخدمتها وإذا جت العميلة اللي مظهرها ما فيه بهرجة.. تستجدي الموظفات يجون يساعدونها والمضحك في الوضع إني ألاقي العميلة البسيطة ما شاء الله حسابها شي وشويات..وهذي أم البهرجة حسابها بالسالب(عليها قروض وسيارات تقسيط)..وعنوانها يا إما شقة وإلا أجار مو انتقادي على القرض ولا على السكن انتقادي هو إنك مكلفة نفسك بالديون والقروض عشان شويتين نظرة إعجاب من الناس بس ما ألومك لكن ألوم المجتمع اللي صار سطحي..يحكم عليك بموديل جزمتك ---------------- أول تصنيفنا للمجتمع كان جامعية مثقفة عاقلة متربية قليلة أدب دينة بنت ما ربوها أهلها يعني كان مقياسنا الدين والتعليم والتربية أما ألحين صار تقسيمنا للمجتمع لو كلاس هاي كلاس بنت ستايل بنت قروية فعلا تصنيف متخلف رجعي سطحي يعني رجعنا للجاهلية وإحنا ألحين ننادي بالعولمة والعالمية والتطور والتحضر الحضارة تبدأ بالعقول -------------------من جد من كثر ما أنا منهارة من هالوضع والله مو عارفة وش أكتب أروح لنادي رياضي ألاقي ملابس يستحي إبليس يلبسها تمشي الوحدة وعفوا يعني ما أدري كيف بأقول هذا الكلام بس مضطرة خطها من ورى طالع.... لأنها لابسه المجرم المدعو لو ويست...ياااااه ....وصلت أن العورة المغلظة تطلع زيها زي الخدة والخشم..ما أدري وش أقول وش أخلي طبعا هذا غير الاسترتشات اللي لما تتمدد يطلع البنطلون شفاف..شيء يجيب الغثيان.. المشكلة نتدرب في كلاسات كلها مرايا يعني ماتستائين من منظرك!!!!! الصدور طالعة إلى الحلمة..تقولين بترضع ولدها..الكلام الماسخ وقلة الأدب.. والصداقات اللي تجاوزت جميع الخطوط الحمراء عند البشر.. وفي اعتقادي حتى البهايم تربأ بنفسها إنها تسوي اللي نشوفه في الأماكن العامة بين البنات..بوسات وأحضان سخيفة ولمسات والله المتزوجة تحتاج مدة على ما تتجرأ تسويها مع زوجها المشكلة إن أول كان هذا الشيء نكرة + قلة تربية + عند بنات متوسط + خفية عن الأعين أما ألحين علنا قدام الله وخلقه + بنات كباااار تجيك أم 23 أو 24 سنة عندها على قولهم "خوية".. آآه بس أي مجتمع بتربين ؟؟ وأي نشئ بيصعد على يديك؟؟ من أسبوعين اتصلت وحدة خليجية على فوزية الدريع قالت أنا معلمة كلمت واحد وحبيته وقال..و..و..وكملت تفاصيل حماقتها .. اللي من جد فشيلة على القنوات ينقال أنه هذي خليجية قالت لها الدكتورة "..وش هالخداج معلمة وهذا عقلج.. أي جيل بتخرجين لنا..وين مخج..وين تربيتج " الخداج: هو الجنين في بطن أمه إذا تعدى الشهر الخامس يعني تعدينا مرحلة أنهم رجعوا للمراهقة.. هم رجعوا لما دون ذلك ----------------------------- أخذت اللغة على يد أمريكية..عاشت في أمريكا 10 سنوات من زواجها و3 سنوات في الخليج.. لأنها متزوجة خليجي>>منحوسة تقول أنا توقعت الخليج بتسهل علي تربية عيالي لكن اكتشفت العكس برى لما يشوفون غلط أقول لهم هم كفار ينبسطون شوي وآخرتها النار بس إحنا مسلمين ننحرم شوي وبنتمتع فورإيفر في الجنة تقول وكانوا مقتنعين والأمور تمام أما هنا لما يسألوني عن أشياء غلط يشوفوها في المول"والله كلامها نصا" أتلعثم وما ألاقي حجة مقنعة>>طبعا هم يعرفون كيف يحاورون عيالهم ما تقول له إلا كلام مقنع ومنطقي شوفي مخ عيالهم ومخ عيالنا نرجع لها تقول صرت أقول لهم "there are good muslims & bad muslims" ---------------------------------- هذا الصرح الرائع اسمه مملكة المرأة 99% من مواضيعه عن المظاهروالشكل هل عالم المرأة في قطعتين الملابس اللي تلبسها؟؟ >> لا وكل مالها تتقلص هذي القطعتين وين ثقافة المرأة؟ وين أساليب الحوار؟؟ وين القضايا الدينية اللي تخص المرآة؟؟ بالمناسبة أرفع أحلى تحية وأهني صاحبة موضوع "للمخطوبات خصوصا وللمتزوجات عموما" لأنها أثارت موضوع رائع ومفيد وكمان أسعدتني الردود اللي في موضوع "ستايلك شين" لأني حسيت إنه حمدلله في شعلة أمل تقول لازال فيه ناس تفكر بعقلها مو بعيونها وبرضوه تحية محترمة لصاحبة هذا الموضوع ------------------------ يا كثر ما نسمع ماتوقعت الزواج كذا ؟ انصدمت بالحياة اليومية في الزواج؟ ما قدرت أفهم زوجي..... عارفين ليه لأن منتدياتنا النسائية ثقافتها "بسررررعة بنات وين ألقى بانتي أحمر ..عشاني بألبس في الحفلة لوو ويست" وإلا "مين أفضل مركز ينظف لي البكيني بالليزر؟؟" صارت البكيني منطقة عادي تطلع؟ تتقلبين على السرير بمنظر مقزز ومقرف.. وبدون ولا نقطة حياء؟؟ والله لو أمك اللي بتشيل لك بالليزر كان استحيتي وين الحياء؟؟ مات؟؟ وإلا نخنقه عشان ما يسيطر على تصرفاتنا؟؟ وإلا اللي كان ماسك البنات شدة الأهالي؟؟ لما خفت شفنا الهوايل؟؟ وإلا الدين انحصر في صيام 30 يوم في السنة و5 صلوات في اليوم بس؟ كلها 8 سنوات تفاجأت وانصدمت وما أدري متى أقدر أستوعب هذي التغيرات اللي أتمنى تتعدل للأفضل ولا أحتاج أستوعبها أتمنى أنها تكون نزوة وقريب تتلاشى وتصير ذكرى أليمة في الماضي ونقول كنا وكان أتمنى يصير الخطأ شيء عيب ما نتفاخر به ونعتبره مقياس على مدى حضارتنا --------------------------ليه صرنا نستحي من الدين ومن العادات "أنا أتكلم عن العادات الصح مو المتخلفة" تجي كوافيرا تقول لو ما عندك تحفظ على الإكستينشن أعمليها !! صارت المسألة تحفظ؟ صار اللعن أمر قابل للنقاش والتحفظ؟ صار الوصل ينصح به في المنتدى على مسمع من مايزيد عن خمس مية بنت وياليت وحده ردت وقالت حراااام من واقعنا الكوافيرات أغلبهم نصرانيات عقيدتها المسيح ابن الله بس الشرهة علينا إحنا يا أمة لا إله إلا الله لو ما كانت شايفة جرأتنا وتمردنا على الدين ما قالت كذا هل كان قبل التوصيل عيني عينك يكتب في بروشور الصالون؟؟ جنب السشوار والتسريحة.. لو أقدم لك كريم وأقول لك لو ما عندك تحفظ على السرطان جربيه تراه يبيض وش ردة فعلك؟ فيه ردة فعل غير إنك ترمينه علي..وتنبهين قرايبك منه .. وتحذرين البنات في المنتديات --------------------------- وحفلات التخرج وحفلات النجاح والدي جيهات والزواجات كلها معازف وأنواع التفنن موسيقى وعود وأورج وإلى آخر الليل وإلى الثلث الأخير.. وعادي .. ما فيه اللي يقول للغلطان تراك تماديت بالغلط آخر الليل إذا ربي تفضل علينا ونزل لسمانا الدنيا هل من داعي؟ هل من مستغفر؟ هل من تائب؟ عذرا يا رب إحنا مشغولين مع محمد عبده وأحلام دوروا الدنيا بكل أبعادها هل فيه ملك ينزل لك كل ليلة ويقول لك " تبين شي؟ " أتفه ملوك الدنيا تلقين عنده 10 سكرتارية وبينك وبينه 10 أبواب والدخول عليه بموعد إن كان يتنزل يقابلك من الأساس أعجبتني عبارة لداعية مصري قال: " ربنا ينزل كل يوم ينادي حد عايز حاقة.. وإحنا مشغولين عنه.." ---------------------- لحظة ما خلصت تجيك الوحدة تشتكي وقريتها هنا تقول ياربي أنا كنت أكلم واحد وحبيته ولما تزوجت ما حبيت زوجي وتحملت قلة حبي له وبعد كذا اكتشفت إنه يكلم وحده وانهارت أعصابي طيب.. وين الغريب في الموضوع ربي قالها مدوية في القرآن وصريحة "الخبيثاتُ للخبيثين والخبيثون للخبيثات والطّيِّباتُ للطّيِّبين والطَّيِّبون للطَّيِّبات" يعني قمة الخبث والخيانة خنتي أهلك وربك وتبين واحد طاهر.. نظيف... قلبه عذري مافي حياته إلا أنتي وأنتي في حياتك عشرة قبله عجب !!! -------------------------------- هذا غير الصور الشخصية وعبارات وصورالتوقيعات اللي كلها إيحاءات سيئة وسخيفة وفيديوهات التوقيعات هذي لها نصيب الأسد في السوء إحنا أرقى من كذا أبصم بالعشرة أن كل قارئات موضوعي هذا متعلمات.. جامعيات.. أو في طريقهم للجامعة ليه أحط صورة فاتنة لو مر عليها ولد حركت غرايزة لا تقولين هذا سيكشن خاص بالمرأة أتوقع احنا اعرف الناس بشبابنا قولي هنا ريحة حرمة وشوفي ردة فعلهم وحتى؟أغلب العضوات يكتبون في أقسام أخرى والتوقيع والصورة ثابتة لا تقولين هو لو يبي يشوف شاف ما عليك منه عنده رب يحاسبه..بس لا تكونين سبب يجي الشخص يوم القيامة تعرض عليه أعماله السيئة أنتي كذبتي أنتي أظهرتي مفاتنك لرجل أنتي أخرتي الصلاة في اليوم الفلاني أنت.. أنت.. أنت زنيت يقول يا ربي ما زنيت يقول له لكنك ساعدت أحدهم على الزنا وكان عليك مثل وزره والآية صريحة وحمدلله إننا عرب نفهمها بدون مترجم: " ليحملوا أوزارهم كاملة يوم القيامة ومن أوزار الذين يضلونهم بغير علم ألا ساء ما يزرون" عارفة وش معنى بغير علم يعني أنتي مو منتبهة لاهية في حياتك بس فيه عداد معاصي على ظهرك يحسب هذا إهداء للبنات اللي يدخـّـلون الشباب للأسواق في أيام العوايل لما يمنعهم السكيورتي هو بيدخل ويرقم وتبدأ علاقة أنتي السبب فيها وهذا إهداء للي تدل على مواقع سيئة وهذا إهداء للي ترسل رقم واحد لزميلتها الواحد يالله يستحمل ذنوبه.. يروح يشيل ذنوب الناس والرسول صلى الله عليه وسلم يقول " أيما داع دعا إلى ضلالة فاتبع فإن عليه مثل أوزار من اتبعه من غير أن ينقص من أوزارهم شيء وأيما داع دعا إلى هدى فاتبع فله مثل أجورهم من غير أن ينقص من أجورهم شيء " أخرجه مسلم[/COLOR]-------------------------- والموسيقى اللي صارت زي السلام عليكم أصلا صارت هي التحية والافتتاحية في المواضيع في المنتدى سيكشنات مخصصة للأغاني !! وكأن الأغاني عادي مثلها مثل تبادل الأخبار وأسعار الأسهم أفتح مواضيع هنا في مملكة المرأة إلا مقطع الصوت تلقائيا شغال أورج يعني بالقوة؟ ما دخلت سيكشن الأغاني..بس برضو مضطرة أسمعها؟ وهذا تجاوز للحدود والحريات والمفروض يكون أحد شروط كتابة المواضيع منع هذا الشيء لو بأنزل طبخة في وسط موضوعي قلتوا: خير؟ غلطانه الأخت في العنوان وبالنسبة للبنات اللي ينزلون زفاتهم الموسيقية كم وحدة مرت على الموضوع من الأعضاء وسمعتها + كم وحدة مرت على الموضوع من الزوار وسمعتها + كم وحدة بحثت في قوقل وطلع لها موضوعك + كم وحدة أعجبتها الزفة وحطتها في زواجها اللي بتحضره 400 مدعوة وعداد المعاصي شغال في ظهرك وياطول الحساب ---------------------- زميلاتي في ثانوي لما شفتهم من كثر ذهولي صرت أشك في نفسي يعني لو وحده تغيرت تزعلين ويضيق صدرك عليها لكن لما 6 كلهم تغيروا وش ردة فعلك إلا العجب لا.. وأمر الحواجب هذا أمر عجيب ما أدري هل نزلت بعدي فتوى جديدة بجواز النتف؟ نتف وتاتوو .. والضحكة شاقة فمها.. وكأن شيئا لم يكن لو أقولها الله يلعنك بتزعل لكن رب العالمين يمسـّـيها ويصبـّـحها على لعنة إتز أوكي عندها وإلا تجيك أم 14 سنة توها داخلة عالم النتف"عالم اللعن" أسفل حاجبها كله أخضر فعلا.. صرنا على قول المصريين نضحك على خيبتنا ----------------------------- أما حكاية العبايات هذي يعني من جد كارثة أقابل ربي في الصلاة محجبة وأقابل الشباب في السوق بالعيون اللي فيها كيلو مكياج والغرة المنسدلة أي تناقض هذا؟ أي ديانة هذي؟ أي أخلاق؟ عبايات وإلا فساتين؟ القضية اجتاحت حتى الأمهات حريم كبار والله الشعر اللي فوق أذنها بدى يغزوه الشيب وتقول لي تعرفين غرز الكروشيه بأحطه في عبايتي يعني خافي الله في هالشيبات جده والله العظيم وش بقيتي لبناتك المراهقات إذا أنتي بتزينين عبايتك بورد كروشيه ماألومهم لو طلعوا من غير عبايات------------------------ عشت في دولة عربيةحول سنة ونص أحنا عارفين إن أهالينا محافظين أكثر منهم وبلدنا محافظة أكثر وموادنا الدينية في المدارس والجامعات أكثر بس شوفوا حياتهم وتفكيرهم كل بنت لها خطوط حمراء هي حاطتها ومقتنعة فيها وفخورة بها هناك المحجبة ترفع راسها بحجابها ومحد قدها وعندنا هنا اللي عبايتها ساترة ناقص تدخل في الجدار من الحياء تخاف يقولون عنها متخلفة ياإنها مسوية كابوس هذي الكلمة للبنات تذبح أمها وأبوها بس لا أحد يهمس بكلمة متخلفة هناك تلقين البنت تقرأ كتب عليها القيمة مثل "ذا سيكرت - نساء من الزهرة- أسعد امرأة في العالم- سلسلة شوربة الدجاج..." هنا تلقين في يدها رواية للهابطين اللي خسارة أكتب اسمهم هنا ------------------------- نقطة إضافية البلوتوثات والهوايل اللي فيها العين تزني وزناها النظر لو أقول لك شوفي فيلم إباحي قلتي لا حرام طيب وهذا ليس إلا اقتباس لأقذر ما في الفيلم !! رسايل الجوال والنكت الجريئة والله لو أقول لوحدة قولي الكلمة السوقية الشوارعية هذي بلسانك قالت مستحيل بس لما تنكتب كرسالة جوال تصير كلمة عادية لا ومضحكة بعد..تسمعين الضحكات الرنانة .. ما أدري هل القذارة صارت تضحك؟؟ والله لو ولدك وإلا أخوك قالها كان صرختي: عيب عليك ترى بأحرقك بالنار عشان تتأدب ---------------------------- قبل أي فعل تقدمين عليه لا تحكمين إيمانك لأن يمكن إيمانك ضعيف في هذي الفترة أو يمكن لا سمح الله أنه ما فيه إيمان في هالفترة إحنا عارفين عقيدتنا تقول الإيمان يزيد بالطاعات وينقص بالمعاصي ولا تحكمين قلبك لأنه ممكن قلبك يكون قاسي في هالمرحلة حكمي عقلك لأن العقل هو نفسه ما يتغير قولي هل لو كنت مريضة لا سمح الله بأسوي هذا الشيء إذا الجواب إيه أقدمي معناها إنه حلال وخير ولا تستحين منه إذا قابلتي ربك وإذا الجواب لا معناها تراك تجاوزتي حد مع ربك.. وبيكسر هالشيء عينك أنك تقابلينه وأنتي مسويته.. أي عمل قولي هل لو سويته بيكسر عيني مع ربي لو بأقول يارب اشفني وإلا يارب عطني -------------------------------------- دعوة عملاقة أبعثها من هالمكان الراقي حملة أتمنى نبدأها ونكون قدها ونوصلها ونسمعها الجميع كفى..