بالنسبة لموضوع _ الصديقآت والزميلات _
بالجامعة راح تشوفين بنات أشكال وأنواع !
أكيد فيه الزين وفيه الشين ~
نصيحة : لا تصادقين أي وحدة . ليه ؟ لأنك بكل بساطة ماتعرفينها
ممكن البنت زينة ممكن شينة ممكن توديك بستين داهية
بالعربي لاتثقين بأي أحد بالجامعة

طبعاً فيه بنات كفؤ ويستآهلون الصداقة بس القصد إنو _ جربي البنت قبل تثقين فيها وتعلمينها كل شي عنك
إبعدي عن :
_ البويات ( لا تقربين منهم ابد سوي نفسك ماتشوفينهم وراح تسلمين من شرهم )
_ اللي جاية الكلية بميك آب ولا تسريحة عرس بإختصار _ الفآشن _ اللي جاية الكلية تستعرض لبسها وشعرها

هذول مو حقين درآسة أبداً أبداً أبداً ، لاتقولين بصادقهم وماعلي منهم !
تذكري : الصآحب سآحب وهالشي رآح يأثر عليك

لاتثقين بأي بنت تقول لك أبغى كتابك باخذه معي البيت للأسف نص بنات الجامعة _ للمصلحة !
قولي لها اذا تبين شي خذيه الحين وانا واقفة
ولاتعطين أحد كتابك اذا كان قريب الاختبار تكثر النكبات في هالوقت

طبعاً أنا ما اقول لاتعطين أحد أبداً بس في بنات ماتعرفينهم فجأه يجون يبون كتابك ! طبعا لاتعطينها لانها ممكن ماترجعه واذا بتعطيها خذي رقمها

_ احضري المحاضرة بوقتها لاتتأخرين .
_ اجلسي بالصفوف الأمامية عشان تستوعبين المحاضرة ، لأنك لو جلستي ورآ ماراح تستوعبين شي
_ لاتغيبين كثير ولاتقولين بحلل الغيابات اللي باقي لي بالمادة لأنو كل غياب راح ينخصم من درجاتك ، وكله يأثر ع معدلك .
_ شآركي مع الدكتور/ة بالمحاضرة < درجات المشاركة تفيد كثير
_ سوي بحوثك ومشاريعك كلهآ بدري ومن أول السمستر عشان مآيتراكمون عليك بآخر السمستر وتتوهقين
_ لمآ تدخل معاك بنت ببحث أو مشروع وماتشتغل معك ؟ بكل بساطة اعطي الدكتورة خبر
_ لمآ تلبسين شي مخآلف ويجونك الأمن يعطونك مخالفة شتسوين ؟ بكل بسآطة لاتجادلينهم وقعي المخالفة وخلاص عشآن مآيسوون لك سآلفة
_ لمآ تشوفين هوشة أو شي صاير إبعدي
_ ابعدي عن الغش بانواعه ذاكري لا تغشين ولا تغششين احد ! خصوصا اول سنة ترا مواد اول سنة سهلة ويمديك تجيبين معدل عالي وبقوة ، اذا طاحوا عليك غاشة ولا مغششة احد راح يلغى اختبارك واحتمال ينزل لك حرمان بالمادة يعني F ! يعني راسبة

تقريباً هذا اللي ببالي الحين ان شاء الله بس اذكر شي اكتبه لكم