المشاركة الأصلية كتبت بواسطة another day

انا ملاحظه ان اللي يدور حلول للعنوسه دائما هم المتزوجين جزاهم الله خير ههههههههههه ،،،قبل اجاوب على الاسئله ابي اعرف ليش
ماندور على الاسباب اللي خلت البنت تعنس على قولتكم وليش دايم يكون الحل انها تتزوج واحد متزوج ويش ينقصها عن بنات جنسها،
والحين البنت هذي ليش ناسين انه بالمقابل لها فيه شاب بعد طافه القطار ويسمونه عزوبي ولاحظوا العنصريه لقبه هذا مهما كبر في السن
مايأثر عليه ولا يكون الحل انه يتزوج مطلقه او ارمله اوحتى عانس لاااااا لازم تكون بنت وصغيره بعد
البنت مسكينه كل ماتكبر في السن تقل فرصتها في الزواج حتى بطويل العمر العزوبي المذكور يعني يا المتزوج اذا صدق هدفك لوجه
الله اذا تعرف على قولتك عانس وتعرف واحد من ربعك يكون مطلق او عزوبي وفق راسين بالحلال احسن من انك تتزوجها وماتتحمل مشاكل
الحريم تقوم تطلقها وبدل ماكانت عانس لقبت بمطلقه يعني المسكينه تتخلص من العنوسه وتلحق ركب المطلقات
المهم بالنسبه اني اتزوج برجل متزوج لخوفي يطوفني قطار الزواج لا طبعا لان هذا شي بعلم الغيب واذا رضيت في المتزوج فعلى حسب الظروف والمسأله اردها للقسمه والنصيب ومن ناحية اذا أأيد التعدد انا منو عشان اعارض شي ربي حلله بس لازم يكون هناك سبب وجيه
ربي ما حلله عبث ولكن لحكمه ،،،أما اذا كان فيه فرق اكون الاولى او الثانيه بالنسبه لي ايوه فيه وما اتمنى اكون الاولى مع ان اللي يسويها
مره ممكن يسوها مره ثانيه