اولا : معرفي القديم نسيت الباس لحد يطيرني بالعجة ويقول إني كاتب مأجور

ثانيا : فيه تساؤل لعمادة التعليم عن بعد , يعني معقولة من دخلنا الجامعة وحنا نشوف استياء الطلبة من اسلوب الجيزاوي , خلونا نقول اسلوب الجيزاوي وليس الجيزاوي لشخصه , اقول معقولة كل هالمناشدات والمطالبات والانتقادات من الطلبة ما وصلت لسعادتهم ؟!!! يذكرني هالشي بمقولة الراتب ما يكفي الحاجة.

يا دكتور عبدالله .. حنا طلبة عن بعد ودراستنا فيما اعتقد من اهم متطلباتها الفهم وليس الحفظ , يعني لاصار عندك موضوع فيه ثمانية مبادئ , يفترض تكون الاسئلة عن تعاريف هذي المبادئ , وليس عددها , فإذا كان المحتوى في كل محاضرة موضوعين اوثلاثة كلها فقرات هل من المفترض ان احفظ اعداد الفقرات او الأهم ان افهم ما تعنيه هذي الفقرات !!!!
مبادئ مدري وشو كم عددها
اجراءات مدري وشو كم عددها
اساليب مدري وشو عم عددها ... عدوا عظام العدو قل آمين .
لا والسؤال اللي عن تعريف التفاوض , بالله يا دكتور يعني خلص المنهج عشان تجيب ثلاثة اسئلة ورا بعض كلها تعريف للتفاوض , انا والله جاوبت الاول واخترت تفاوض واللي بعده شكيت فيه واللي بعدهم شكيت فيه , بس قلت مستحيل يجيب ثلاثة اسئلة متتالية لنفس الكلمة , ما شاء الله عليه فهلوي اوي .

احترامي للحرامي