|
ملتقى الفنون الأدبية شعر,نثر,خواطر,قصص,روايات وجميع الفنون الادبية |
|
أدوات الموضوع |
#1
|
||||
|
||||
النصيحة
السلام عليكم ورحمة الله وبركاته
أسعد الله أيامكم وعطرها بالايمان والتقوى أقدم لكم هذه القصيدة التي تحكي عن أشياء موجودة في حياتنا اليومية وعلى كيفية أستخدامها بديت بإسم الله عزيز الجلالي=الواحد المعبود منشي الخيالي عالم دبيب النمل بصم الجبالي=محيي هشيم القاع عالم اسراره تم بعد ذكر الله كتبت القصيده=من شاعرآ قال الشعر من حصيده الشعر اصونه وحتفظ في رصيده=والله وهبني الشعر واخذ خياره هذي نصيحه للوجيه الفليحه=اقولها بكل كلمه فصيحه صريح ولي با لقلب نيه صريحه=والله يقدرني بكتب العباره وعنوانها بأسم الثلاث الخطيره=الدش والجوال والنت طيره في كل بيت وكل دار ِ سطيره=كلن عليهن دق طبله وطاره الدش والجوال والنت معهن=في مجتمعنا لاغنى اليوم عنهن مافيه بيت الى الثلاثه جمعهن=منهن فوائد ومنهن ايضا خساره الدش كن له عندنا اليوم ثاري=من ديرة أهل الغرب جانا جباري وخرب بعض كبارنا والصغاري=خيم على أهل الحي في كل حاره وسط السماء حطوله اقمار صناع=يبث منها الشر فيها التخلاع وكل الدول بها القنوات جماع=غزو(ن) جلب للمجتمع هز داره ياكثر مابه من عيوب وفضايح=دنياء عبور الجاي لابد رايح يا أمة الإسلام ياهل النصايح=الدش وسط البيت يهدم جداره والثاني الجوال جوال جوال=غطى على الهاتف وسموه نقال له منفعه وقت الضروره والاشغال=ومضرته على الشباب ودماره البنت تكشخ به ليا طبت السوق=والا بسياره بها الهندي يسوق والرقم من مطفوق في يد مطفوق=احد(ن) يمين البنت واحد(ن) يساره كلن خذت رقمه وزين آموره=قالت بكلم كل واحد بدوره تلعب ومن يلعب وقع في حفوره=ونهايت الجوال فتق الستاره وبلاك بيري هب يابلاك بيري=كمل لنا الناقص وضعه خطيري داب ِ بكل الكون جاء يستديري=يفتك وسمه جرعك بالمراره يا أهل الغزل يامزعجين الرقودي=ياللي بوسط السوق مثل الهنودي شكله غريب وكن ماهو ******=يدن بها الجول ويدن زقاره شباب طايش والبلى فيه موجود=لا فايد(ن) دينه ولا كاسب ِ فود يبي يصيد وصار بالسوق مصيود=وارجال الهيئه امسكوه بزراره ثم سلموه الأمن وصارت قضيه=وحكم الشريعه مابه اليوم زيه وحكم عليه الشيخ بالجلد ميه=ويكمل المده بسجن وخفاره هذي النهايه صرخته بين جدران=يصيح بعالي الصوت ياناس ندمان على لسان فلان وفلان وفلان=مابين ربعه صارت اكبر عياره والثالث الأنترغزانا وجانا=شبك جميع الناس يادان دانا في عالم الانتر تبعنا هوانا=له موقع ِ في كل بيت وعماره له منفع لهل العقول السليمه=وله بالحكومه واجهزة الأمن قيمه لاكن شره للعقول السقيمه=ومفتاحه بيدك على شكل فاره كم واحد(ن) أعلن خسارة إفلاسه=في عالم أخر انقلب فوق راسه في غرفته مبعد عن أهله وناسه=يكتب ويرسل ضاع ضاعت أفكاره يقول أنا سويت بالنت باشه=اراسل البنات من خلف شاشه عرفت ليلي وبنت خالة قماشه=ونوره وغاده ومعهن البنت ساره شهرعلى هالحال يكسب ذنوبه=مقلب شباب ِ العبوا والعبوبه باسم البنات أغروه واظهرعيوبه=وبعد كشفهم شب بالقلب ناره وأخذبها عبره وصارت تجارب=وتعوذ من إبليس وكب النشايب ورجع لعقله واصبح اليوم تايب=توبه