|
مدونات الأعضاء قسم خاص يستطيع العضو انشاء مدونة خاصة به يكتب فيها مايشاء حسب قوانين الملتقى. |
![]() |
|
أدوات الموضوع |
![]() |
#11 |
أكـاديـمـي فـضـي
![]() |
رد: خربشات Queen......
![]() كنت بسوي حفله حليوه مرتبه وبعزم صديقاتها بس بنتي وجها قوي تقول اشرطي على اهل صديقاتها يجيبون هدايا ![]() المهم شكلي بنتي وجهها قوي مثلي ايام طفولتي .. المهم اني سحبت عليها وسويت حفله محندقه صغنونه خاصه فينا وتحمد ربها ترا عادي نستقبل الهدايا هنيا هههههههههه بالله وش رايكم بخطي جميل صح .. اعرف ![]() ![]() |
التعديل الأخير تم بواسطة soweet ; 2015- 5- 26 الساعة 07:56 PM |
|
![]() |
![]() |
#12 |
أكـاديـمـي فـضـي
![]() |
رد: خربشات Queen......
تخبرون الرجال الاوليييين مثل وقت ابوي الله يرحمة وبعض ابائكم او جدانكم .. مايحبون المكيفات او ان السيارة بالاصل مافيها مكيف والله اني ماادري ..
وعاد مع الخط يفتحون درايش السيارة او شبابيك السيارة .. الامور طيبه اذا داخل المدينة عادي ومااشاء الله يطرقنا الهواء ويتعمق فينا ويدخل مع الاذن اليمين ويطلع من الشمال ههههههه ولكن بالسفر والدرايش مفتوحه ومسدحين اسيات السوبر ماادري الجمس كلن ومسماه كنا نسميه ( الصالون ) ليه ماادري ههههههههه وماشين على مهلنا ومشغلين ( خلف بن هذال ) كان يغني وقتها اشعاره .. وكنا حنا وقتها من سكان الحجاز ونمسك الخط من الغربيه للشرقيه على الهواء وعلى خلف بن هذال والشناط مربوطه فوق بحبل ولازم نمشي الفجر ونفطر في الطريق ونتغدا في الطريق ونتعشى في الطريق عاد في احد السفرات كنا معزومين على عرس مهههههم بالشرقية ومتقضيين فساتيين وكلنا طقققم مثل بعض بكل شي .. وامي بعد متقضيه ذهب بعد وحاطينها بالشناط الي مربوطه فووق .. يعني فوق السيارة تحويشه السيد بابا .. وكان مخاوينا جارنا راعي البقاله ماادري ليه خايف يمشي لحاله ولا كان معزوم على العرس .. المهم انه لزقه .. وبعد مامشينا ووقفنا وفطرنا وعينا من الله خير مشينا .. وصار شي ماهو بالحسبان طاحت شنطتين ، اتذكر وحده كاروهات خضراء ووحده كروهات حمراء .. وكان فيها القش كله حق العرس .. ومكملين دربنا مادرينا عن الكارثه ونزل ابوي يعبي بانزين هو والخبل راعي البقاله .. ونزلو يسولفون وقال هالخبل وراك ماوقفت يوم شناطك طاحت وحنا روسنا طالعه مع الدرايش نتفرج ونشم ريحه البنزين ونتسمع ~> ثلاثه بواحد ههههههه.. عاد ابوي قحص عليه يهاوشه ويقول انت خبل ~> من يومها صفه الخبل له ماعين خير منا هههههه وابوي يركب السيارة ويرجع مع دربه يدور الشناط يدور الثروه يدور الشناط الكروهات يدور الخضراء والحمراء .. وامي تتحلطم على الذهب وحنا نبكي على الفساتين والقبعات والقفازات من زينهن عاد هههههههه وابوي وده يرتكب جريمة بالخبل وبامي وفينا حنا ومعصصصب والهواء يصفق فيه بس للاسف طفى المسجل وماعاد نسمع خلف بن هذال هههههههه المهم مالقينا شناطنا ووصلنا الشرقيه وتقضينا من اول وجديد .. وامي اشترت ذهب .. الظاهر ان ابوي اخذ دين .. الوكاد خلص العرس ورجعنا والذهب الجديد كان بحضن امي .. ههههههههههههه بقلمـــQueenـــي |
![]() |
![]() |
#13 |
أكـاديـمـي فـضـي
![]() |
رد: خربشات Queen......
