 |
|
||||||
| ملتقى الخريجين ملتقى عام يجمع خاص للخريجين والخريجات الجامعيين لمنقاشة القضايا التي تخصهم في شتى امور الحياة |
 |
|
|
أدوات الموضوع |
|
#1
2015- 3- 18
|
||||
|
||||
|
جامعة بروكسفيل
السلام عليكم ورحمة الله وبركاته
كلمني واحد من أمريكا يقول إنه يمثل جامعة بروكسفيل Brooksville في أمريكا وأنهم استلموا "السي في" حقي من موقع "البيت" . وقعد يقرؤه كلمة كلمة عشان يؤكد لي أن السي في قدامه. وجلس يمدح في "السي في" تشتغلين مترجمة وفي مستشفى كبير ولمدة لا بأس بها ويقول إنهم يعرضون علي منحة دراسية للحصول على الماجستير. قلت له بحاول أفكر ثلاث ايام بالعرض وبعدين اقول له الرد. اتصل بثاني يوم يقول ان فيه شخص ثاني مرشحينه وعلشان استعجل قبل ما يفوتني العرض.  حاولت البحث عن من يتحدث عن الجامعة بالانجليزي لكنني لم أجد شيئا يذكر . وافقت وارسلت لهم بياناتي ومن ثم وصلت الشهادات ودفعت رسوم البريد. اتصلو علي يطالبونني بالاعتماد الاكاديمي وانه حسافه ادفع لشهادة وما أدعمها بإعتماد اكاديمي . سألته عن المبلغ قام وصفقني برقم فوق 10 الف ولازم أبدأ بالإجراءات قبل لا يفوت الفوت. قلت له ما عندي هالمبلغ رد وكأنه بالع مسجلة عن ضرورة الاعتماد وانها اصلا خطوة جامعية مهمة للي يحصلو دراستهم من الخارج . قلت له ما عندي حتى الفين ريال . قال ولا يهمك ، لأنك خريجة من عندنا نسوي لك تخفيض . قلت له علي ديون للبنك وانه ياخذ معظم فلوسي. قال ادفعي أقساط  الصراحة من اصرارهم العجيب والحنه اللي مالها مثيل خفت . بعدين ذكرت أنه لما مدح شغلي عرض علي ماجستير باشعة السونار بس لأنني أعرف شوية مصطلحات طبية . وأنا اللي قلت له إدارة أعمال أحسن . وبعدين ذكرت الدكاترة مع الشهادات المزيفة والبلاوي اللي نسمع فيها. قلت له احتاج مهلة علشان اشوف احد اذا يعطيني فلوس ، ابي اشوف طريقة أفتك منهم . اقتنع وسكر الخط علشان يستشير قسم المالية بخصوص التخفيض أو الأقساط.  بحثت مرة ثانية بالانترنت بكلمات بحث كثيرة عن بروكسفيل ، بروكسفل ، بروكسفيلي ، بروكس فيل ، بروكس فل (كتبت كل كلمة احتمال تخطر على بال أي أحد يبحث عن هالجماعة) وما لقيت إلا شخصا قطريا تحدث عن نفس الاسلوب ومن نفس الجامعة و ما فيه جامعة بهالاسم الا الموقع الالكتورني حقهم (بالعربي: جامعة وهمية)  .  عاد أنا إصحى يا نايم  ، علشان كذا ولا أجنبي طاح بالفخ علشان يكتبون بالموضوع . أصلا محد يتجرأ يضحك على شخص أجنبي . رحت لموقع التعليم العالي وبحثت عن اسم الجامعة ، ما لقيتها حتى مع الغير معترف فيها. الحين أنا اكتب هالكلمات وأنا أضحك على نفسي لكل من تسول له نفسه ويكون على نياته أن لا يصدق أي أحد حتى عيال ديرته. وأقول أستااااااااااهل اللي صار وعسى اللي دفعته يروح دفعة بلاء. وترا يكفي غبية وحده بهالديرة ما يحتاج أحد يزود العدد 
التعديل الأخير تم بواسطة isra kjs ; 2015- 3- 18 الساعة 12:03 PM 
|
|
2015- 5- 11
|
#2 |
|
أكـاديـمـي
|
رد: جامعة بروكسفيل
الله يعطيك الف عافيه ,, تقريبا الموضوع الوحيد الي حصلته يتكلم عن هالجامعه مثل ما حصل معي .
انا جاني الاتصال وقالي نفس الكلام وباين من لهجته انه اسيوي (صيني , تايلندي ,,) يتحدث الانجليزي وقالي بالظبط نفس الكلام . عموما جزاك الله خير انا كنت شاكك بنسبة 99% بس الحين تأكدت .gif "(204)") |
|
|
|
2015- 5- 19
|
#3 |
|
أكـاديـمـي ذهـبـي
|
رد: جامعة بروكسفيل
مافيه احد يبحث لك عن مصلحتك وهو ما يعرفك وجميع اتصالات الجوال الي تقدم عروض سوا جامعات او وظائف او بنوك كلها نصب في نصب
|
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| [ اعلان وظائف ] : جامعة الأميرة نورة بالرياض تعلن وظائف معيدات و مدرسـات لـغة | Dima | ملتقى الخريجين | 2 | 2015- 2- 4 07:19 PM |
| جامعة الملك فيصل تعلن نتائج الانتساب المطور بنسبة نجاح تجاوزت 90٪ | سفير القلم | ملتقى طلاب التعليم عن بعد جامعة الملك فيصل | 20 | 2015- 1- 21 02:33 AM |
| جامعة الملك فيصل | بسووومي | ملتقى السنة التحضيرية - جامعة الملك فيصل | 2 | 2015- 1- 17 11:29 PM |
| ماجستير جامعة الدمام .. | غربة نفس | ملتقى طلاب التعليم عن بعد جامعة الملك فيصل | 20 | 2015- 1- 14 06:41 AM |
| [ اعلان وظائف ] : جامعة نجران تعلن وظائف معيدين ومعيدات في كافة التخصصات | Dima | ملتقى الخريجين | 1 | 2014- 12- 19 09:11 PM |
