 |
|
||||||
| ملتقى طلاب التعليم عن بعد جامعة الملك فيصل ملتقى التعليم عن بعد جامعة الملك فيصل انتساب ( الانتساب المطور ) ,منتدى النقاش التسجيل,البلاك بورد,التحويل انتظام,تسجيل المقررات,الاختبارات والنتائج. |
 |
|
|
أدوات الموضوع |
|
#1
2012- 9- 29
|
||||
|
||||
|
تبي تنجح تعال خطوة بخطوة
بسم الله الرحمن الرحيم الكل منا يبي ينجح ويتفوق صح ونا بتكلم بسلوب مبسط ومرح عشان مايكون فيه ملل وتسهل المعلومه وتبثت بالمخ الله يستر ما يطلع موضوعي غثيث ويدبل الكبد والله يعلم اني اقلكم علما ولكن ما يمنع انا اقول الي اعرفه وغيري يصحح اذا فيه خطاء ويضيف افكار وطرق ونطلع بمقرر اسمه تعلم فن المذاكره الجامعية طيب كيف ننجح هذا السوال المهم عشان تنجح لازم تعرف كيف تذاكر وعشان تذاكر لازم تعرف انت ليش جالس تذاكر شكل كل واحد يقول ايش الحوسه هاذي وجعت راسنا مثل الاقتصاد ههههههههه  طيب اول سؤال لازم تسئل نفسك انا ليش دخلت الجامعة السوال هذا مهم الاجابه عنه لئنك اذا عرفت الدافع بتعطي نفسك طاقه وحماس ناخذ مثال اكشخ اكشخ صرت دكتور رياضيات  هههههالمثال لو واحد جالس في البيت وسط الصالة ويشرب شاي وفجاءة كذا رمى كاسة الشاي وخرج من البيت وجلس يمشي بدون تفكير وقابله احد وين رايح قال ما ادري طيب ليش طالع من البيت قال ما ادري تتوقعون وين يوصل من ذهب الي ما ادري وصل الي ما ادري يعني بيجلس يلف ويحوس واخر شي يرجع البيت وضاع الوقت وضاع  الجهد هباءا منثورا اذا نتفق مع بعض اهم شي تعرف ليش دخلت الجامعة عشان تفحز نفسك في كل مره تحس بالملل وطول المشوار تتخيل نفسك ونت مخلص الجامعة والشهادة في يدك واصل للهدف الي تبيه يعني حط  هدفك امامك نجي للخطوة الثانيه النيةكتب كثير تم تأليفها في موضوع النية وقوة النية والمثل يقول كلن نيته مطيته يعني احسن النيه وتذكر احاديث طلب العلم واجر طالب العلم وجدد النيه لاتخلي همك انك تفيد نفسك فقط خلي الشهادة الجامعية تكون منطلق لك في خدمة دينك ثم نفسك ووطن وكل ما كان هناك حسن وقوة نية تتسهل الامور من الخالف سبحانه تعالى مهم جدا الدعاء الدعاء الدعاء والتوكل على الله ثم بر والديك متى ما تعارض المذاكره مع طاعة الله قدم طاعة الله في الواجبات مثل الصلاة يعني لاتحسب على الصلاة بحجه المذاكره ثانيا بر الوالدين لاتجي تقول يمه مش فاضي عندي مذاكره امك ابوك اهم من الدراسه وصدقني ربي ببيسر لك الامور ايضا ساعد غيرك حاول كل شي يفيد غيرك من معلومه فكرة ملخص متى ما ساعدتك غيرك ربك ببيسر امرك والدنيا سلف وين فاهم شي عندك معلومه فهم غيرك بالمنتدى صاحب شخصي وتذكر شي واحد ان الله انعم عليك بالجامعة وحرم كثير غيرك من هذه النعم فقدر نعمة الله عليك  ثالثا تكلم مع نفسك بالكلام الايجابي يعني لاتجلس تقول شي ما راح افلح ما عاد الا هي بجيب امتياز