 |
|
||||||
| ملتقى الفنون الأدبية شعر,نثر,خواطر,قصص,روايات وجميع الفنون الادبية |
 |
|
|
أدوات الموضوع |
|
#1
2007- 9- 8
|
||||
|
||||
مقتطفات ,,
((انسان اكثر)) إنسان اكثر..يعني مني اكثر؟؟ انت منت انسان اكثر قلبي مو من قلبك اصغر ومثل ماتشعر تاكد اني اشعر فيني منك وفيك مني غصب عنك وغصب عني التقينا واللقا قسمه مقــّدر هان طعن السيف ولا طعن الكلام من حبيب اللي وسط حبي ينام مالي غيرك وما لك الا انا حبايب يكرهك نصفي ونصفي فيك ذايب الهوى غلاب وامر الله غالب الزمك طول العمر لا اجي ولا اروح كني مقيـــّد وقيدي مو سلاسل قيدي اخلاص ووفا والا انت قايل لو يقوم الكون تخسف بي زلازل ما احرك ساكن بك مير مسموح هان طعن السيف ولا طعن الكلام من حبيب اللي وسط حبي ينام ((أحسبي جروحك)) تعالى وإحسبى جروحك وسط قلبى جرح جرح جرح جرح واذا مليتى من همى تعالى نرتب جرحك وسط قلبى جرح جرح جرح جرح كثيره جروك بقلبى انا مليت واحسبهم ولا وصًـلت للآخر كثيره صح ...؟؟؟ لاتخافين انا ماجيت ابى منك تداوينى ولا والله ولا ابى منك تواسينى انا كل الى تمنيته اوريلك ... جروحك واحسبيهم صح جرح جرح تدرين ليه احبك؟ لأني احسك الدرب لإحساسي وانا اللي عطيت لأحلامنا القوه وخليتك الشوق والغنوه لكل عاشق عرف الحب بس لو ماحبك....!!! صدقيني فقد عمره عرفتي ليه احبك؟؟ عرفتي ليه قبلت الجروح منك؟ لاتخافين انا ماجيت ابى منك تداوينى ولا والله ولا ابى منك تواسينى انا كل الى تمنيته اوريلك ... جروحك واحسبيهم صح جرح جرح ((آنا آسف)) وشلون اقول ان انتي غير؟؟ وشلون اقول... إن انتي تغرين النوارس بالغرق بذاك البحرالأزرق الفاتح وشلون تغرين الرصاص إنه يحب ويصافح وشلون تغرين الشتا.. إنه يــّّّّّّّّّدفي ريشه الطير وشلون بعيونك مساي دايم مساء الخير وشلون اقول إن انتي غير؟؟ غير كل البنات وشلون اخلي الحكي عنك طعم سكر نبات اشلون الغي هالدنيا واخليك انتي كل الحياة اشلون اخلي حتى الحروف تنحني لك عروش وبصوتي صلات واشلون اصّحيــك وماتصحا عصافير الفجر؟ احبك احبك احبك إنتي ماتدرين من انتي...!!! لو كنتي ماتدرين.. اني كنت من غيرك حزين ما الومك... لو كنتي ماتدرين انك يوم جيتي كنت بكل بياض احتريك وانتظر احملها همومك لو كنتي ماتدرين... كان عطرك يشعل الدنيا حرايق كان يعيد هيكله الكلام كان يغزل من تفاصيل الرغبه شعور واحساس وغرام وانا كنت باااااااارد وشاااااااارد الين مرني عطرك ولمس ايدي في برد وسلام لكن ما اشعل ثيابي ولا علــّـق اهدابي واحرمها المنام ماطيـــّر من ايدي الفراااااش ولا مـــّوت وروود الحــب ولا صلبني بين حلال وحرام مــّر عطرك ولمس ايديني بسلام احبك احبببك احببببببببك ياللي ضحكتك مثل وجه شمس دنية عيونك اسحرتني وصارت لروحي تلامس تذكرين يوم انك زعلتي.. كان وجهي بداخلي قطعه من فحم يابس في كفوف الصبر حزني كان عابس كان حابس خلف الفرح عمري كنت محبط منكسر وانتي ماتدرين ((وش فيني؟؟؟)) انت وينك من همومي انت اصعب من صعب يومي انت هم ما يلتم انت بعروقي حريق ومشى بالدم ولو اغيب عن عذابك تجيني وتسالني ويني ليه غايب عن عيني وتقولي بشغف وشفيك؟؟ تسالني وش فيني؟ يعني انت ماتدري وش فيني تاخذ سنيني وتروح وتملي هالدنيا جروح وفجأءه تناديني وتجيني تبي تعرف انا وش فيني؟؟ يأخي حس يأخي افهم انت جرح ما تـنــلم شوف السواد اللي تحت عيني وملامح صورتي عندك وكثر العذاب اللي ملا سنيني وانشغالي وحيرتي بعدك يعني انت ماعندك خبر؟ والا انت قلبك من حجر وإلا جروحي منك صار عادي تذبح وكأنه شي من عمرك عبر جيتك والخطاوي شوق خطوه تسبق الخطوه واحساس الفرح مخنوق والشكوه إهي الشكوه ونساني النوم بغيابك وليلي بالسهر طــّول وعيني واقفه بباك مع طيفك تبي ترحل وانا مثلها برحل تعبت اتحمل عذابك انت فاهم الحب يعني شلونك حبيبي وشخبارك؟!!! ولا تهتم ابد بشعوري ولما ترتاح تنساني وتبي تكون على بالي واقضي عمر بنتظارك بس الحب عندي انك تكون تحتويني من ظلام هالكون اكون معاك وتكون ظلي مو تجرح وتهــمــلني ولو تجي مكسور انا اضمك ولو تفرح بيوم تعذبني ليه يصير كل هذا؟ عشاني احبك وما اتمادا يعني هذا الحب هو عندك؟ يأخي حس يأخي افهم انت جرح ما تــنــلم شوف السواد اللي تحت عيني وملامح صورتي عندك وكثر العذاب اللي ملا سنيني بتعرف وقتها وش فيني ((انسان ضايع)) ماهو كل من راح راجع خلى الى فى قلبى ..... فــــ قلبى لاتقلبين المواجع لاتقلبين المواجع رحت كلـًى كنت امشى والتفتلك صرت امشى .... والتفتلى وان عرفتى الفرق نادى بالمدينه يــــا مديـنه من لمح انسان ضايع ياشعورى بالتعب ياتعب هذا الشعور ودعتك وكلى فرح رديتلك مكسور تسامحنى ....!!! لو قـلتـلك ان النهار الى بداخـلنا ... طفا او قلتلك ان الفجر مثل التعب فينى ... غفا تسامحنى ....!!! لو تدرى انى برحلتى لاماخسرت ... الا الوفا اوتدرى ان هذا الحبر بعضه مرض ... بعضه شفا وتسأليني إذا حنيت ؟ ..... وتسأليني إذا ناديت ؟ تصدقي لو بقول إني ....... من اللهفة لك أنا إنجنيت ! شوفينى يمكن صرت اصفر من كثر مانسيتينى بجيوبك شوفينى يمكن صرت ازرق من كثر ماكتبتينى وشطبتينى ونسيتينى على ثوبك يمكن رحلت وماسأل عنى احد يمكن رجعت ومادرى عنى احد بذكرياتى بالحنين !! بالحنين !! بالحنين !! فى حزن طفل يمشي اسألى عنى السنين يمكن انا للحيـــــن فى وسيله حب عايش اذكر انى بيومها كنت اناديلك ... انتي وحدك عذابي انتي وحدك بلادي دورينى اسالى كل شى عنى اسالى عنى الكتابه اسالى عنى الكآبه دورينى بالحقيقه ولا لحظه ...!!!! دورينى بالخيال بالفراق الى انتمنا فيه لو لحظه وصال بالدعاء الى نقوله اسالى كل الدروب السكوت الى يتـطاير ... من بكا الاطفال اسالى عنى الشوارع اسالى عنى المدامع وان تعبتى ومالقيتى نادى فى وسط المدينه باعلى صوتك يــــــا مديــــــنه يـــــــا مد يـــــــنه من لمح انسان ضايع من لمح انسان ضايع كذا اسهل بدال لااضايق احبابك قبل لا يكثر غيابك قبل لا تقولها بغرور ويفرح غيري بدموعي وتقفل بوجهي ابوابك ((أعجز وابيك)) من كثر ماأحبك أنا...أقسى عليك أقسى عليك أسرّب نجومك من أبراج السما للشيح وأهرّب إيدينك من قلوب الحمام للمنطفي من شعر ومصابيح وأكّـسر مزهريتك وأنثر عطر ورودها للريح ليه أنا..أقسى عليك..؟ وأوادعك وقت اللقا ووقت الوداع أشـــرّع أبواب المدى لدرووووب عيّت تستريح ليه بس أقسى عليك؟ وأسكن عيونك ...دمعتين وشمعتك..ليل وضحكتك..تجريح؟ من كثر ماأحبك؟ أذكر إنى قلت لك الزمن بيننا حايل من كثر ماأشتاقلك أنا أنسى وأجيك ويومها تركت بيدينك بقايا دموعك وكحلك السايل وعذرٍ يشبه عيونى...ضريح أنا ليه بس أقسى عليك؟ أدرى إنى حيييييييييييل أحبك وأدرى إنى بأنكسر لو رحت وأذبل مثل أغانى ماتخضّر مثل دهشه ماتشجّر مثل جمره ترتجى فى شتاها المر نار مثل عصفور يدوّر له فضا ويشوف كل الكون بجناحينه سوار مثل طفل كبر عمره وبرق حلمه وخانه الزمن بلحظه غدر وكل حلمه إنهاار مثل سفينه نوح اللي بحرت بالروح وحطمها الإعصار أنا ليه أقسى عليك؟ ليه أكذب بعذري وأقول ما احبك ما ابيك ومن كثر ماأشتاقلك أنسى أنسى لحظتها نفسي وأجيك ومن كثر ماأحتاجك أعجز أعترف إنى أبيك احبك حب ماعرف الحب يضمه احبك حب اكثر من الرضيع لأمه اكثر من امان لو وصل بليل مخيف واكثر من ربيع يلغي كل احزان الخريف وانسى لحظتها احزاني واجيك واعترف اني ابييييييييك ابيك ابيك ابيك من كلمات (( الناصر ))
إخترت لكم مقاطع منهاا ... إن شا ءالله تعجبكم ... 
|
|
2007- 9- 8
|
#2 |
|
أكـاديـمـي نــشـط
|
رد: مقتطفات ,,
:praying: :praying:
سلمت يدى من كتبها ومن نقلها ودمت لنا بخير |
|
|
|
2007- 9- 8
|
#3 |
|
:: مــشرفـة سـابـقـة :: 
|
رد: مقتطفات ,,
سلم مرورك الرائع تسلم ,,منور كالعادة ,,
|
|
|
|
2007- 9- 9
|
#4 |
|
أكـاديـمـي نــشـط
|
رد: مقتطفات ,,
الله يسلمك
|
|
|
|
| مواقع النشر (المفضلة) |
| الكلمات الدلالية (Tags) |
| مقتطفات |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
