 |
|
||||||
| ملتقى طلاب التعليم عن بعد جامعة الملك فيصل ملتقى التعليم عن بعد جامعة الملك فيصل انتساب ( الانتساب المطور ) ,منتدى النقاش التسجيل,البلاك بورد,التحويل انتظام,تسجيل المقررات,الاختبارات والنتائج. |
 |
|
|
أدوات الموضوع |
|
#1
2012- 9- 14
|
||||
|
||||
|
استفسار : هل شهاده الانتساب لها مستقبل وظيفي ؟
السلام عليكم
بصراحة مادري وش اقول كنت فرحانه بالقبول لا بطير من الفرح ومجهزه اوراقي برسلها للجامعه ولآ اليوم اروح لعزيمه واقول انا انقبلت في جامعة فيصل انتساب قال ايش ابي ابشرهم الا يصدموني بالخبر الي ضيق صدري بغيت اجلس ابكي في العزيمه  من القهر تبخرت احلامي انو الانتساب ماااااااااااله مستقبل ولا تقدري تتوظفي بها يعني 4 سنوات من التعب يعني وشلون ابطل منها بس  ياليت الي يعرف احد توظف بها يبلغني خاصه للبنات 
|
|
2012- 9- 14
|
#2 |
|
أكـاديـمـي مـشـارك
|
رد: يافرحه ماتمت وش ذا الحظ
برايك ان تبقين ع شهاده الثنويه افضل من شهاده انتساب من جامعه الفيصل ؟
ومن سنين البنات يتخرجون من الكليات بشهاده انتساب ومتوظفين باعلى المراتب منهم امي  وكثير بنات متخرجين جديد من الانتساب العادي وموظفات وانتي عارفه شهاده الانتساب المطور اقوا من العادي 
|
|
|
|
2012- 9- 14
|
#3 |
|
أكـاديـمـي ذهـبـي
|
رد: يافرحه ماتمت وش ذا الحظ
اقول بنات جماعتك م عندهن سالفه يبونك مكانك سر :)
لو فيهم خير باركولك وشجعوك مهو يحبطونك ويحومون تسبدك وشكلك من الغبنه م تعشيتي :) بغض النظر عن الوظيفه يكفي انو معك شهاده جامعيه وم تقلين عن غيرك ابد ابد اجل البزارين اللي توهم طالعين جامعين وانتي ملحطه ب شهادة الثانوي :) وبعدين كثير عالم انتظام وتعبو وكرفو وفوق هذا م توظفو سنين للحين الوظيفه توفيق ورزق من الله وتسخير واذا لك حظ لاتخافين :) بعدين الدول اللي برا منذو مبطي متبعين نظام التعليم عن بعد وعادي والحين العالم تطور واول الخير شهادة الجامعه الالتكرونيه معتمده وهي تعليم عن بعد ام فيصل قريت انوه معتمده بس ب الوظايف التعليميه لا وعموما الواحد يدرس ويكمل من باب العلم مهو الوظايف :) |
|
التعديل الأخير تم بواسطة سعوديات ; 2012- 9- 14 الساعة 03:03 AM |
|
|
|
|
2012- 9- 14
|
#4 |
|
أكـاديـمـي مـشـارك
|
رد: يافرحه ماتمت وش ذا الحظ
معك حق سعوديات
 الشهاده تزيد منك ماتنقص منك والدراسه دايم تكون لطلب العلم بس الوظيفه دايم اقول نصيب وماعليك من كلام البنات اللي مايودي ولا يجيب والله يوفقك 
|
|
|
|
2012- 9- 14
|
#5 |
|
أكـاديـمـي مـشـارك
|
رد: يافرحه ماتمت وش ذا الحظ
اوك اجلسي بالبيت
بعد اربع سنين شوفي نفسك قبل اربع سنين وش سويتي هل عملتي الأسباب !!! ياحبيبي الغيوم عندما تناظر لها فهي تمشي وانت الواقف!!!! الله يوفقك كملي |
|
|
|
2012- 9- 14
|
#6 |
|
أكـاديـمـي مـشـارك
|
رد: يافرحه ماتمت وش ذا الحظ
كملي الطريق الى انتي بتديتي فيه وربي يكتب لك الخير...
