آنآ بصرآحه أكو موضوع شآغلني ،
منذ فترة ليست ب قصيرةة
وجآ ف بآلي أكتب عنه آلحين!
ويآرب أخوي م يقطع علي حبل أفكآري بصوته لآني أنآ صآيرة ملفقة

يعني الحين جد جد جد جد ..
ليش كل مآ جآلهآ و ( تربية الآبآء وآلأمهآت ) تتدهور بزيآدةة
يعني يمكن أنآ مآ عندي خلفية جيدة عن قصة التربية هذي ..
لكوني لست بِ ( أم )
لكن يآ عآلم
أنآ أنثى
وفيني هآلغريزةة
وعندي شبه تجربة كوني الأخت آلكبيرة في آلبيت ( ومعروف غآلباً إن الأخت الكبيرة بمثآبة المربية الثانية في المنزل )
يعني لمآ أجي في آلمجتمع وفي أي مكآن عآم ..
وألقى طفل يتلفظ بألفاظ أنآ أخجل من سمآعهآ هنآ أنآ وشش أقدر أحكم على ( آلتربيةة ) !
ترربيية فآآآشششله يآ نآآسس !!
أدري يمكن يطلع لي قآئل : ( لآ ترمي كل حآجه على التربيه أحياانا مو تصرفآت الفرد مآ تكون نآتجة عن التربيه )
فعلاً !
أنآ أتفق ..
وأحيانا ممكن الطفل يريد أن يتمرد على التربيه او على القوانين أو أو أو ....
لكن آلتربيه دآئماً لهآ دور ..
يعني وقت الطفل راح يتمرد وراح يعمل حاجه .. ما راح يعملها ع العلن وأمام والدينه!
لكن رآح أحط نفسي ( مثــآل ) !
أنآ عن نفسي تربيت في بيئه محآفظه جداً ..
من ألمثلة القوانين او المباديء او القناعات اللي تربيت عليها ..
( عدم سماع الأغاني )
ليه!
معروف ليه لأنها حرام ولأنها ولأنها ولأنها ..
طبعاً انا جيت ما راح اقول ان الاغاني مو حرام انا مقتنعة تماما بحرمتها ..
لكن ابليس يغلب أحيانا هههههههه
وصرت أسمع اغاني ..
لكن تعال معاي وشوف دور التربيه ..
صرت اخجل من أني اردد مقطع من اغنيه ع العلن ..
صرت اخجل من أن والدي يدري عني ..
صرت اتوتر وقت اروح مجلس طرب!
صرت انفر من الاشخاص اللي تكون الاغاني ماليه حياتها ..
صرت مستحيل اتكلم عن الاغاني مع اي شخص نهائيا ..
هنا كان دور التربيه ..
فتعال معي للطفل اللي يكون امام اهله امه وابوه ..
وفي مجتمع وخاصة الاماكن العامه ..
يجي يتلفظ مثل هذه الامور ..
وايش ردة فعل الابوين ؟
( هههههههه شيطون هالولد الله يهديه )!
عفواً ؟
انتوا مستانسين ع الكلام اللي ينقال ؟
ولا اقصى كلامهم :
( عيب يا بابا ما يصير )
ويضحك الطفل ضحكة شيطنه ويرجع يكرر هالموقف مره ثانيه لانه في النهايه عارف ان هالكلمه البارده هي اقصى رد فعل للأبوين!