ايه هين مثل هذه الجمل تبرمج عقلك الباطن على تعزيز جانب الفشل والرسوب والتهرب من المسئوليه طيب الحل الحل دئما تكلم بالايجابه وتكلم بما تريد وليس مالا تريد يعني لاتجلس تقول ما ابي ارسب قول ابي انجح لاتقول ما ابي يضيع الوقت قول ابي استغل الوقت كذا تبرمج عقلك الباطن ايجابيا وما ابي اطول في شرح نقطة العقل الباطن ولكن العقل الباطن الله عطاه القدارت في التحكم في كل وظائف الجسم وفرق بين العقل الواعي والعقل الباطن فرق السماء عن الارض العقل الواعي يفكر يحلل المعلومات العقل الباطن لايفكر ولا يحلل  يتقبل المعلومه كما هي ويخزنها ويطبق مثال قمت تفكر وتخاف من مرض السخونه تقول ما ابي امرض ما ابي امرض العقل الباطن يحذف ادوات النفي ويتقبل فقط ابي امرض مره مرتين يتبرمج عقلك الباطن ايش يعمل بما انا قلنا العقل الباطن ما يفكر ويحلل والله عطاه القدرة على التحكم بالعمليات البيلوجيه بالجسم توصل المعلومه لللعقل الباطن انك تبي جسمك يسخن يعطي اوامر لي الجهاز الحيوي بالجسم برفع درجه حرارة الجسم ويسخن عشان كذا في الحديث لاتمارضو فتمرضو او كما قال عليه الصلاة والسلام وبعض العلماء عملو عمليات بدون بنج بس برمجو العقل الباطن على ايقاف الاحساب بالالم في المنطقه الي سوف يعلمون فيها العمليه ويسوون العمليه ولايتالم المريض  الملخص او الزبده نبي نستغل قدرات عقلك الباطن ونسخرها في المذاكره كيف انا اقولك طبعا موضوع طويل عرض واغلبكم اعلم مني في مثل هاذه المواضيع جيب كروت او ورق صغير وكتب فيه عبارت ايجابيه مثلا انا انسان متوفقا دراسيا انا صاحب ذكاء خارق احب الجامعة والمذاكره انا سعيد جدا بالجامعة على كل ورقه اكتب عبارة وخليها في جيبك وعلى باب الغرفه حط ورقه كبيره على الباب غرفه الدكتور والاستاذ الجامعي فلان فلان يعني اكتب اسمك مع اللب والحلم المستقبلي تقولون ليش ان اقولك لكم كلها برمجة للعقل الباطن وفي نفس الوقت تعزز الثقه في نفسك والرؤيه تكون واضحه وتذكر نفسك بالهدف الي تبي توصله يقول الدكتور احمد زويل الي حصل على جائزة نوبيل من يوم انا صغي وام حاط لوحه على باب غرفتي وكاتبه عليها غرفه الدكتور احمد زويل ويقول العلماء اذا اعتقد انك تستطع فانت على حق واذا اعتقدت انك لاتستطيع فانت برضو على حق يعني انت الي تشحن نفسك سلبي او ايجابي  وايضا بقولكم طريقه انا حبيت امزجها مع المذاكره وهي الرابط الشرطي بما ان العقل الباطن يتقبل المعلومه بشدة ويخزنها اذا كان فيها مشاعر قويه اخترعت لكم طريقه اكشخ اكشخ صرت مخترع الطريقه ايش انا اقول لكمانك تعمل رابط شرطي لكل مادة مثلا جالس تذاكر مادة القانون ونت تذاكر اربطها بشي مثلا تحط قبل لمذاكره عطر معين نقول دهن عود وكل ما تجي تذاكر القانون تعطر نفسك بدهن العود طيب بعد فتره ابيك تجرب ونت مثلا في جلسه مع الشباب ولا عزومه