السلام عليكم ورحمة الله وبركاته أتمنى تفسرو لي حلمي لأن شاغل بالي يعطيكم ألف عافية وهو...
حلمت أن أنا في المكتبة أشتري لي أغراض منها والمكتبة عبارة عن دورين طابق أول وفية الأقلام وأدوات الطبخ والطابق الثاني فيه الكتب والدفاتر وفيها سلم(درج) يوصل إلى الطابق الثاني وأول مادخلت المكتبة رحت مكان الأقلام وطوابع وشفت في قبالي بالطو طبخ (مريلة طباخين حمراء) للأطفال (بتسمت لأن في الحقيقة في رمضان لما كنت أساعد أمي في المطبخ كنت البس بالطو طبخ وبنت أخوي الي عمرها 4سنوات تقولي في بالطو طبخ أطفال شتري لي أبي واحد مثلك)وصاح جوالي ورفعته الي هي أمي تقولي يمه وينك قلت لها أنا في المكتبة قالت لي بجيلك الحين قلت لها أوكية وسكرنا وقلت في نفسي دام أمي بتجي خليني أخلص أغراضي بسرعة لأن أنا ماعرف اشتري أغراض زين وأمي معي قلت يالله بروح أشتري كتب ودفاتر من فوق أول وبعدين أشتري باقي الأغراض من تحت رحت أصعد السلم حسيت بتعب كبير ورجولي بصعوبة تركب درجة درجة وأنفاسي شويه وتنقطع وأنا أبي أركب بسرعة قبل لا تجي لي أمي بس ماني قادرة حتى أصعد طبيعي مثل الناس وبرغم من أن الدرج مش طويل مرة زين عادي المهم وصلت إلى آخر درجة بشق الأنفس و جمدت رجولي خلاص ماعد فيني حيل أرفع رجلي وحاولت بصعوبة أقفز لان خلاص بس هذي الدرجة وخلص الدرج قمت رفعت رجولي بيدي من فخدي ورفع رجولي ووصلت وخلصت الدرج ووقفت أسترد أنفاسي في الطابق الثاني وصحيت وبس
على فكرة أن صاير لي فترة أحلم أن أنا أصعد الدرج بصعوبة ومادري ليش برغم أني مو من النوع الي يخاف من الدرج أويتعب في ركوب الدرج بل أصعد ونزل بأسرع من البرق في الحقيقة ومن هذي الأحلام
أحلمت أنا وأمي رايحين زواج في صالة أفراح ولما دخلنا الصالة لقينا درج شويه فيه طول ومدور بس مش دائرة كاملة نصف لفة أو دائرة وكان الدرج مرة روعه وفوق هناك دورات المياه قلت لأمي بروح دورات المياه قالت لي أوكية روحي وأنا بروح أجلس قلت زين ولما رحت بصعد الدرج لقيت صعوبة بالضبط مثل الحلم الأول من البداية لين آخر درجة ولما صعدت الدرج وجلست استرد أنفاسي لقيت أختي المتزوجة وجات لي قالت لي شفيك اسم الله عليك قلت لها صايرة ارجولي لما اصعد السلالام ماتترفع إلى بجهد وتعب مادري ليش وسالتني عن أمي جات وينها قلت لها أيه تحت قالت لي يالله بنزل لها قلت زين أنا بدخل الحمام (الله يعزكم) ولما دخلت لقيت ملابسي الداخلية مليانه من دم الحيض وأنا تكرمون أنزف دم الدورة وصحيت من النوم
على فكرة المكتبة وصالة الأفراح ماأعرف اسمائهم وأول مرة أدخلص صالة أفراح مثل هذا التصميم وكانت الصالة والمكتبة مرة على مستوى وذوق المكتبة تشبه مكتبة جرير شوية بس مش هي وكذلك صاله الأفراح فيها شبة من بيت أحد صديقاتي
2009- 9- 24
المواضيع المتشابهه
