|
ملتقى الفنون الأدبية شعر,نثر,خواطر,قصص,روايات وجميع الفنون الادبية |
|
أدوات الموضوع |
#1
|
||||
|
||||
عزيزه يالعيون اللي حضنتي دمعـة الرجـال
.
. على الله يازمن بشكي جروحي والليالي طـوال عسى راعي العنا ينسى عناه وينشرح صـدره على الله يازمن بشكي همومي والهمـوم جبـال تعدّت عاصمة حزنـي حـدود العالـم بأسـره خسارة يالسنين اللي كتبتـي سيـرة الرحـال فرحت امس وحزنت اليوم بس الخوف من بكره لساني كم شكى صمته والى منه حكـى ماقـال طغى طبع السكوت بسيرة المحروم من صغره كبرت وكبرت احلامي وصارت قصة الترحال اماني في مهب الريح وحلـمٍ مااكتمـل بـدره بعين اللي مع ايامه جلس يبكي على الاطـلال تذكّـر ماضـي ايامـه اليـن خنقتـه العبـره انا منهو حمل همّه على راسـه تقـول عقـال مجاديف الزمن دارت عليـه ونسّـف الغتـره وانا منهو فقد صوته وبعض الصوت به مـازال دعيـت الله يفرّجهـا علـيّ وبحّـت النبـره أشيل الحمل عن غيري وحملي صار ماينشـال كما الشيخ الهزيل اللي مشيبه منقـضٍ ظهـره عزيزه يالعيون اللي حضنتي دمعـة الرجـال حبستي دمعته بين المحاجر يوم ضـاع امـره عزيزه يالحروف اللي سكتـي والكـلام يقـال حكيتي ماشكيتي الهـم وهـم القلـب ياكبـره عزيزه ياليدين اللي ثنيتك باصعـب الاحـوال اكفك ساعة الحاجـه وامـدك ساعـة القـدره وعزيز النفس لو يصبر على صبر الليالي نال ابصبر والرجل يصبر ومقياس الرجل صبـره جروحي مزنةٍ منها هطل فيض الشعـر همـال سقت جدب العروق اللي تبلـل ريقهـا قطـره وعن حر الزمن صار حروفي للجروح ظـلال تذرّت عن هبوب الياس حلمٍ قد بنـى قصـره عساها للمطر روحٍ بها وادي الظمـا ماسـال عروق سنينها جفت ووراهـا الزمـن غـدره وعساها للمطر روحٍ خلص مرباعهـا ماطـال كساها ثوبها الاصفر وكانت تلبـس الخضـره على الله ينجلي وقـتٍ قضيتـه هـمٍ وغربـال ويشعّ النور في قلبٍ غشى ليل الظَلَـم فجـره على الله والولي الله وبامـر الله يزيـن الحـال ويضحك للزمن قلبٍ مع همومه قضـى عمـره . الشاعر / حآمد زيــــــــدٌ التعديل الأخير تم بواسطة لكَبريآئي روآية ; 2013- 10- 4 الساعة 01:43 AM |
2013- 10- 4 | #2 |
مشرف عام سابقاً
|
رد: عزيزه يالعيون اللي حضنتي دمعـة الرجـال
،،،
عزيزه يالعيون اللي حضنتي دمعـة الرجـال حبستي دمعته بين المحاجر يوم ضـاع امـره كل بيت يستاهل رد لوحدهـ . صح لسان قائلها وسلمت يمين ناقلها لاهنت ... |
2013- 10- 4 | #3 |
متميزة بملتقى الفنون الأدبية
|
رد: عزيزه يالعيون اللي حضنتي دمعـة الرجـال
اختيار مؤفق
سلمت يمينك |
2013- 10- 4 | #4 |
متميزة في علم الاجتماع مستوى 8
|
رد: عزيزه يالعيون اللي حضنتي دمعـة الرجـال
تسلم يمينك ع النقل الجميل
|
2013- 10- 4 | #5 |
متميزة في قسم حواء
|
رد: عزيزه يالعيون اللي حضنتي دمعـة الرجـال
اختيار موفق
يعطيك العافيه ..~ |
2013- 10- 4 | #6 |
متميزة في قسم حواء
|
رد: عزيزه يالعيون اللي حضنتي دمعـة الرجـال
تسلم على النقل ياكبير وصح إلسان قايلها
ياشين دمعة قهر من عين رجال ****إذا إنزلت دمعته عقب عزه |
2013- 10- 4 | #7 |
متميز في ملتقى الفنون الأدبية
|
رد: عزيزه يالعيون اللي حضنتي دمعـة الرجـال
|
2013- 10- 4 | #8 |
متميز في ملتقى الفنون الأدبية
|
رد: عزيزه يالعيون اللي حضنتي دمعـة الرجـال
|
2013- 10- 4 | #9 |
متميز في ملتقى الفنون الأدبية
|
رد: عزيزه يالعيون اللي حضنتي دمعـة الرجـال
|
2013- 10- 4 | #10 |
متميز في ملتقى الفنون الأدبية
|
رد: عزيزه يالعيون اللي حضنتي دمعـة الرجـال
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|