 |
|
||||||
| ملتقى طلاب التعليم عن بعد جامعة الملك فيصل ملتقى التعليم عن بعد جامعة الملك فيصل انتساب ( الانتساب المطور ) ,منتدى النقاش التسجيل,البلاك بورد,التحويل انتظام,تسجيل المقررات,الاختبارات والنتائج. |
 |
|
|
أدوات الموضوع |
|
#1
2010- 1- 26
|
|||
|
|||
|
تعالو هنا لايصير فيكم مثل ما صار فيني
اليوم رحت وانا مذاكرة فقه السيرة و علم الاجتماع و ضاغطة نفسي وحالتي حالة على اساس الجدول القديم ،ما اكتشفت اني على الجدول القديم الا بالصدفة يوم رحت و في الامتحان وانا احل الا اسمع اللي جنبي مخلصة و تقول للمراقبة ابي اطلع خلصت المراقبة تقول لها لسه ما مر نص الوقت الا تقول البنت بكرة عندنا مادة صعبة النحو
عاد انا يوم سمعت كذا استغربت واقول في نفسي ايش فيها ؟ لسه باقي فترة ثانية الاجتماع ولا مخلصة مذاكرة وتبي تذاكر حق النحو من الحين قلت اكيد مافي الا كذا لما خلصت الامتحان واطلع واتوجه الى الكافتيريا على اساس اكل واتجهز حق الفترة الثانية و يمديني اصلي واراجع التعاريف بعدين .. دورت لي شي يتاكل وما يكون غالي ( مادري ايش فيها الاسعار زادت اللي كان بريال صار بريالين و اللي بثلاث صار بخمسة ) المهم دورت ما خف حمله ورخص ثمنه ومسكت لي زاوية وقعدت فيها الا اللي جنبي تسالني عن الساعة واخذتها فرصة اني القى واحدة اتكلم وياها عن الامتحان وسالتها كيف سوت في الامتحان وانشاء الله زين واخذ الحديث يدور بنا لما جبت انا طاري الاجتماع و سالتها اذا استعدت او لا هي طالعتني باستغراب وفتحت فاها وقطبت جبينها انا اتخرعت وقلت خير ان شاء الله وسالتها ايش فيه قالت اليوم ما علينا امتحان اجتماع قلت لها ها ؟ مو الفترة الثانية اجتماع ؟ قالت لا الاجتماع يوم السبت .. بعدين استدركت كانها اكتشفت شي وقالت اها انتي على الجدول القديم يمكن وفهمتني السالفة ... عاد في هاللحظة انا حمدت ربي الف مرة ان الايام اللي راحت الامتحانات كان الجدولين مطابقين لبعض صج ان الله ستر .... يارب لك الحمد وانا من اليوم ذابحة نفسي اذاكر في علم الاجتماع وصافطة فقه السيرة لاخر شي وانا اقول ليش المشاركات في الملتقى كلها عن فقه السيرة ولمه اشارك انا عن علم الاجتماع ولا احد يعطيني وجه  المهم اللي نستفيد من هذه التجربة يعني فقه هذي التجربة << للحين متاثرة بفقه السيرة ان مرة ثانية لا حد يقول جدول وبعدين يغيره ثانيا ننتبه بالنسبة لنا كل يوم اذا تغير الجدول حتى لو عشرين مرة لازم يوميا نشيك على الجدول حتى اخر يوم في الحياة قصدي في الامتحان ثالثا وين شركات حماية المستهلك عن الكافتيريا ؟ رابعا ان الله لطيف بعباده يرزق من يشاء بغير حساب خامسا اي واحد يسالك عن الساعة حاول تاخذ وتعطي وياه ترا عنده شي مفيد سادسا لا تصدق انه في احد بيشتط ويذاكر حق امتحان وهو لسه ما امتحن الامتحان اللي قبله مثل ما تشوفون الفقه المستفاد كثير واذا عندك اضافات ما نمانع التعديل الأخير تم بواسطة البريئه ; 2010- 1- 27 الساعة 10:51 AM 
|
|
2010- 1- 26
|
#2 |
|
أكـاديـمـي ذهـبـي
|
رد: تعالو هنا لايصير فيكم مثل ما صار فيني
