هذا الزمن اللي يسمون معكوس
يقبل بنا ويقفي بنا دوم بالعكس
فيه الخلايق بين عافس ومعفوس
والاكثريه فيه تشتكي مرض نفس
صابه جفاف وصاحبه قحط ويبوس
والغصن الأخضر من جفاف الثرى يبس
كل يشك انه من الحظ منحوس
يا شين وقت صابه الشؤم والنحس
فيه الوفاء أصبح بالأقدام مرفوس
وصفاء النفوس أبعد علينا من الشمس
فيه المرض كاثر وبه شابت الروس
سريع ما به فرق واليوم مثل أمس
ولا تعلمنا من أحداثه دروس
شيء يشاف وشي بالقلب ينحس
نعم نعم زماننا صار معكوس
والطف بنا يا العالم بخافي النفوس