 |
|
||||||
| ملتقى الفنون الأدبية شعر,نثر,خواطر,قصص,روايات وجميع الفنون الادبية |
 |
|
|
أدوات الموضوع |
|
#1
2014- 7- 20
|
|||
|
|||
|
يا لحون العود
يالحون العود والا يامجارير الربابه …. إختلف معنى القصيد وضيّع الفنان فنه حلم مدري علم مدري نوض برقٍ في سحابه ….. أثرها طلّة جبينه يوم زاح الليل عنّه أقبلت مثل الفرس لا سمعت طبول الحرابه ...... مقتفيها ليلٍ أسود والنجوم يفرّقنّه النهار يمر ويعدّي وليله في عقابه ...... النحر صبحٍ تجلّى والجدايل كنّهنّه مخملٍ يلتفّ فوق الجيد الأتلع بالنيابه ...... عن سلاسيل الذهب والماس خوف يجرّحنّه غاب عنّي والوله خلاّه عندي في غيابه ...... مادرى ان فرقاه نار ولا درى ان لاماه جنّه ياوجودي وجد من صفّق على ماضي شبابه ..... بان شيبه والسنين اللي يبيهن خالفنّه غرّته خضر السنين وراح عمره مادرى به ......غرّرنّه وارفعنّه لين سجّ وحولنّه وياوجودي وجد عودٍ لا عيال ولا قرابه ..... ماجداه إلا يونّ ويردف الونّه بونّه مالقى فزعة رفيق ولا دعاةٍ مستجابه ...... كلّ ماامسى له بظنّ خيّبت الايام ظنّه هذا وجدي في غياب اللي نزح والله جابه ...... صح فرض الله فرض وسنّة المرسول سنّه الغلا جسمٍ رقيق ومرهف احساسي ثيابه ..... مثل غصن الورد يوم الهبايب يطرقنّه مازرعت إلا غلاه ولا نقلت إلا صوابه ...... والحشا ماضاق من خضر الطعون المستكنّه ياحبيبي مازها كفّ الخضاب إلا خضابه ...... فيه نظم المفردات وفيه للعشّاق عنّه الظبي ماله شبيه وبينك وبينه تشابه …… إلتفت بشويش وألقى فيه منك وفيك منّه خالقك من فضّل محمد على كلّ الصحابه …… وسخّرك مثل المهار اللي تسخّرها الأعنّه والثنا والشكر للي رحمته تسبق عذابه ...... لا لخلق الله شكر ولا لخلق الله منّه قاله اللي ماخذا مما يريد إلا هبابه ....... خيرة الفارس ثنيّة خيل صفراً مستعنّه للشاعر/ سلطان بن وسام 
|
|
2014- 7- 20
|
#2 |
|
المشرفة العامة سابقاً
ملتقى الفنون الأدبية 
|
رد: يا لحون العود
_
قصيدَه جميله بقافيَه صعبه كلمات وتصورات رائعه من الشاعر سلطان صح لسانه واعتلا مقامك ع النقل أختيار جيد أخوي كل الشكر لك |
|
|
|
2014- 7- 20
|
#3 |
|
متميز بملتقى الفنون الأدبية
|
رد: يا لحون العود
يطول لي عمرك على مرورك لا خلا ولا عدم
وعلى قولك اختي رحاب قافية صعبه وتصورات رائعة واسم الشاعر سلطان لكل امرئ من اسمه نصيب .gif "(291)")
|
|
|
|
2014- 7- 23
|
#4 |
|
مشرف عام سابقاً
|
رد: يا لحون العود
،،
قصيدة جميلة من الشاعر / سلطان الهاجري و بها من التشبيهات و الصور الإبداعية الشئ الكثير أنتقاء يدل على ذوق [ سلطان ] و نقل رآآآآآئع لآهنت ،،، . |
|
|
|
2014- 7- 24
|
#5 |
|
متميز بملتقى الفنون الأدبية
|
رد: يا لحون العود
يطول لي بأعماركم جميعا لا خلا ولا عدم
|
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| كتاب : ��أنا وأخواتها ..(سلمان العودة) | إيثاار | مكتبة الملتقى | 19 | 2014- 6- 3 09:53 PM |
| نحن نفكر في الناس دائما | ذكرياتي تحتويني | ملتقى المواضيع العامة | 19 | 2014- 2- 19 12:28 PM |
| اذا نصحت احد يترك معصيه كان رده اكثر الناس تفعل | ذكرياتي تحتويني | ملتقى المواضيع العامة | 30 | 2014- 1- 29 10:58 PM |
| أقطع علاقتك بالناس عند اتصالك برب الناس | زمن الذكريات | ملتقى المواضيع العامة | 10 | 2014- 1- 17 11:56 PM |
| [ شعر ] : دنيا غربية وأكثر الناس ماشين | Khaled.k | ملتقى الفنون الأدبية | 66 | 2014- 1- 16 04:51 PM |
