 |
|
||||||
| ملتقى الفنون الأدبية شعر,نثر,خواطر,قصص,روايات وجميع الفنون الادبية |
 |
|
|
أدوات الموضوع |
|
#1
2013- 3- 16
|
||||
|
||||
|
ملعب الحاره مع المجارة,,,,
من قصائد شاعر المليون الشاعر/ حاكم بن مشعل المعلا الشمري اخ وصديق لي وهاذي قصيدته,, وبعدها مجارة لي على ألقصيده طبعا ألقصيده لها اكثر من 10 سنوات مع المجارة أرجو ان تحوز على رضاكم واستحسانكم الله حـسـيــبــي عـــلـــى الأيـــــــام دواره مـا كنـت اصدق يجيني يــوم تنهيني شفـت الـذي شدنـي مـن دون مـا اختـاره تــافــه, ولــكــن أحــــس انـــــه يـنـاديـنــي يـــا ليـتـنـي يــــوم أنــــا مــريــت بــجــواره طنشـت محـدن عـلـى اللـوعـه اموازيـنـي (ملـعـب حــواري قـديـم) وطـافـي أنـــواره ومـن الشجـن فـيـه مــا يلـفـت نظرعيـنـي وترا الذي مثلي الياعاد تذكاره على ثلاث اعمده, مابه رجا فيني عادت علـى الطفـل00 مـن نعومـة أظفـاره وعـادت بـي الذكريـات ومـاضـي اسنيـنـي فـي يـوم أنــا كـنـت كبـتـن شـلـه الـحـاره الـعـب وسط ونـزعــة التـهـديـف تغـريـنـي مغرور,حريف, مثلي لاتقن ادواره يـحــق لـــه 00يـومـهـا مـحــدن يجـاريـنـي ماشفتنـي يـوم أنــا انــزل لابــس الـشـارة مــاكــنــي إلا (فـــلـــر) وإلا (بـلاتــيــنــي) اعزف لهم ,عزف بيتهوفن, بقيثاره وافرهم.فرة المسباح بيديني والـعـبـهــم لـعــبــه الــفـــارس بـمـضـمــاره مــن ويــن مــا مـالـت الهـجـمـة تلاقـيـنـي أشـنـهــا ضــدهــم غــــاره بــأثـــر غـــــاره تـرتــد واقـــف لـهــم وقـفــات (مالـديـنـي) واشــوت شــوت الــذي (يـلـعـب بـنـظـاره) أو كــن رجلـيـن (زيـــن الـديــن )رجلـيـنـي تـسـديـدتـي قول. مـبــرومــة وفـــــراره أتـقـنــت شــوتــات( روبــرتــو) بـتـمـريـنـي وأحيان مثل (الدخيـل) و(جاسـم) ايسـاره ولا كمـا (ماجـد) و(يوسـف )علـى ايمينـي راحــت سنـيـن الطفـولـه مـاتــت اخـبــاره ومات الشقى اللي على صغري مخاويني مـــا بـاقــي إلا الـتـعـب والـهــم وأنــصــاره واوراق بـيــض وقـلــم 00 عــيــا يـعـزيـنـي واي والله حسيـبـي عـلـى الأيــام غـــداره مــا كـنـت اصـــدق يـجــي يـــوم تلغيني .............................................. وهاذي مجارتي جتني علوم الشاعر الي زانـت اخبـاره قريـت شعـره ثـم بــدا قلـبـي يعزيـنـي الــــــوقــــــت دوار والايــــــــــــام دواره دارة عليـنـا ثــم غــدا عقـلـي يباريـنـي يـبــن الـمـعـلا تـــرا شـعــرك وتـذكــاره هيض شجوني وسال الدمع من عيني ذكرتنـي وقـتً مـضـى يـازيـن ذالـحـاره والملعـب الـي بجـنـب الـزيـن يغريـنـي ملـعـب قـديـمً بــس ياسـعـد مــن زاره وشاف الجمال الي مع الطاقه يناديني واليـا اظلـم الليـل بــان الـزيـن وانــواره وعيـونـه الـســود بالـنـظـرات ترمـيـنـي خـذت قصيـدي وقامـت تنفـض اغـبـاره وكـل المعانـي لهـا بالشـعـر تدعيـنـي احكـي لهـا وقتـي الـي طـال مشـواره وتحكي لـي اضروفهـا واقـول حاكينـي واشكي لها قلبـي المجـروح واسـراره وتقـول لاتشكـي تـرى حـبـك يكفيـنـي والله حسيـبـي عـلــى الايـــام غـــداره ماكنت احسب انهـا فـي يـوم تبكينـي ارجو ان تنال رضاكم 
