المشاركة الأصلية كتبت بواسطة فارس الرومانسيه

س/الى اين تقودينا ياجامعة الملك فيصل ???

ج/ إلى وادي أبو زعبل.

س/اين يقع وادي أبو زعبل ؟؟؟

ج/ يقع في كوكب الضياع.


شكلهم إذا قالوا بكرا شهر الصيام راح تبلش الدراسه

طار الحماس ،،، طار طار

بروح ألعب بلايستيشن أحسن لي

يرحم خدودكم يــ إدارة الجامعه

حسوا فيني حسحسوني >>> آآآه على الجمله الظريفه

شكلي راح أدعي عليهم ،،، ترى دعائي مستجاب

البارحه دعيت على قطوه ،،، من أنظف السياره تجي تنام فوق السياره

وتعفس لي السياره بااقدامها ماادري من وين تجي كأنها مثلنا تلعب كرة قدم

ومن تشوف السياره تلمع جات فوقها ونامت ،،، دعيت عليها وانكسرت رجلها

بعدين كلموني أهلي قالوا مايصير يافارس حرام عليك ،،، كسروا خاطري

ورحت أدعي لها دعاء طيب ،،، وماشاء الله قامت تمشي عدل

وآخر شي خليتها تنام بسيارتي وقلت عادي يمكن حاسه بالبرد

وشايفه سيارتي دافيه ،،، ماندري يمكن من هالشي ندخل الجنه

مثل الكافر في عهد النبي محمد يوم ينقذ حيوان ودخل الجنه بسبب هالسالفه

اللهم صل على محمد وآل محمد

ياخوفي تتراكم علينا المحاضرات والواجبات والمناقشات

هي بتتراكم راح تتراكم ترى الوقت طار وضاع منه واجد

آآآآه منكم يالجامعه ،،، لا وتبغوا تتطوروا مثل الجامعات الاجنبيه

قم بس قم

أخوي الصغير مسكين كله يقولي تعال ألعب معاي بلايستيشن

وأنا أقوله يرحم خدودك خلني في حالي يمكن الحين تجي محاضره

من كثر مايجي عندي قمت أقول بتكرار حق الاهل :

(( أبعد عني الولد ده ،،، لايجنني الولد ده ،،، العسل ده ))

حالتنا كسيفه مع هالجامعه

تباً لكِ ياجامعه


تحياتي لكم جميعاً
أخوكم / فارس ،،، الذي طفح كيله (( حسوا فيني حسحسوني ))

المشاركة الأصلية كتبت بواسطة ليلى الغامدي ..

السلا عليكم

يابنااات انا طالبه بالمستوى الاول قسم علم اجتماع

وعندي اقتراح ايش رايكم نقتح قروب بالواتس اب ونتواصل فيه ونكون يد وحده لو في شي از معلومات جديده نتواصل مع بعض
واذا حبين الفكره وتبولنا نتواصل كلمووني خااااص

وانا راح افتح القروب

.//اختكم . ليلى الغامدي