انا المركون في صدر السواحل والبحر ميسور
انا ذاك السراب اللي ضحك من سالفة ديمة

هنا والحالك المضني يجي من آخري مجبور
يرتبني الوبر صبحٍ على ذيك القرى خيمة

تعبت استأصل ايامي من ايامي واجي مسرور
تعبت آمرر اعذاري على شفاهي مثل غيمة

تعبت ابارك غيابك واقول ان الغياب حضور
تعبت آغيِّب جروحي واقول ان الصبر شيمة

رميت الجوع في بطن الرغيف ومَهْتنا تنور..
قبل لايمد لي يده جهرت بسر تقسيمه ..

اشوف الناس من حولي ملامح من بقايا قصور
يفتت حزنها البارود تجفل لا اطلقوا ريمة

تطاولت المكان اشهق قبل لاتحتضربي دور
وقلت النعش يا فقري هنا يحتاج توسيمه

احس ان الحكي جثة وصدر الحابسين قبور
عظام ونشرها صدقك وزور الحكي تهشيمه

واشوف الغيم دخانك بَياض واسوده ممطور
هيا الاشياء تتناقض كما قل الحكي قيمة

وانا مابين صداتك وسيف حظوظي المكسور
سهرت وغمد نزواتي يسامر حلم تحطيمه




فمن أنت/ي ؟

أنا وشلون ابدل دربكم / يالرايحين / بـ جاي
أو الغي هالدروب من السهر واطفي دقايقها

بساتينٍ على مد النظر تشرب حزين / غناي
وإذا حان الثمر / قامت تدلى لي / مشانقها

فمن أنت/ي ؟