استهتارا كفى ..تراجعا كفى ..تنازلا قومنا حملة لا للكوافيرات الغاليات ونجحت شدوا الهمة وساعدوني أثروا الموضوع بردودكم الهادفة يا صاحبة الدين..أضيفي كلمة تشهد لك يوم القيامة..مو الدين في غرفتك تصلين وتصومين وإذا شفتي الغلط غمضتي عيونك وسكتي عنه..هذا اسمه شيطان أخرس ياصاحبة العقل الرزين..أدلي بدلوك.. نورينا بآرائك الهدافة ياصاحبة الثقافة..ساهمي في تثقيفنا هذا اللي جرأ بنات الغلط على المجاهرة..وهو إن صوت أهل الدين والعقل والرزانة واطي علوا أصواتكم خلونا نسمعها ونسمّـع غيرنا -----------نبي وحدة تكون شجاعة وسباقة للخير أكتبي هنا أنا غيرت صورتي الشخصية أو توقيعي يله عشان تشجعين غيرك ويحذو حذوك وتأخذين أجره ---------- نبي وحدة شجاعة نبيلة تقول أنا مسحت موسيقى كنت منزلتها في موضوعي أو زفة نزلتها للبنات ------------------------- نبي وحده شخصيتها قوية تقول أنا مسحت صور شهيرات هوليود من موضوعي لأن ملابسهم عارية نقدر ننزل صور بتضليل خفيف يكسر جرأة الأفخاذ والصدور اللي طالعة --------------------------------- خلوا شعارنا الرجوع عن الخطأ خير من التمادي فيه -------------------------- حقوق الطبع غير محفوظة أنشروا في المنتديات والمدونات والإيميلات خلونا نرتقي بمجتمعنا خلي لك بصمة في الحياة ------------------------- يارب هذا أقل ما يمكن أسويه بس أتمنى أنك تعذرني به أنا وكل من خطت حروفها هنا إنكارا للواقع المرير محاولة بسيطة للتصحيح.. تقبلها مننا يارب ------------------------- لا تقولين المجتمع كبير ومتنوع وصعب أصلحه المجتمع هو أنا وأختي وأنتي واختك وهذي العضوة واختها وبنات خالاتنا وبنات عماتنا الموضوع منقوول وحبيت انكم تستفيدون منه وتفيدون غيركم لان الدال على الخير كفاعلة 
|
|
2009- 5- 8
|
#2 |
|
أكـاديـمـي
|
رد: اللي تدخل الله يسعدها في الدنيا والاخره
يسلمو اختي عالطرح
|
|
|
|
2009- 5- 8
|
#3 |
|
أكـاديـمـي مـشـارك
|
رد: اللي تدخل الله يسعدها في الدنيا والاخره
والله صدقتي بكل كلمة قلتيها
|
|
|
|
2009- 5- 8
|
#4 |
|
أكـاديـمـي فـعّـال
|
رد: اللي تدخل الله يسعدها في الدنيا والاخره
تسلم يديك يا الارجوانه ع الاكثر من رائع دمتي الى الامام
|
|
|
|
2009- 5- 8
|
#5 |
|
اكاديمي فضي
|
رد: اللي تدخل الله يسعدها في الدنيا والاخره
***
يسلمو يسلموو يسلموو ع النقل المفيد أنا بسجل أول إعتراف أنا طلبت منهم يحذفون موضوع نزلته عن مسلسل كوميدي صحيح انو مسلسل سعودي ومحافظ بس ولو حذفته لوجه الله يسلموووو اقين *** |
|
|
|
2009- 5- 9
|
#6 |
|
أكـاديـمـي ألـمـاسـي
|
رد: اللي تدخل الله يسعدها في الدنيا والاخره
............من لايشكر الناس لايشكر الله................