نصوحه أشرقت في نهاره وهذي تراها موعظه للشبابي=وترى طريق الخير هو الصوابي وانصح بنات اليوم بلبس الحجابي=كلن يغار بحفظ عرضه وعاره والدين يا أهل الدين لاتجرحونه=سنة محمد لازم ِ تتبعونه ترى السعادة بالهدى تهتدونه=ومن يتق الله المعزه شعاره اد الفروض الخمس وأركان الاسلام=وصل التهجد والمخاليق نيام واطلب عسى مثواك جنات الأنعام=وبجنة الفردوس تجني ثماره وطع والدينك واطلب الله يثيبك=أمك وأبوك الله عليهم رقيبك تراء القطاعه تبعدك عن قريبك=ومن يقطع بوالديه يؤخذ بثاره لأمك ثلاث أحقوق وأبوك واحد=وبحقهم يالأبن لاتصير جاحد ومهما توفي مايجي ربع واحد=ولامن رضوا عليك هذي بشاره ولا تقول كلمة أف للوالديني=ولاتنهر بصوتك تراك الضنيني اخفض جناح الذل وارخ الجبيني=قل ربي ارحمهم ياراحم صغاره والجارله حق ومعزه علينا=عليه وصى سيد المرسلينا وصى لسابع جار يامسلمينا=كلن يقوم بواجبه عند جاره ياالله ياللي يخشع العبد لرضاه=يطلبك عبدك يرفع أيديه ياالله برحمتك يارب تغفر خطاياه=هدايتك وارضاك اكبر تجاره ونصيحتي بأول وباخر كلامي=للأخره يالعبد شد الحزامي والشعراختمه بالف وازكى سلامي=على الرسول اللي مشى بالطهاره منقووول تحياتي وأشواقي |
2013- 3- 22 | #2 |
أكـاديـمـي ألـمـاسـي
|
رد: النصيحة
صح فكرك وصحت يمينك .. ولاهنت .. اشكرك .. |
2013- 3- 22 | #3 |
أكـاديـمـي فـعّـال
|
رد: النصيحة
يعطيك الف الف عافيه
أبيات جميله ذات هدف ودي واحترامي لك |
2013- 3- 22 | #4 |
أكـاديـمـي فـعّـال
|
رد: النصيحة
غدونا لصفحتكم ملتمسين سنا حروفكم الوضأة.....وأمسينا بينها نرتوي منها صدق ماء كلماتكم |
2013- 3- 22 | #5 |
:: مشرفة ::
ملتقى الفنون الأدبية سابقاً |
رد: النصيحة
،‘
محمد.. متميزَ كـَ عادتكَ شكراً لكَ سلمت اناملك استاذي |
2013- 3- 23 | #6 |
متميز بمسابقة الملتقى الرمضانية
|
رد: النصيحة
أَسْأَل الْلَّه تَعَالَى أَن تَدُوْم الْسَّكِينَة فِي قَلْبِكم وَالابْتِسَامَة عَلَى وَجْهِكم وَالْسَّعَادَة فِي بَيْتِكم وَالْصَحِه فِي بَدَنِكم وَالتَّوْفِيْق فِي حَيَاتِكم وَالْأَمَان فِي دَرْبِكم وَالنُّورُفِي وَجْهَكم وَان يَغْفَرْلَكم و لوالديكم .
وتحياتي لكم |
2013- 3- 23 | #7 |
مشرف عام سابقاً
|
رد: النصيحة
،،،
كل بيت يستحق له معنى يستحق التوقف عنده ،،، سلمت يمينك .... |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
عاجل الهيئة الامر بالمعروف تشارك وتراقب و تتابع المنتدى | ليثاوي الرياض | ملتقى المواضيع العامة | 67 | 2013- 2- 18 10:55 PM |
[ الدراسات الاسلامية ] : قروب المستوى الخامس خطة قديمة انتساب وانتظام 2008 و2009 فقط | الغَـدَقْ | منتدى كلية الآداب بالدمام | 211 | 2013- 1- 5 05:53 PM |
متوهق بمادة القانون النصيحة لوسمحتم | أرجنتيني كتلوني | إدارة أعمال 1 | 12 | 2012- 12- 24 01:19 PM |
لـ المستجدين تفضل رقمك السري .. لاداعي لـ الأنتظار : ) | الـ ح ـسـآم | ملتقى طلاب التعليم عن بعد جامعة الملك فيصل | 50 | 2012- 6- 17 09:36 PM |
جلسة الأنتظار (والقهوهـ جاهزه ) | رنو | ملتقى طلاب التعليم عن بعد جامعة الملك فيصل | 394 | 2012- 6- 17 08:26 PM |