حبيت انقل لكم هذه الابيات كونها تعبر عن واقع مرير



بس لحظــــه يا مهملني وناوي فـــي غيابــك
دامك الــي ناوي الفرقا بقـــــول الي بقولــــــه
انت يعنــــي لا نويت اتغيب باقف عند بابــــك
لا وربـــــي تاقف الدنيا ولا تأبــــى الرجولـــــــه
ما تعودت اتبع المقفـــي ولو حظرت جنابـــــك
رح عساها خيـــــرتن والدرب لك عرضه وطولـه
روح لا جابــك رديف الغيــــم وتركلي صوابـــك
جيت حلم ورحت حلم(ن) تشبه احلام الطفوله
منت اول من طعن هالقلب والـدرب انتهابــــك
يا ثقل خطواتــــك البارحـــــه وهليلـــه عجوله
باغـــــي الفرقا جعل ربي يعجل في ذهابـــك
باعيــن قلب (ن) لك الله كنت ما تحلــم تطوله
من يلومك شايف (ن) حالك و(ف) بداية شبابك
طاغي(ن) تجرح قلوب الناس تحسبها بطولـه
يا كثــــر ما كانت ضنونـــي دخيل الله تهابــــك
بــس اكذبها واقـــول اوهام والقلب وميولــه
بسئلك كم واحد (ن) قبلي هقابك وشتقابك
انت يلي نظرت عيــــونك قبل عرفك خجوله
اثرك الــــي تستلذ اليا ذاقو العالم عذابــــك
مشكله والمشكله هاذي بسيطه ومحلولـه
كان ما لبستك الغيـــره مثل لبسك ثيابـــــك
قل عوافي قل مثل غيــره تركته وبسهولــه
واجد الي مشتهين الوصل والخط متشابـــك
كان لك جوله ترا محاكيك له تسعيـــن جولـه
لا بغيت تغيب فـارق لا وربـــــي ما درابـــــك
شاعر(ن) يا كثـــــر ما تل القلوب وصفقولـــه
لا هلابك في حظورك وفي غيابك لا هلابــك
رح مهف مقيـــط يوم مقيـــط ودنـــه رجولـــه
باكر ان ما شفت غيرك جا يعوضني غيــابك
قل حكــــــي شعار ما تفعل ربع الي تقولـــه