 |
|
||||||
| ملتقى الفنون الأدبية شعر,نثر,خواطر,قصص,روايات وجميع الفنون الادبية |
 |
|
|
LinkBack | أدوات الموضوع |
|
#1
2009- 5- 21
|
||||
|
||||
|
قصيدة شاب فقير خطب بنت عمه
قصيدة لشاب فقير خطب بنت عمه المليونير، إليكم القصيدة: سبحان من يرزق بتوع الملاييـن الرازق اللي ما يخيب الرجـا بـه *** لي عم عنده معـرضٍ للصواليـن أموت واعرف بس من وين جابـه *** وإذا سألته قـال بعـت الدكاكيـن ما يدري إني ما هضمت الإجابـة *** الشاهد إني رحت له قبـل يوميـن في قصره العامـر ودقيـت بابـه *** قال أرحب أرحب عدّد ورد البساتين يا مرحبا باللـي لفـا يـا هلا بـه *** قلت البقا عـدّ النفـل والرياحيـن يا شيخ شمل أهل الكرم والذرابـه *** قال اسلم الله يحفظك لي من العين وآمر أوامر حضرتـك مستجابـة *** قلت الصراحة طالبٍ قرب غاليـن ودي تزوجنـي كريمتـك يـابـه *** ثنّى وقال أهليـن والله وسهليـن والكون ترخص لجل عينك رقابـه *** لكن ترا عندي شـروط وقوانيـن قلت اشرط اشرط يا حبيب الغلابـة *** قال أولاً مهر العروسـة ثمانيـن غير الرسوم وغير حق العصابـة *** والثانية عمك يبي منـك سبعيـن رسم الأبـوّة والنسـب والقرابـة *** وأم العروسة حقها منـك ستيـن عشانها ست الحسـن والمهابـة *** وإخوانها كلن يبي منـك خمسيـن عداً ونقـداً تنـدرج فـي حسابـه *** وخواتها الخمس عطهن من ثلاثين عشان تتوثـق عـروق النسابـة *** وتجيب طقم عيار واحد وعشرين وخاتم من الماس المصفى ترابـه *** وأكياس متروسة كعوب وفساتيـن ألوانهـا وأشكالهـا مـا تشابـه *** وموتر بسواقـه وفيـلا بدوريـن أثاثهـا مـن بطرتـه ينحكـى بـه *** واحجز لنا قاعة بقصر السلاطيـن واحجز بهـا رقاصتيـن وربابـه *** هذي الشروط اللي على بالي الحين وذكرني اللي ما حسبنـا حسابـه *** قلت اذكر الله يا عـدو المساكيـن واستغفـره لا يبتلـيـك بعـذابـه *** الظاهر إنك منت عارف أنا ميـن أنا لو أرقى فـوق متـن السحابـه *** ما جبت حتى نص درزن مواعيـن واضحك بكيفك واعتبرهـا دعابـة *** شروطكم هذي شـروط المجانيـن شروطكم شغـل ابتـزاز ونهابـه *** شروطكم تقصم ظهـور البعاريـن شروطكـم همّـن وغـم وكآبـه *** شروطكم والله سيوف وسكاكيـن تذبح بنات المجتمع مـع شبابـه *** وين الرضا والعطف واليسر والليـن اللي ذكرهـا الله بمحكـم كتابـه *** وين الصفات اللي أمرنا بها الديـن وين اختفى نهج النبي والصحابـة *** يا عم جعل اللي خلقنا من الطيـن يرد عقلك مـن خطـاه لصوابـه *** ويجعل نصيبي عند غيرك قل آمين ويحسن عزا الصابر ويجزل ثوابه *** قال أنت لو فكرت تفكير صاحيـن ما شفت في مجمل شروطي غرابه *** حنا بعصـر العولمـة والمزاييـن ماهوب عصر الفلسفة والخطابـة *** الناس تسعى للرتـب والنياشيـن وأنت اهتمامك بالشعـر والكتابـة *** والشعر ما ينفعك لو هو دواويـن ما دام جيبك مثـل بيـت الخرابـة *** يا بوك لا تسمع كلام المصاخيـن واسأل مجرب عاش في وسط غابه *** قلت الله أكبر يا محـرر فلسطيـن من يسمعك يحسبك ذيـب الذيابـه *** تراك شايب رأس مالـك رياليـن والبنت ما تسوى جنـاح الذبابـة<<< خربت الأخلاق. *** قال انقلع مالت على وجهك الشين لا عاد أشوفـك عندنـا يالزلابـه *** قلت ابشر أبشر لكن الباب من وين وأقفيت من عنده على صوت بابـه 
|
|
2009- 5- 22
|
#2 |
|
أكـاديـمـي مـشـارك
|
رد: قصيدة شاب فقير خطب بنت عمه
ههههههههههههههههههههههههههههههههههه
والله انها حلوووووووووووه تحكي حال الشباب هالاياااااااام |
|
|
|
2009- 5- 22
|
#3 |
|
أكـاديـمـي فـضـي
|
رد: قصيدة شاب فقير خطب بنت عمه
تدوم بسمة شفاك
يسلمو عالمرور |
|
|
|
2009- 5- 24
|
#4 |
|
عضوة في الفريق الإعلاني 
|
رد: قصيدة شاب فقير خطب بنت عمه
***
تراك شايب رأس مالـك رياليـن والبنت ما تسوى جنـاح الذبابـة<<<:hahaha_2008::hahaha_2008: *** قال انقلع مالت على وجهك الشين لا عاد أشوفـك عندنـا يالزلابـه  *** قلت ابشر أبشر لكن الباب من وين وأقفيت من عنده على صوت بابـه  :hahaha_2008::hahaha_2008::hahaha_2008: رهيييييبه رسيل دوم مبدعه ودمتي بحفظ الله ورعايته.. |
|
|
|
2009- 5- 25
|
#5 |
|
أكـاديـمـي فـضـي
|
رد: قصيدة شاب فقير خطب بنت عمه
يسلمو عالمرور العطر
|
|
|
|
| مواقع النشر (المفضلة) |
| الكلمات الدلالية (Tags) |
| بنت, خطة, شاب, عله, فقير, قصيدة |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| قصيدة لامرأة عجوز تشكي عقوق ابنها(مؤثرة جداً جداً)......أرجو من الجميع قراءتها ونشرها | الصارم المسلول | منتدى كلية الشريعة و الدراسات الإسلامية بالأحساء | 3 | 2009- 7- 11 09:06 PM |
| قصيدة شاب فقير لأبنة عمة المليونيرة | مقطع حق | ملتقى الطلاب والطالبات الترفيهي | 9 | 2009- 4- 20 07:36 PM |
| قصيدة غرام من معلم رياضيات لمعلمة رياضيات | دموع رياضيه | ملتقى الفنون الأدبية | 5 | 2009- 3- 26 11:11 AM |
| قصيدة هندي | غلا قلبي | ملتقى الطلاب والطالبات الترفيهي | 6 | 2009- 3- 1 11:26 PM |
| مدرس رياضيات يهدى زوجتة قصيدة | مليكة | ملتقى الطلاب والطالبات الترفيهي | 1 | 2008- 11- 29 07:55 PM |