|
|
2013- 3- 16
|
#2 |
|
متميزة في علم الاجتماع مستوى 8
|
رد: ملعب الحاره مع المجارة,,,,
رااااااااائع راااااااااائع رااااااائع
يالجاااااااااااااااارح صح لساااااانك ولسان الشمري مجاراة جميله اهنئك ع ذالك لك كل الاحتراااااام والتقدير  |
|
|
|
2013- 3- 16
|
#3 |
|
متميزة بمستوى رابع - اللغة الإنجليزية
|
رد: ملعب الحاره مع المجارة,,,,
صح لسانك اخوي الجارح على هالقصيدة >> مع اني ماني فاهمة شيء فيها وبالذات هذا البيت
شفـت الـذي شدنـي مـن دون مـا اختـاره تــافــه, ولــكــن أحــــس انـــــه يـنـاديـنــي الحين شلون يصير تافه وهي يبيها ؟؟ ممكن شرح لهذا البيت ؟؟ |
|
|
|
2013- 3- 16
|
#4 | |
|
مشرف سابق
|
رد: ملعب الحاره مع المجارة,,,,
اقتباس:
سلمتي وسلم حضورك اختي ونتري
وصح بدنك , ولكي مني كل الاحترااااااااام |
|
|
|
|
2013- 3- 16
|
#5 |
|
أكـاديـمـي ألـمـاسـي
|
رد: ملعب الحاره مع المجارة,,,,
الله عليك يالجارح الله
 وربي مبدع قمت الابداع انت وصديقك  صح لسانك ولسانه   الا اقول يالجارح وراه ماتشارك بشاعر المليون  <<بخلي القبيله كلها تصوتلك انت بس شارك اممممم لايكون شاركت بس ساكت ماعلمتنا علمنا يالصقر حرام يكون في شاعر بينا مثلك وماندري  وصباحك سكر |
|
|
|
2013- 3- 16
|
#6 |
|
متميزة كلية الأداب _قسم الأنجلش
|
رد: ملعب الحاره مع المجارة,,,,
صح لسااااانك. ولسان حاكم.
ماشاءالله مجاراه قمه بالروعه. استانست عليها كثيير. انت مبدع ومواضيعك رهيبه.  دمت بسعاده مع ماتحب. |
|
|
|
2013- 3- 16
|
#7 | |
|
مشرف سابق
|
رد: ملعب الحاره مع المجارة,,,,
اقتباس:
صح بدنك اختي فيينا ولو تبين اشرح لك القصيده كامله ابشري,, اول شي الشاعر حاكم ماذكر شي غير الملعب القصيده الله يسلمك عن ملعب قديم في وسط حاره والبيت الي انتي منتي فاهمته هو الملعب عند مروره بجواره , يعتبر تافه لانه ملعب قديم وكله غبار, وذكره بأيام قديمه ,, لكن انا رديت عليه وقلت ان الملعب ياسعد من زاره يعني ياحظ من زاره لانه قريب من بيت المعشوقه فقط في القصيده وليس في الواقع وان اشاء الله انك فهمتي واذا تبين شرح ثاني ابشري
|
|
|
التعديل الأخير تم بواسطة الجــــ@ـارح ; 2013- 3- 16 الساعة 01:24 AM |
||
|
|
|
2013- 3- 16
|
#8 |
|
أكـاديـمـي مـشـارك
|
رد: ملعب الحاره مع المجارة,,,,
ماشاء الله شعره رائع ومجاراتك أروع شاعرنا
دمت ولاهنت وننتظر جديدك |
|
|
|
2013- 3- 16
|
#9 | |
|
مشرف سابق
|
رد: ملعب الحاره مع المجارة,,,,
اقتباس:
صح بدنك اختي ياسمين
وانا ماني شاعر بس عندي محاولات ولا احب اشارك الا معكم فقط واكثر شعري احتفظ فيه , ولا تقصرين انتي وقبيلتك الله يحفظكم وصباحك خير وسعادة |
|
|
|
|
2013- 3- 16
|
#10 | |
|
مشرف سابق
|
رد: ملعب الحاره مع المجارة,,,,
اقتباس:
صح بدنك اختي ام بتال
دمتي في حفظ الرحمن |
|
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| إنتهى اليوم .. بنتائج مختلفة في عدة اندية سعودية | miss mrasy | ملتقى الرياضة | 9 | 2012- 11- 14 12:24 AM |
| أختيار من متعدد لمادة التدريب الميداني في عشرين دقيقه. | نايف ع الحربي | اجتماع 3 | 86 | 2011- 12- 26 03:38 PM |
