-

صبآحكمْ .. مسآئكمْ /
طوقٌ من آلسععآدهْ ’ يلتفُ حولَ أعنآقِكُم ..
رآقتْ ليْ إحدىَ قصآئدَ الشآعرْ آلعذبْ ..
[ محمد آلوسميْ ] .. فلم أبخل بهـآ عليكمْ ..


-

يسري بنا الليل .. لانادت مواجعنا .. ]
ويفرح بنا الهم .. لاماتت امانينـــا .. ]

اغراب .. والحزن فالغربـــه يجمّعنا .. ]
اجساد نمشي .. وتــتبعنا خطاوينا .. ]

كان الأمل في ظـــلام الوقت يزرعنا .. ]
لين الليالي .. تجي بالياس تجنينا .. ]

كنّا نعــلّـم جــروح الوقــت تــــــوجـعـنا .. ]
والحزن .. كنــــا نــناديه وينادينــــا .. ]

نكتب : طــريق الموادع ما يرجعنا .. ]
نقرأ : طريق المـــــوادع ما يــودينا .. ]

نبعد عن الهم .. نلقى الهم يتبعنا .. ]
من وين نبعد .. نلاقي همنا فيــنا .. ]

كنّا .. و هالحين كنّا وش بتـــــنفعنا .. ]
نادى الرحيل و سرق دربه خطاوينا .. ]

رحنا ورى الحب لين الحب ضيّعنا .. ]
مدري نسينا الزمن .. و الا تناسينا !!

الين عشنا بلا صوره ولا مــــــعنى .. ]
ارواح .. تشـــــبه لنا ظلمة ليالينا .. ]

و اليوم .. ما عاد باقي شي يجمعنا .. ]
الا الوجع و الضياع وحزن ماضينا .. ]




على كثر ما حلمنا .. ما توقعـــــنا .. ]
ينسى الزمن كيف كنا يوم حبينا .. ]

شكراً .. لأحساسنا اللي كان يخدعنا .. ]
شكراً لوقتٍ خذانا .. قبل يعـــــــطينا .. ]

شكراً لعمــــرٍ تركنا .. قبل يسمـــــعنا .. ]
شكراً لأيامنا .. اللي جت توصـــينا .. ]

شكراً لأحــلامنا اللـــي وقـــــفّت معنا .. ]
شكراً لأحزاننا .. شكراً لأغــــانــــينا .. ]

بكـــت لنا الارض يوم انّا توادعنا .. ]
لأن الارض احــضنـتـنا يوم حبينا .. ]



سُولآفْ .