طبعا هذا مجرد مثال من أمثلة التربية الخاطئه ..!
ولكن في أمور كثيييره الأبوين يخطأوا فيهآ في التربيه ..
باختصار صار الوضع مجرد تفريخ!
انا ابي ابن ابي بنت عشان احس اني أب أو أم لا لأجل التربيه!
يعني أقدر أقول أنهم يريدون يكونون مربين لكن لا يريدون أن يربون!
كيف تجي هذي ؟
كلكم راع وكلكم مسؤول عن رعيته !
الطفل هذا يا والدين من اول ما ينخلق ومن اول ما تنفث فيه الروح بداخل أحشاء الأم ومن لمآ وهو جنين هو مسؤول منكمآ ..
هو بذرة أنتوا لآزم تثمرونهآ صح ..
أحيانا وقت أنظر للمجتمع ..
ولمربيآت الأجيال المستقبليآت ..
وأللي بمثل عمري وأصغر مني وأكبر مني وصاروآ أمهآت ..
اجلس أفكر بيني وبين نفسي ..
اقول هذول كيف كذا ؟
هذول اهم أنفسهم يحتآجون لتربيه!
فكيف راح يربون ؟
يعني هل يقتصر دور الأب في البحث عن لقمة العيش وكذا كفى ووفى ؟
ولا هل دور الأم في التدريس وطبخ الغداء والعشآء والفطور وو ... وكذا أدت مهمتها على أكمل وجه ؟
ليش مو حنآ نربي أنفسنا على أننا نكون قآدرين على التربيه ؟
يعني وقت الطفل يكون جنين في بطن أمه يعتاد من وهو بهالعمر على سماع الكلمات القذره هذي من الأم إذا عصبت أو من الأب أو أو أو ..
فتتخزن في عقله الباطن ويسترجعها بعد الولاده بسنوات!

انا عندي أخ صغير ..
في الروضه الآن ..
مدمن أفلام كرتون!
مآحد في البيت بعمره ..
والوالده والوالد بالغالب بمثل الظروف اللي نمر فيها حالياً يكونون مشغولين ..
لكنه متعلق فيني بشكل مو طبيعي لدرجة كآن يناديني يمه هههه ..
أنصدمت لما استوعبت بعد فتره ..
ان اخوي هذا صار يقول مثل هذي الكلمات ..
وصرت اقول لازم اتدارك المشكله وابحث عن اسبابها ..
اول الاسباب كانت ( قنوات الافلام الكارتونيه السيئه اللي كان يتابعها وللأسف )
وثاني الأسباب كانت ( صديق له في الروضه علمه مثل هذي الكلمات )
ومره من المرات قال كلمه قويه صدمتني لان احنا بالبيت ما نقولها نهائيا ..
ومن فين تعلمها ؟
وهالكلام قبل الروضه؟؟
فرجعت بفكري لوقت كانت امي مره من المرات حامل ..
انا كنت متنرفزه ورفعت صوتي في وجود أمي على أخوي اللي أصغر مني بسنتين وقلت له هالكلمه > إللي أكلت ئتله عليهآ بعدين
ولما قرأت عن ان الطفل وقت يكون جنين في بطن امه في مرحله من المراحل يبدأ يسمع كل اللي يدور برا ..
ويتخزن في عقله الباطن ..
فصرت اوسوس اني انا السبب في تعليمه هالكلمه هههههههه ..
المهم كان أول اجراء لحل المشكله اني قلت لابوي يحذف القنوات البايخه ذي!
وكان صعب في البدايه كونه كان مدمن عليها ..
وصرت اعطيه وقت كبير لما ارجع من الجامعه ..
واسولف معه
واذا قال مثل هالكلمات هذي اعاقبه ..
وقلت له قول لصاحبك ان هالكلمات عيب ووو ...
شوي شوي الى ان بدأ يخف لسانه عن مثل ذي الأمور ..


فأستغرب احيانا من بعض الأمهات والاباء كون هذي الاشياء شي جدا عادي عنده!
ويتساهلها لهالدرجه لا بل ويرددها قدام ولده بعد!
بعدين يقول له عيب يابابا ؟
عيب عليك انت ..
ولا لما تجيك ادميه وتقولك والله انتي تقولي هذا الكلام لكن التطبيق صعب ..
طيب انتي ليه صرتي ام دامك عارفه ان التربيه صعبه ؟
والاب بعد ليه صرت أب وانت عارف ان التربيه صعبه ؟
اذا ماكنتوا قد المسؤوليه ليه تفلسفتوا وخلفتوا ؟
ليتكم نمتوا بس

لان من جد مثل ذولي الاطفال عاله ع المجتمع بعدين ..
ويخربون على غيرهم ..
والدليل انهم منتشرين الان وبقوه ...


والله ما اقول غير خلف الله على كل ام واب مو قد المسؤوليه ..
والله يعين اطفالهم ع كذآ تربية ..

وبآلنهآيه عذرآ ع الكلام اللي مو مرتب بس تحمست مره