|
ملتقى الفنون الأدبية شعر,نثر,خواطر,قصص,روايات وجميع الفنون الادبية |
|
أدوات الموضوع |
#1
|
||||
|
||||
عشر الوصايا
عشر الوصايا
أبي يقول اسمع وصاتي وانا ابيك عشر وصايا قادحه من شراره من تجربه الدنيا وجردن مهاليك لقا بها الافراح عقب المراره الاوله طيب النبى في ملاقيك حافظ عليه ولا تنقص عياره لاتغض عينك لاتكلم محاكيك عطه على جوه وقدر وقاره والثانيه من جاك زابن وناصيك قله احرست ودارك تصير داره وان صاح ابن عمك فلا تقول وشفيك افزع معه واصمد على كل غاره والثالثه خوة اهل الطيب تغنيك والا ضعيفين الروابع خساره ومن يضحك بوجهك وهو ما يدانيك كبه وخله يحترق وسط ناره والرابعه لا حُزت نصرك بأياديك اقنع بنصرك لاتعاود مساره لاتومي بنفسك بدرب المهاليك مشين على الرجال كون انكساره والخامسه خابرك وانا مربيك ماينفعك كثر اللعب والدواره قلط ربوعك مجلسك يوم تأتيك وخل الدخون يدور داير مداره والسادسه رفيقك اللي يخاويك سافر معه وتعرف ماكر حراره اما رفيقن في مماشيه يحييك والا تغير وجهتك عن مساره والسابعه سرك يميتك ويحييك عليك باالكتمان تاره وتاره افشاء سرك عند من لايراعيك مايرفع البنيان عقب انهياره والثامنه من قبل لا اقول واوصيك لا خير في جارن ماهو يحب جاره جارك عطه روحك وما تملك اياديك ركد له الدله وشب المناره والتاسعه لو يغلط بحقك اخيك خذها بشحم وارفع مع الناس كاره علمه ترى علمك وطاريه طاريك عليك به لو كان ماله جداره والعاشره حب الهوى جعل مايجيك وان جاك فاللطف به وصونه وداره يومن بيضحك بك ويومن بيبكيك وياعزتي لك لاتعدى الستاره واللي عن العشر الوصايا بيغنيك عمود دين ونور درب ومناره ترى الصلاه وبس هي من تنجيك واللي ماهو يصلي حياته خساره :: كلمآت الشآعر المبدع: حمد البريدي التعديل الأخير تم بواسطة شوق@ ; 2014- 9- 13 الساعة 03:29 PM |
2014- 9- 13 | #2 |
متميزة بملتقى الطلاب والطالبات الترفيهي
|
رد: عشر الوصايا
ابيات جميله حملت في مضمونها دُرر
ابدعتي شوق ي ذوق |
2014- 9- 13 | #3 |
متميزة بملتقى الطلاب والطالبات الترفيهي
|
رد: عشر الوصايا
|
2014- 9- 13 | #4 |
Banned
|
رد: عشر الوصايا
الاوله طيب النبى في ملاقيك حافظ عليه ولا تنقص عياره صلى الله عليه وسلم وحافظ عليه ولا تنقص عياره والثالثه خوة اهل الطيب تغنيك والا ضعيفين الروابع خساره نعم خوة الطيبين أكبر غنيمه ومن يضحك بوجهك وهو ما يدانيك كبه وخله يحترق وسط ناره ي الله كبه وخله بحاله والعاشره حب الهوى جعل مايجيك وان جاك فاللطف به وصونه وداره عسى الله يحفظنا وإياكم من شر الهوى واللي عن العشر الوصايا بيغنيك عمود دين ونور درب ومناره أجمل وصيه ترى الصلاه وبس هي من تنجيك واللي ماهو يصلي حياته خساره نعم اللي ماهو يصلي حياته خساره درر وجمالْ وروعه وبنزل منها بمدونتي + المفضلة وتسلم يمينك ي شوق المتميزة وتستحقين أحلى تقييم |
2014- 9- 13 | #5 |
متميزة بإدارة أعمال
|
رد: عشر الوصايا
جميله الوصايا
يعطيك العافيه |
2014- 9- 13 | #6 |
متميز في قسم مستوى ثامن اداره اعمال
|
رد: عشر الوصايا
قصيدة جميلة لاهنتي شوق على هذا النقل .....................
|
2014- 9- 13 | #7 |
متميزة بالفنون الأدبية
|
رد: عشر الوصايا
أنتقيتــــــــي فأبدعتــــــــــي،،
ذاائقه فيهاا من الدرر الثمينه،، أنار الله دربك ب السعادهـ،، لك كل الود ،، كل الشكر Khaled.k ع التنبيه |
2014- 9- 13 | #8 |
متميزة في قسم حواء
|
رد: عشر الوصايا
أبيات جميله ومضمون قيم شوق
إنتقاء وفقتي فيه أختي مشكوره على الدعوه تقبلي تقديري لك +تقييم |
2014- 9- 13 | #9 |
أكـاديـمـي ألـمـاسـي
|
رد: عشر الوصايا
جميل جميل
صح لسان شاعرها ويدينتس جعلها تسلم انتقاء جميل احترامي ..! |
2014- 9- 13 | #10 |
المشرفة العامة سابقاً
ملتقى الفنون الأدبية |
رد: عشر الوصايا
_
كنَز قيم لايقدره الجميع قصيده بمضمون متميز ووصايا رائَعه وياحظ من اتبع هالوصايا حرف حرف صح بوح الشاعر حمد وسلمت شوق على النقلات الطيبه مجهود طيب منك غلاتي يعطيتس ربي الف عافيه ودي لك ~ |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|