 |
|
||||||
| منتدى تفسير الأحلام هنا يتم تفسير احلامكم و رؤاكم |
|
|
LinkBack | أدوات الموضوع | إبحث في الموضوع |
|
#1
2009- 9- 3
|
|||
|
|||
|
الباص الطويل
السلام عليكم
أخوي أنيس أتمنى تفسر لي هالحلم <<<<< حاسه ان له تفسير أنا من الاحساء وحلمت من يومين برمضان يعني كأني رايحة الدمام حق أختي إحنا دايم نروح لها في الإجازات بس في الحلم غير وكأنه الدمام شكلها متغير سكك ضيقة وشوارع متغيرة المهم وكأن أختي جايبة لها سواق اهو في الأساس عندها سواق وسيارة كبيرة شوي عشان بناتها ماشاء الله بس اللي لفت نظري أن سايقها اللي جايبته شكله في الحلم غير عن الحقيقة وغير كذا كان سواقها راكب باص طوويل مرة يعني شكله غير المعتاد تقول كأنه قطار بس اهو باص ولونه بيج وله نوافذ كثيرة لأنه طويل وله باب واحد ماتقدر تركب إلا لما تمر جنب السواق المهم كأني كنت واقفة جنب الباص وبعدين ركبته وكان فاضي مافي إلاا أنا والسواق وكنت خايفة شوي لأنه الباص كان في حارة قديمة شوي وضيقة وبعدين بدأ يمشي الباص وكأن دخلنا في سكة ضيقة شوي ومشينا وصلنا لطريق مسدود كأن باب أو جدار وكأن السواق توهق مايقدر يرجع على وراء لأن الباص طويل مرة بعدين حاول بكل صعوبة يلف بشويش بشويش لما تعدلت وضعية الباص ولفينا الجهة الثانية وأنتهى الحلم وبعد كم يوم حلمت حلم ثاني يشبه لهالحلم وهو أني راكبة سيارة وأسوقها وكأنها سيارة فخمة وأتوقع كان لونها ابيض ماأذكر بالضبط وكأن الوضع عادي على الرغم من أني اسوقها أول مرة بعدين قلت بروح الدمام وكان الوقت متأخر شوي قلت بدق على أختي أقولهم أني بجي وبدق على أخوي يعطيني مفتاح شقته في الدمام حتى أبات فيها بس كنت خايفة منه بعدين قلت فرصة دام عندي سيارة بروح فيها الرياض وجدة وبعدين شفت روحي مع أخوي الصغير وأقوله تصدق ماتوقعت السواقه كذا مرة سهلة والشوارع ماتضيع ابد حتى أني بروح الرياض وجدة وان شاء الله ماأضيع بعدين جأني أحساس في الحلم أني بضيع ومارحت وانتهى الحلم |
|
2009- 9- 5
|
#2 |
|
أكـاديـمـي ألـمـاسـي
|
رد: الباص الطويل
و عليكم السلام ور حمة الله و بركاته ،،
هذا الحلم الأول هو ،،، مجرد اضغاث احلام ،،، و الله اعلم أما الحلم الثاني فيدل على انك سوف تعيشين حياة الاثرياء و و تنالين سعادة عظيمة و سرور و تسافرين إلى بلدان متعددة و ذلك بسبب ارتباطك برجل ميسور ،،،و الله اعلم و لك تحياتي |
| مواقع النشر (المفضلة) |
| الكلمات الدلالية (Tags) |
| الباص, الطويل |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
