أترامى

هذي عاداتي

في كل العمر مره .. أترامى ..

وصدقيني في حياتي ..

ما هقيت إني عقاب .. ولا يمامه ..

إنما لعيونك إنتي ..

طرت لأجمل إبتسامة

لين قلتي وين جناحانك..؟

وين جنحاني .. ؟! وطحت ..

طحت من أعلى غمامه..

أنا ما أدري مريت بين أصابعك رمل ..

أو على خصلات شعرك .. ماء ..

كانت غبارٍ وظلما

وكنت أطيح ..

وهذا آخر ماأتذكر ..

وين ظنك با تجرح .. وأتكسر

فـ أي رمل .. أي صخر .. أو عدامه ..

ما هقيت إني عقاب ولا يمامه

إنما لعيونك إنتي ..

طرت لأجمل إبتسامه

وما أبي غير السلامه

من الجروح .. ومن التداوي

كيف أمس الأرض .. وأطيح متساوي

أنا صدقت الصغار .. يوم قالوا :

من يحب القمرا يرحل .. لآخر أرض

وينتظر تالي نهار ..

ولا ظهر منها شبر ..

عانق القمرا .. طمر ..

كيف ضاعت كل أحلامي هقاوي ..

يوم قلتي : وين جنحانك ..؟!

وين جنحاني .. ؟! وطحت ..

طحت من أعلى غمامه..

بدر بن عبد المحسن