تعطر بدهن العود تلقى شريط الذاكره يرجع مثل الفلم السينمائي امامك ويرجع لك مادى القانون وكل ما تحتويه اتمنى اني قدرت اشرح الفكرة وكل مادة حط لها رابط شرطي مثلا مادة  قانون عطر ابو طير رياضيات علكة غندور يجي الاختبار تبع الرياضيات طلع الرابط تبعه يعني حاط للرياضيات علكة غندور قبل لاتقرى الاسئله طلع العلكه واكلها مش تجلس تاكل قبل الاختبار بساعه كذا تحرق الرابط الشرطي خلاص غندور مرتبط فقط مع الرياضيات ووقت الرضياتطيب تقولون ليش اقولكم لان العقل الباطن يتم تخزين المعلومات فيه وبقوة اذا استخدمت المشاعر والمثيرات مثلا حب شديد خوف شديد رائحه شديد ونعيد ونزيد لو انك في الشارع وصار حادث وشفت الحادث وشعر جسمك وقف من قوى الحادث لو بعد عشر سنوات تتذكر الحادث خصوصا اذا مريت بنفس الموقف كذا نكون سخرنا العقل الباطن وعرفنا كيف نتعامل معه  نجي للمذاكره اول شي تحتاج اقلام ملونه لتحديد العناوين وتحتاج ورق صغير لتسجيل الملاحضات اوكيك شاي قهوه منبهات تقليل منها لانها تثير الاعصاب وتفقد التركيز استبدلها بعصير واكثر من الماء الان الجسم معظمه من الماء ابعد عن اماكن الضجيج مش تجلس تتفرج على مبارة الهلال والاتحاد وتذاكر عز الله فلحت او حاط قربك نت واي فون وبلاك بيري ومشغل نفسك ابعد عن كل شي يفقدك التركيز لاتذاكر ونت مصدع او فيك نوم او جوعان الان ن:58545:بداء بالمذاكره ايش تعمل تقسم المواد يعني عندنا خمس مواد صح كل مادة 14 محاضره صح تختار اسهل مادة نقول مبادء الادارة المطلوب منك طبعا هاذي فكرة جدا اعجبت فيها بالمنتدى وهي تقسيم المقرر كل يوم محاضرتين خلال اسبوع تخلص المقرر كامل يعني اليوم تبداء طيب تجيب لك الملخص وتسمع كلام الدكتور الدوغان المحاضرة الاولى وتسجل الملاحضات والتعليقات الي يقولها وتضيفها على الملخص بعد ما تنتهي قفل المحاضرة وفي مكان هادي ومزاجك رايق وذاكر اول شي افهم ثم احفظ صم ونت تحفظ كل عنوان لونه بلون معين عشان تشغل الفص الايمن والايسر من المخ ولالوان تركز الحفظ اكثر وتسهله كانك تذاكر بستخدام كل قدارت العقل طيب خلصت من مذاكرة المحاضرة الاولى تجيب الورق تبع الملاحظه الصغير وتكتب فيه اسئله عن المحاضره وتلصق الورقه في بدايه الملخص يعني مكتوب المحاضرة الاولى تسجل سين سوال عرف الادارة سوال ثاني وثالث يعني لاسئله الي تحطها شامله لكل شي بالمحاضره الاولي احد يسئل ليش احط اسئله اولا تعود نفسك على السوال والجواب وعضلات مخك تتمرن وتقوى عندك البديه ما تجي وقت الامتحان حافظ صم تقرى الاختبار والمخ يهنج الان المخ ممكن يكون حفظ بالشكل التصويري معليش طولت بس الموضوع مهم جدا دائما حاول تعمل ربط في الحاجات الصعبه مثلا تحفظ شي وهبل فيك كيف تحفظه تعمل له ربط بشي مثلا حوله الي قصه القصص ترسخ وتحفظ بسهوله مثلا مطلوب منك حفظ رقم 4314 