شكررررررررررررررررررررررررا (الارجوانه )على ماقدمتي ...فكلماتك خرجت من قلبك ووصلت لقلبي أنا سوووووووووووووووووووف أقوووووووووم بحمله تحت عنوان ...... (بـــــــــــــل أستطيـــــــــــــــــــع ) نعم ان شاء الله سووووووووووف تبدأ يوم الاربعاء وأتمنى من الارجوانه مساعدتي و(هانا مونتانا) وبقية الاعضاء....................... أتمنى من المسؤلين تثبيت موضوعات الحمله ليستفيد منها جميع الاعضاء على مر السنوات ..... الرجاااااااااااااااااااااااااااااااااااااااااء من الجميع التفاعل معي ............................. أنا يمكن ماراح أدخل إلى يوم الاربعاء لأن عندي أختبارات طولت الاسبوع أدعولي أنجح ......... وإن شاء الله راح أقرأ ردودكم ................. مـــــــــــــــ:bye:ـــــــــــع الســــــــــ:bye:ـــــــلامــــــه |
|
|
|
2009- 5- 9
|
#7 |
|
أكـاديـمـي مـشـارك
|
رد: اللي تدخل الله يسعدها في الدنيا والاخره
روووووووووووووووووووووووووووووووووووعه
جد جد جد جد صااااااااااااااااادقه بكل كلمه قلتيهااا واناااااااا معكـ للاخـــير |
|
|
|
2009- 5- 9
|
#8 |
|
أكـاديـمـي
|
رد: اللي تدخل الله يسعدها في الدنيا والاخره
السلام عليكم... الله يجزيك خير و يثبتك اختي الارجوانه وانا ثاني وحده اثرتي فيني وببدا من اليوم اداوم بعباه محتشمه.:066::m22asmilies-com::m29asmilies-com:اختsakora99وانا معك ان شاء الله اكون اول المنضمين معك في الحمله.
بنات اماااااااااااااااااااانه حاولو نشره في المواقع و المنتديات الاخرى لتعم الفائده بين المسلمين.:praying:
|
|
|
|
2009- 5- 11
|
#9 |
|
أكـاديـمـي نــشـط
|
رد: اللي تدخل الله يسعدها في الدنيا والاخره
[اللة يجزاك الجنة موضوع اكثر من رائع وهذا اللي صاير الحين في المجتمع ما اقول الإاللة يحفظنا وبنات المسلمين اجمعين:praying::praying:
|
|
|
|
2009- 5- 11
|
#10 |
|
أكـاديـمـي مـشـارك
|
رد: اللي تدخل الله يسعدها في الدنيا والاخره
جزاك الله خير وماقصرتي
اختيارك للموضوع موقت والله يعطيك العافيه حبيبة قلبي 
|
|
|
|
| مواقع النشر (المفضلة) |
| الكلمات الدلالية (Tags) |
| اللي, الله, الدنيا, تدخل, يسعدها, والاخره |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| وقفـــــــــــــــــــــه | انين الووورد | منتدى كلية التربية بحفر الباطن | 5 | 2009- 5- 5 01:49 AM |
| الدين النصيحه | كت كات الخبر | منتدى كلية العلوم و الآداب بالنعيرية | 2 | 2009- 2- 26 11:19 PM |
| الله يسعدها ويوفقها اللي تجاوبني | بنت ابوها | منتدى كلية العلوم بالدمام | 3 | 2009- 2- 6 09:28 PM |
| جامعة الإمام تعلن أسماء المقبولين مبدئياً في برامج التعليم الموازي | علي المطر | ملتقى الدراسات العليا و الابتعاث | 0 | 2009- 1- 28 11:39 PM |