--رُؤيتي للمستقبل جميلة
أُشبهها بطفلةٍ صغيرة تتطلع الى ان تكبُر وتصبح بشكل والدتِها ،،،، تنتعِل الحِذاء العالي وتتسرح امام المرآة وتبدي كامل زِينتها وأُنوثتِها ،،،، حتى وإن لم تكُن كما ارادت ، يكفيني رؤيتها لقدوتِها والدتِها --رؤيتي للمستقبل جميلة أشبهها بطفل صغير يتطلع الى ان يصبح يشبه والده ،،،، يتطلع لحذاء والده وينتعله بقدميه الصغيرتين ،،،، يتطلع للقيادة .. حينما تسأله عن مستقبله يقول سأكون طبيبا ،،،، وحتى لو لم يكن طبيبا فيكفيني رؤيتهُ لمستقبلهِ مساعداً لغيره بقلمـــQueenـــي |
![]() |
![]() |
#14 |
أكـاديـمـي فـضـي
![]() |
رد: خربشات Queen......
الجدة نعمة من نعم الله .. الي عنده جده يحاول يدللها قدر مايقدر
اولا جدتي ام امي مالحقت عينها تشوف احفادها الي مثلي الله يرحمها راحت وامي بعد ماتعرف شكلها :( اما جدتي ام ابوي لها حول ١٥ سنة متوفيه الله يرحمها ويرحم اموات المسلمين جدتي من نص عمرها اصيبت بالعمى الله يرحمها ويعوضها الجنة :( كنت انا وجدتي ضراير طباين طرادا ![]() ![]() المهم كانت تحرض ابوي علينا الا وحده من خواتي جدتي تمووووووت فيها ![]() المهم نجي للكارثه .. اقصد المغامرة .. والله كانت بوقتها بنية المغامرة ولكن انقلبت كارثة وجاء بعد الكارثة انتقام الله لا يوريكم .. والله يا ان هالانتقام طعمه ماانساه للحين :D نبدأ القصة : حوش بيتنا كاان كبير مررررره ~> قد علمتكم عن بيتنا انه قصر صح ههههههههههه المهم طرا على الوالد يحفر خزان موية ثاني بالبيت من كثر مانصرف الظاهر ههههههه المهم حفرو الخزان وكان في بدايته الحفر يمكن عمق مترين بسسسس وكنا نسدح بلاكاش ( خشب مسطح عرضه اقل من متر اتوقع من الطرف للطرف ونمشي عليه للعب اذا ابوي مو فيه ذاك اليوم ملينا من نفس اللعبة الا جدتي جاية تمشي وتنادي سميتها .. عاد انا جبت فكره نلعب مع جدتي وخواتي وافقن معاي .. يعني مو لحالي مشاغبه .. وحتى سميتها اتفقت معنا ... المهم وجدتي تنادي وحنا نقول جدة منا لا مناك يمين ياجده يسار ياجده لين عصبببت وبعدين جتها اختي الصغيرة وقالت جده تعالي اوديك غرفتك ووصلت جدتي لطرف البلاكاش وجدتي بدت تمشي وفكتها وبما ان جدتي عمياء ماتقدر تشوف علشان تتوازن وطااااحت بالخزان عجوز وعمياء وجدتي وام ابوي ~> يعني مشكلة وكارثه كبيرة ماقدرنا نطلعها وحتى امي ماقدرت اطلعها ونادينا العمال بالشارع وشالو جدتي وهي تلعن وتتحسب علينا اننا لعبنا فيها واننا خلينا الرجال الاجانب يلمسونها وهي فيها دين الله يرحمها وجاء ابووي . جاء الوالد .. جاء ولد جدتي .. جاء وندري اننا بنتعاقب ولقط امه ووداها للمستشفى وماشاء الله ماشاء ماتكسرت الظاهر من حليب الغنم ويوم تطمن عليها حطها بغرفتها واشتكت علينا الا سميتها قالت ضعيفه هن بناتك الملعونات الي حرضنها ولا هي اجوديه .. وييين اجوديه ياتييته . الا وخيتي من ادهى البنات بس يالله الحظ لا قام قام ههههههههه قال ابوي روحو وصفو في الدهريز حنا ٣ وسميتها الرابعه وطبعا معها واسطه ماصفت معنا وابوي يجيب ( لي الغاز ... لي الاسطوانه .. هوز السلندر ) <~ كم مسمى للي مايعرف ~ اعجبكم انا معجم ههههههه ويجينا قال من صاحبه الفكرة .... مادريت انهن بعترفن او الدم ماراح يحن او بيخلن فيني ههههههههههه وهن يأشرن بأصابعهن علي انا ~~> ماينلامن شافن لي الغاز لو يضرب فيه الكافر اسلم ~> انا اعلنت السمع والطاعه من يومها لجدتي لو تبي شلتها على راسي ههههههههههههههههه مايحتاج عاد اشرح لكم كيف كان الجلد .. ولكن الاكيد لو السجون والتعذيب شايفين ابوي كان وظفوه عندهم ... ولو شايفينه حقوق الانسان كان سجنوه ... ماانسى ذاك الجلد مااحييت ولكن كانت اللعبه ممتعه وجدتي شكلها يضحك يوم طاحت ههههههه الله يعفي عنا كنا اطفال القصة للكبار فقط ههههههههههههه بقلـــQueenــــي |
![]() |
![]() |
#15 |
أكـاديـمـي فـضـي
![]() |
رد: خربشات Queen......
