وخلني أوضح لكم هالشغلة :
فيه مواد اسمها متطلبات جامعة . حلو ؟
متطلبات الجامعة هذي يعني كل الطلبة في جميع الكليات يدرسونها (كلية الإدارة، كلية الآداب، كلية التربية ...الخ)
وفيه مواد اسمها متطلبات كلية ..
متطلبات الكلية هذي يعني كل الطلبة اللي تنتمي تخصصاتهم إلى كلية واحدة يدرسون هذه المواد .
أضرب لكم مثال واقعي عشان توضح عندك الصورة :
كلية الآداب تشمل التخصصات التالية : (تخصص انجليزي ، تخصص لغة عربية ، تخصص تاريخ ، تخصص جغرافيا ، تخصص علم إجتماع ،تخصص دراسات إسلامية)
هذي التخصصات تنتمي إلى كلية وحدة اللي هي كلية الآداب .
لما تغير تخصصك من لغة انجليزية إلى لغة عربية أو إلى أي تخصص آخر داخل تخصصات هذي الكلية ويكون هذا بعد فصلين دراسيين ماتكون راحت عليك مواد كثير ،
لأن كل هالتخصصات هذي يدرسون نفس المتطلبات ، ومعروف ان أول سنة اللي هي فصليين دراسيين الطلبة يدرسون فيها بعض متطلبات الجامعة + متطلبات الكلية .
فلذلك لما تغير تخصصك بتشوف انك تبدأ تلقائياً من المستوى 3
لأن كل المواد اللي في المستوى 1 والمستوى 2 حق تخصصك الجديد انت دارسها في تخصصك القديم .
ليه دارسها ؟
لأنك مارحت بعيد ، من تخصص إلى تخصص داخل نفس الكلية .
ـــــــــــــــــــــــــــ
لكن لو رحت مثلا غيرت تخصصك من لغة إنجليزية إلى تربية خاصة ، أو من علم إجتماع إلى إدارة أعمال .
التربية الخاصة في كلية التربية
واللغة الإنجليزية في كلية الآداب
وإدارة الأعمال في كلية الإدارة
لما تحب تغير تخصصك بعد مرور فصلين دراسيين ماراح تلاقي مواد كثير مشتركة بينهم .
لأنهم راح يشتركون فقط في متطلبات الجامعة وهي قليلة في أول سنة ،
ليه ؟
بتلاقي نفسك مخلص مادة أو مادتين أو ثلاث على الأكثر ، والباقي كله راح تدرسه من جديد لأنها اصلا مواد جديدة عليك .
فالموضوع يفرق إذا بتغير تخصصك داخل الكلية نفسها ، أو بتروح كلية ثانية .
2014- 2- 2
المواضيع المتشابهه
