السلام عليكم ورحمة الله وبركاته
اعذروني على اللي بكتبه بس بصراحه مقهوره


وش بالنسبه للاخ هذا عبد الحكيم اللي طالب منا ملزمه غير الملزمه اللي اعتمدوها الاعوام السابقه واللي هي مطابقه للمحتوى !!!

نزلت ملزمته اللي قال عنها بالمباشره وتفاجئت انها تختلف كليا عن ماشرحه لنا بالمحاضرات المسجله يعني اصلا غير المحتوى ومافيها من المحتوى غير شي بسيط جدا لا يكاد يذكر يعني ماده اخرى باعتبار

وفيها توسع وتشعب واشياء غريبه عجيبه لا تمت بصله لما هو مقرر علينا .. ومخالفه للمحاضرات المسجله يعني اذا بغير في المنهج يعيد تصوير المحاضرات المسجله ولا هو استعباط وبس
اقسم بالله قهرني هذا الدكتور
لو ان الموضوعات حقت الملزمه الجديده مشابهة للمحتوى وللمحاضرات المسجله .. وفيها زياده شي بسيط كان قلت ماعليه .. بذاكرها وانا ساكته

بس الموضوعات حق الملزمه مختلفه اختلاف كلي وجذري .. ومافي تشابه.. غير شي بسيط لا يكاد يذكر (( اول ورقتين .. ثلاث ..))
والله ظلم ..
اتصلت عليه بعد المحاضره المباشره وقلت لنفسي حتى لو خارج ساعاته المكتبيه بدق واللي يصير يصير
واتفاجئت بان الرقم اللي حاطه الاخ بالبلاك بورد كوسيله اتصال ..مقطوع .. مفصول !!!!!!!!! يعني بس بالاسم كذا حاط لنا رقم تلفون

انا كتبت هالموضوع وانا محتره ...ولو بيدخل الدكتور الملتقى هذا ويشوف كلامي بعد ماعندي مشكله .. شكلي اصلا بنجن وبحط اسمي كامل بدل ضي والخرابيط هذي ورقمي الجامعي بعد وخربانه خربانه ..
استغفر الله بس .. والله يا بنات وشباب لازم نعترض المشكله اني بنت ولا اقدر اسوي شي .. ولا كان رحت الجامعه بنفسي وقدمت فيه شكوى للعميد بعد .. لانه الللي مسويه ظلم.. لو هي مساله نقاط ماشرحها او ماتعمق فيها بقول مش مشكله ....بس هذا منهج كامل متغير .. يعني المحاضرات تتكلم في الشرق والملزمه في الغرب !!!!!!!!!!!!!!!!!!!!!!!!!!!!!!!
ولا وبعد يقول اوعدكم ان الاسئله رح تكون غير عن كل مره وما رح تتكررر ابدا ّ!!!!! وكانه يهددنا والمسأله صارت تحدي يعني
حسبي الله ونعم الوكيل بس