السلام عليكم ورحمه الله وبركااته

طبعا اليوم سويت لكم ملف بالاكسل قعدت عليه تقريبا يوم عشان يطلع بالشكل المطلوب وهذا طبعا قليل في حق المنتدى واعضائه الي ماقصرو معنا من المستوى الاول الى المستوى الثالث

فحبيت اني اسوي وأقدم شي ولو بالقليل

الشرح مفصل شوي لناس الي فهمها ثقيل شوي <<




نبدا ،،

نبذه عن الملف

1- من خلال الملف راح ترتب خطتك وراح تعرف إذا كنت ستواجه ايام تعارض في المستقبل أو أيام اختبارات متتالية لديك. ( هذي بتفيد طبعا الناس الي حاملين المواد او متاخرين فيها)

2- تستطيع معرفه عدد المواد والساعات المتبقيه لك والمواد المجتازه وكم باقي لك من عدد الساعات والمواد

3- وكذلك راح تعرف متى يوم الاختبار واي فتره راح تكون (الفتره الاولى او الثانية )

وبصرااحه انا توني الحين بديت امشي صح وعرفت انا وين متجه (بعد ماسويت هذا الملف طبعا)

طبعا الملف ما يحتاج له شرح كل الي عليك فقط تسويه (اذا استجد اي تحديث للمواد من الجامعه او تواريخ الاختبارات ، فقط قم بتحديثها انت عندك بالملف ) نادر مراح يكون فيه تعديل لاكن عشان تكون بالصوره فقط .


( أولاً) - كيف تعرف الماده الي خلصتها وكم ساعه خلصت وكم باقي لك .؟

شوفو الصوره اسفل ( هذي المواد والساعات الي عديتها )



المواد الي عديتها حط عدد ساعاتها ( 0 صفر ) عشان تحسب لك كم خلصت ساعه ( وكذلك عطها لون من عندك عشان تعرف انك خلصت هالماده ) نفس ما انا سويت

( ثانياً ) - كيف تعرف متى اختبارك و اي فتره .؟

تواريخ الاختبارات الي حطيتها ماخذها من التقويم الزمني للجامعه (اذا صار اي تغير في التاريخ ) لابد تغيره التاريخ عندك .




لاحضو بعد مافلترت مواد المستوى الرابع فقط وهي المواد الي راح ندرسها ان شاء لله

لو اخذنا مثلا مادة الموارد البشريه راح تكون في يوم الاربعاء 06/05/2015 الفتره الأولى نفس ماتلاحضون بالصوره .

.

.
( ثـــالثاً ) - *هذي اهــم نقطه * وهو كيف ترتب خطتك او جدولك او كيف تعرف إذا كنت ستواجه ايام تعارض في المستقبل أو أيام اختبارات متتالية لديك..؟

شوفو الصوره الاولى فوق مثلا لو اخذنا مادة (مبادئ المحاسبه2 ) الي بالاصفر هذي

المادة ماعديتها ,,لو وضعتها في (المستوى الرابع) الي حنا فيه الان بيصير تضارب مع ماده الاساليب الكمية


وكذالك مثلا مادة الرياضيات لو نزلتها في المستوى الخامس راح تكون عندي ايام ممتالية

يعني راح تكون مادة الرياضيات يوم الاربعاء ومادة إدارة الاعمال الاكترونية يوم الخميس .

في حال نقلك لاي مادة معينه لمستوى اخر لاتنسى نقل عدد الساعات معها ووضع مكانها 0

مع مراعاة عدد الساعات المسموحه لك انك تاخذها


فقط هذي امثله عشان تفهمون الفكره والطريقه وعشان تعرفون كيف ممكن تتفادون تعارض المواد او ايام متتالية اذا كنت ماتبي . (لان كل ما مشينا ترم زاد الضغط اذا كانت عليك مواد حملها )


اتمنى الشرح كان مفهووم واعتذر عن الاطاله

واي سؤال انا حاضر

ودعواتكم لنا بالتوفيق

(ما كان فيه من صواب فمن الله وحده وما كان فيه من خطأ فمني ومن الشيطان).

لتحميل