نحولها الي قصه نقول ركبت السياره السياره ايش لها 4 كفارت وصلت الببيت طلعت المفتاح المفتاح عباره عن الرقم واحد ودخلت الصاله فتحت المروحه لها كم جزء ثلاث اجزاء وجلست على الكرسي الكرسي كم رجل اربعه كذا لو بعد عشر سنوات اقولك عيد الرقم بتعديه لي ا نك ربطت كل شي برمز وحولته الي قصه لو واحد يفهم بالكورة يقولك بربط الرقم بشي احبه كرة القدم ويقول الرقم يمثل خطه فريق اربعه دفاع محور واحد ثلاثه وسطه اربعه هجوم نرجع للموضوع المحاضره قلنا نقسم المقرر كل يوم محاضرتين طيب مثل السبت 2 محاضرتين يوم الاحد قبل لا احفظ الجديد اراجع القديم وكيف المراجعة اجي اقرى ما حفظته امس يعني محاضره رقم واحد اول صفحه بالملخص اقرى بعدين اقفل الصفحه وسمع لي نفسي والصفحه الي بعدها لما تنتهي المحاضرة الاولى لاتجلس تقول بسمع لنفسي وتجلس تفتكر المعلومه ساعه كامله ويضيع عليك نفص الوقت مع كثرة التكرار سوف يثبت الحفظ باذن الله كذا تكون حفظت المقرر في اسبوع وراجعته لايقل عن سبع مرات الان تعطي نفسك جائزة تحفيزيه يعني عشاء بمطعم شي تحبه طلعه مع الشباب اذا بنت شاي الضحى وقرر زيادة والسوالف هاذي   بعد خمسه اسابيع تكون باذن الله انهيت جميع المقرارت وما قدامك الي شي اسمه مراجعة كل ثلاثه ايام تراجع المقرر تخيل قدامك شهرين كاملين بس مراجعة للمعلومات الي تم حفظها مسبقا يعني اكشخ اكشخ فالك الدكتوراه شي مهم خليك مرن يعني لاتجلس تعمل جدول وتبداء وفجاءه يجيك شغل ضروري وتتحطم نفسيا لا خليك مرن خلص شغلك وغدا كمل خليك مثل الشجر ينحني للريح ولكن لايسقط اتمنى اني قدرت ابسط المعلومات واتمنى ما احد يقول اوجعت لنا راسنا داري طولت كتير كتير بس يشهد الله من حرضي واتمنى
 للجميع التوفيق وفالكم التخرج
|
|
2012- 9- 29
|
#2 |
|
أكـاديـمـي نــشـط
|
رد: تبي تنجح تعال خطوة بخطوة
الله يعطيك العافيه تسلم
|
|
|
|
2012- 9- 29
|
#3 |
|
مشرفة الساحة العامة للتعليم عن بعد _سابقآ
|
رد: تبي تنجح تعال خطوة بخطوة
-
ماشاء الله تبارك الرحمن .. موضوع اقل مَ يقال عنه ابدآع .. استفدت منه حقيقه .. معلومآت جداً قيمه وطريقه جداً فعاله .. وبصراحه الموضوع جا بوقته لآني للأن م ذاكرت اي شي .. وكل يوم اقول بكره .. لكن فعلاً عطيتني دآفع معنوي .. بإذن الله ابدآ مذاكره اليوم .. جزآك الله خير ونفع بك وكتب اجرك ان شاء الله .. تقييم + لآيك .. آستمر يَ مبدع |
|
|
|
2012- 9- 29
|
#4 |
|
أكـاديـمـي ألـمـاسـي
|
رد: تبي تنجح تعال خطوة بخطوة
كلام جميل مفيد جدآ مررررررررره عجبني وكلامك 100% ربي يوفقك ويسعدك يارب وان شاءالله الكل بيسوي كذا وانا اولهم  وان شاءالله الكل يكمل الماستر والدكتوراه .gif "(204)")  ربي يسعدك ويحقق كل ماتتمنينه
|
|
|
|
2012- 9- 29
|
#5 |
|
أكـاديـمـي نــشـط
|
رد: تبي تنجح تعال خطوة بخطوة