هههههههههه بغيتي تتوهقين بس الله ستر ..المفروض كل يوم تشيكين على الجدول والبلاك بورد ,,,المهم بكره علينا النحو التطبيقي ....وسلامتك
|
|
|
|
2010- 1- 26
|
#3 |
|
أكـاديـمـي فـعّـال
|
رد: تعالو هنا لايصير فيكم مثل ما صار فيني
ههههههههههههههههههه
اهم شي لحد يجي جوعان من البيت الحمد الله انج مشيتي هاليومين على خير لو الجداول فيها اختلاف جان رحتي فيها انتبهي المره اليايه قلبوو وموفقه |
|
|
|
2010- 1- 26
|
#4 |
|
أكـاديـمـي ذهـبـي
|
رد: تعالو هنا لايصير فيكم مثل ما صار فيني
الحمدلله انك لحقتي واكتشفتي الجدول الصح
ويالله خيره لك ذاكرتي علم اجتماااع |
|
|
|
2010- 1- 26
|
#5 |
|
أكـاديـمـي ألـمـاسـي
|
رد: تعالو هنا لايصير فيكم مثل ما صار فيني
انتي ليش ماشفتي اكثر من موضوع عن تغير الجدول يعني
اسمحيلي هذا اهمال منك |
|
|
|
2010- 1- 26
|
#6 |
|
أكـاديـمـي مـشـارك
|
رد: تعالو هنا لايصير فيكم مثل ما صار فيني
هههههههههههههههههههههههههههههههههههههه
حلوه هالقصه هذي شوفي الغلط هو غلطتك لانك ماشفتي ووش التغيرات الي صارت بالجدول مع العلم انهم قالوه بالجامعه وهنا وبكل مكان ف الواحد لازم يحرص على الاخبار الجديده الي تصير بالجامعه واخر المستجدات الي تحصل هذا اولا ثانيا سيدتي انتي الحين فزتي علينا كلنا انه ذاكرتي علم الاجتمااع قبلنا كلنا يعني في ليلة الاختبار مرتاحه بالمذاكره وبس عندك مراجعه واحنا الي راح نتعب بالمذاكره ف هذي بحد ذاتها تعتبرين فايزه علينا ثالثا لازم تحطين لك صداقات وزميلات تكلمينهم ويكلمونك باستمرار يعلمونك عن المستجدات ويفضل من نفس تخصصك المعرفه في كل الاحوال زينه تقبلي تحياتي وتعيشين وتاخذين غيرها حكمه لاتنسينها ترا ابونا اداام خسر الجنه بأسباب تفاحه وهذي حكمه من رب العالمين المهم دوري الخيره في الامر يمكن انه خيره لك |
|
|
|
2010- 1- 26
|
#7 |
|
أكـاديـمـي فـضـي
|
رد: تعالو هنا لايصير فيكم مثل ما صار فيني
اللي يقولون ان غلطتي واني ما شفت
انا اذكر اني شفت ونزلت اخر جدول اللي كان مكتوب ان هذا اخر جدول او الجدول النهائي هذا هو اللي نزلته ومن البلاك بورد بعد  بس مادري الا اذا غيروه بعدين مرة ثالثة |
|
|
|
2010- 1- 26
|
#8 |
|
أكـاديـمـي ألـمـاسـي
|
رد: تعالو هنا لايصير فيكم مثل ما صار فيني
اختي انا ارسلتلك الجدول رساله خاصه
|
|
|
|
2010- 1- 26
|
#9 |
|
أكـاديـمـي مـشـارك
|
رد: تعالو هنا لايصير فيكم مثل ما صار فيني
معليه ياقلبي تعيشي وتاكلي غيرها ههههههههههههههههههههههههههههه والله بلوتج اهون من بلوتي بكثير يالبى قلبج والحمد الله عدت ع خير
|
|
|
|
2010- 1- 26
|
#10 |
|
أكـاديـمـي ألـمـاسـي
|
رد: تعالو هنا لايصير فيكم مثل ما صار فيني
 ياااااااااقلبي انتي... احمدي ربك عدت على خيـــــــــر.... والحمدللهـ عالاقل افكيتي من علم الاجتمااع... موووفقه قلبووو.... |
|
|
|
| مواقع النشر (المفضلة) |
| الكلمات الدلالية (Tags) |
| مايصير, مثل, تعالو, صار, فيني, فيكم, هنا |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| تعالو ادخلو ابي اعطيكم شحن جوااااال تعالو ... | هوى روحي | ملتقى طلاب التعليم عن بعد جامعة الملك فيصل | 21 | 2010- 1- 17 08:34 PM |