يكفي انو يكون معك شهاده جامعيه وتزيدين معلوماتك افضل من انك تجلسين بدون شهاده وبعدين تندمين على عمرك الى راح بدون لاتدرسين يابنت كملي فرحتك وخليك قويه وياجبل مايهزك رييح .... 
|
|
|
|
2012- 9- 14
|
#7 |
|
أكـاديـمـي نــشـط
|
رد: يافرحه ماتمت وش ذا الحظ
 شوفي اذا على الناس ماراح يرضيهم شي لو ماكملتي بيقولون ليه ماكملتي ولو كملتي قالو مو معتمده انتي حطي في بالك انك ماتدرسين عشان الناس انتي تدرسين لنفسك وخلي عنك كلام الناس خصوصا انو التعليم عن بعد راح يتقفل بعد 5 سنوات يعني قدامك فرصه لاتفوتينها وزي ماقالو اذا مو معتمده ليه فتحو الجامعه الاكترونيه انا من 12 سنه متخرجه وتوني اتحسف اني ماكملت الحين اللي مامعها بكالوريوس تعتبر اميه يكفي انك لماتتعرفين على احد اول شى يسألونك وش تخصصك مايقولون كملتي او لا يعني بالعربي انتي كملي عشان تريحين ضميرك وانا بالعكس متفائله يه الشهاده كثير وان شاء الله لما اخلص ابكمل ماستر يأذن الله والله يوفقني ويوفقك ويوفق الجمع |
|
|
|
2012- 9- 14
|
#8 |
|
أكـاديـمـي ألـمـاسـي
|
رد: يافرحه ماتمت وش ذا الحظ
مآقصرررررو الي قبلي
|
|
|
|
2012- 9- 14
|
#9 |
|
أكـاديـمـي فـعّـال
|
رد: يافرحه ماتمت وش ذا الحظ
من جد كلام الاعضاء صحيح ميه بالميه
الناس مايعجبهم العجب. اذا مادرستي قالو ليه و و و كأنك انسانه جاهله انا سراحه جابلي الهم كلام الناس  لكن ولله الحمد انقبلت وراح اكمل مشواري التعليمي سوآء له مستقبل او ماله مستقبل. اهم شي ارضي ضميري وارضي نفسي. مو عشان الناس اللي أهمها بس تحطمك وتقلل من قدراتك مثل ماقالو اخواتي. توكلي على ربك واكملي دراستك والله يوفقنا جميعاا
|
|
التعديل الأخير تم بواسطة sonh ; 2012- 9- 14 الساعة 03:39 AM |
|
|
|
|
2012- 9- 14
|
#10 |
|
أكـاديـمـي ذهـبـي
|
رد: يافرحه ماتمت وش ذا الحظ
ماعليك منهم ولايهمونك ولاتتركين
السلبيات تاثر فيك فكري بمستقبلك واختاري الافضلـ اما تكون معك الشهادهـ الثانويه او انك تكونين جامعية ومعاك بكالوريوس والناس صدقيني الاغلب مايحبون لاحد الخيرر اذا ماكملتي بيقولون عنك فاشله ومامعك غير الثانوية واذا كملتي ماراح ترتاحين منهم صدقيني الشهادهـ الجامعية مهمممممممه واذا على الوظيفه ترا كثير متخرجين انتظاام ولاتوضفوا انتي خلي تفكيرك اكبررر من اللي يحطمونك استخيرررري وفكري زين ولاتضيعين هاالفرصه ترا تعبنا وصبرنا علشان يقبلوننا خصوصا الدفعه الثالثه يمكن لو انسحبتي ماتتاح لك الفرصه مرا ثانيه باالنسبه لي الوضيفه اتمناها لاكن اتمنى اكثرر الشهادهـ الجامعية وباذن الله ربي يكتب اللي فيه الخيرر لو قررتي تكملين ابعدي عن اي احد يحاول يحبطك خليك متفائله وان شاء الله ربي يكتب لك اللي فيه الخيرر
|
|
|
|
| مواقع النشر (المفضلة) |
| الكلمات الدلالية (Tags) |
| ماتمت, الحظ, يافرحه |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| استفسار : هل الجامعه تقبل صوره طبق الاصل من شهاده الثانوي ؟ وماهي الاوراق المطلوبه | الفرحه اليتيمه | ملتقى طلاب التعليم عن بعد جامعة الملك فيصل | 8 | 2012- 9- 11 09:00 AM |
| استفسار : شهاده الثانوي مفقوده .. مالحل ؟ | طرفة | ملتقى طلاب التعليم عن بعد جامعة الملك فيصل | 7 | 2012- 9- 10 08:19 AM |
| استفسار : هل التحويل من الانتساب للأنتظام يشمل من مضى على شهادتهم الثانويه خمس سنوات ؟ | 11nn | ملتقى طلاب التعليم عن بعد جامعة الملك فيصل | 4 | 2012- 9- 4 12:04 AM |
| مـراجــعـه [حآضـر العالم الاسلامـي ] | فيني طموح | اجتماع 4 | 419 | 2012- 5- 22 06:10 PM |
| أسئله محلوله | ابو خلودي 2011 | إدارة أعمال 1 | 1 | 2012- 5- 22 03:27 PM |