مشآء الله ،
 مآقصرت آخوي ، الله يوفقك إن شآء الله ، شرح متعوب عليه ، ربيُ يعطيك آلعآفيه ، وجزآك الله خيرَ |
|
|
|
2012- 9- 29
|
#6 |
|
مشرفه كلية التربية سابقآ
|
رد: تبي تنجح تعال خطوة بخطوة
ابداااااااع
وسلاسه وتشويق في طرح الافكار .. معلومات وخطوات استفدت منها .. الله يكتبلك الخير .. ويوفقك .. وينيلك مرآدك ~ آطيب امنياتي ..~
|
|
|
|
2012- 9- 29
|
#7 |
|
متميزة بالمستوى الثامن – إدارة أعمال
|
رد: تبي تنجح تعال خطوة بخطوة
الله يجزاك خير , كلام يحمس ويهون علينا كثير ابغى اشيل من راسي فكره ان الوقت مضى علي, وكل شي اتراكم "- يعني عندنا خمس مواد صح كل مادة 14 محاضره صح -تقسيم المقرر كل يوم محاضرتين خلال اسبوع تخلص المقرر كامل " المشكله بالحفظ صعب اللي له فتره طويله غايب عن جو الدراسه يقدر يحفظ بسرعه وهذي اكثر نقطه تأخرني , كل مااحاول اشيلها من راسي ماتروح  حاولت اعمل اكسرسايزات بحفظ سوره قصيره للقران >> قاعده احفظ سورة الاعلى بدل ماامسك المصحف اصلي الشفع والوتر قرأها, بدل ماانا حافظه رقم الصفحه 591  الله يسهل امرنا وامركم. { تقديري |
|
|
|
2012- 9- 29
|
#8 |
|
مشرفة عامة سابقاً
|
رد: تبي تنجح تعال خطوة بخطوة
ما شاءالله عليك يا الكلاداري .. أبدعت فـ حفزت
مجهود متعوب عليه وشرح وافي وكافي للتشجيع في مواصلة المسيره بكل تفوق والوصول للهدف بإذن الله ... لا حرمك الله الأجر على هالطرح الراقي ويستاهل الفايف ستارز وفق الله الجميع لكل خير .. تقديري لك
|
|
|
|
2012- 9- 29
|
#9 |
|
أكـاديـمـي نــشـط
|
رد: تبي تنجح تعال خطوة بخطوة
ماشاء الله تبارك الله ..من جد اعطيتنا افكار جمييله وطاقه ايجابيه الله يعطيك العافيه ولا يحرمك الاجر ..
|
|
|
|
2012- 9- 29
|
#10 |
|
متميزة كلية الاداب _علم اجتماع
|
رد: تبي تنجح تعال خطوة بخطوة
كلام حلو ويدخل السرور في نفس الوقت وأعجبتني فكرت دهن العود بس الي عجبني اكثر عطرابوطير هههه عز الله الي بتنسد انفسنا ذكرتني بالكابتشينو والقهوة التركية ماادمنها الى وقت الاختبار وبالفعل كنت احس أني اذاكر واستوعب اكثر اذا شميتها لان كنت قبل ما أبدا اذاكر اي ماده لازم اشرب بيالة على العموم بالفعل الانسان لازم يحط امام عينه هدف عشان يوصله *
|
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| ضع سؤالك .. وسوف نجيبك بإذن الله .. | دوَدي | ملتقى طلاب التعليم عن بعد جامعة الملك فيصل | 6274 | 2013- 1- 6 09:21 PM |
| خبر ﻋﺎﺍﺍﺍﺍﺍﺍﺍﺟﻞ | ♥ ρяɪиcєss | منتدى ماقبل الجامعه والاستفسارات الأكاديمية العامة للطلاب المنتظمين | 59 | 2012- 9- 28 01:27 PM |
| اختبارات سيسكو مجانا لطالبات جامعة الملك فيصل ..قبل نهاية العام (فرصة لاتفوت) | REGHANEM | منتدى كلية علوم الحاسب و تقنية المعلومات | 5 | 2012- 5- 24 08:36 PM |