رفيق السوء مثل البعوض لا تحسّ به إلا بعد اللّسع ..” مصطفى المنفلوطي
|
![]() |
![]() |
#16 |
أكـاديـمـي فـضـي
![]() |
رد: خربشات Queen......
ﺍﻟﻨﺼﻒ ﺍﻷﻭﻝ ﻣِﻦ ﺣَﻴﺎﺗﻚ ﺗﻘﻀﻴﻪ ﻣَﻊ ﻭَﺍﻟﺪﻳﻚ ،
ﻭَﺍﻟﻨﺼﻒ ﺍﻵﺧﺮ ﻣَﻊ ﺃﻭﻻﺩﻙ ، ﻓَـ ﺯﺩ ﻣﻦ ﺑﺮ ﺍﻷﻭﻝ ﺗَﻨﻞ ﺧﻴﺮ ﺍﻵﺧﺮ ﻭَﺯﻳﺎﺩﺓ من الحكم التي راقت لي |
![]() |
![]() |
#17 |
أكـاديـمـي فـضـي
![]() |
رد: خربشات Queen......
ﺳَﻌﺎﺩﺗﻚ ﻓﻲ ﻳَﺪ ﺍﻟﻠﻪ ! ﻓﻼ ﺻَﺪﻳﻖ ﻳَﻨﺰﻋﻬﺎ ؛
ﻭﻻ ﻣَﻌﺸﻮﻕ ﻳُﻤﺰﻗﻬﺎ ؛ ﻭﻻ ﻗَﺮﻳﺐ ﻳﺘﺤﻜﻢ ﺑﻬﺎ ؛ ﻓﺄﻧﺖ ﻟﻢ ﺗُﺨﻠﻖ ﻷﺟﻠﻬﻢ حكمة راقت لي |
![]() |
![]() |
#18 |
أكـاديـمـي فـضـي
![]() |
رد: خربشات Queen......
|
![]() |
![]() |
#19 |
أكـاديـمـي فـضـي
![]() |
رد: خربشات Queen......
تذكرون سالفة تجارة الايسكريم !!!!
ذاك الولد فتح مشروع غرفه في بيتهم وحطها دكان ( بقالة ) يعني وسع المشروع وحطه في بيتهم خايف يحطه بالشارع واشاركه الربح .. وكان مصروفي المدرسة يا ريال او ريالين يعني على حسب كرم الوالد الله يرحمه ذاك اليوم،، او الصرف الي معه المهم كان يكفيني ولكن اذا ريالين افرح كنت اوفر ريال علشان اشتري فيه العصر من دكان صديقي .. لأن البقالة ابوي مايعطينا فلوس يخلينا نسجل بالدفتر ويحاسب اخر الشهر وتخبرون حريم اول مايعطونهن ازواجهن مصروف .. والله ماادري بس لو عندهن مصروف عطونا لأن الام رحيمممه مره .. تهقون ابوي كان يعطي امي مصروف وهي ترص بالدراهم وماتعطينا ،، تخيلو .. لازم اسأل اميمتي هالسؤال علشان اذا كان لها مصروف فهي مدينة لي بجزء من الي راصته عندها هههههههه نرجع لدكان صديقي وسع المشروع ويبيع بساكيت وحلاو مصاص وميراند و ( اورنجينا ) و ( راني ) وببسي .. غير الايسكريم بالفيمتو والسنكويك وزاد ترمس يسوي فيه عصير فيمتو ورابط كاس معدن بخيط في زر الترمس ونعطيه ريال ويصب لنا بالكاس ونشرب كلنا يابنات وعيال الحارة وراء بعض بدون يغسل الكاااااس ( ووووووووععععععععع ) كبدي توجعني كل ماذكرت اني اجمع فلوسي واحرم نفسي بالمدرسه علشان اشرب سوور وريق الوراعين ~~> للأمانه ماعلمت عيالي ولا ابوهم عن هالقرف علشان مايتبرون مني ههههههههههههههههه ودي اوريكم الفريزر حاليا ثلجت لهم فيمتو ويقولون ياقدمك ياماما قديمك نديمك ~> قديمي فيمتو ههههههههه على فكرة صديقي ذا صار ( خوي مع امير ) كان مخه دراهم ماشاء الله .. الله يبارك له واجه ابو عيالي وقال وشلون بنت فلان والنعم فيها ~> ليه والنعم بسس علشان شاركته بحلاله وسرقته ووريته نجوم القايلة .. وكنت اضحك عليه كان اقصر مني . مادريت اني بثبت بمكاني وهو بيزود مترين هههههههه بقلـــQueenـــي |
![]() |
![]() |
#20 |
أكـاديـمـي فـضـي
![]() |
رد: خربشات Queen......
لكل انثى تتمنى انت تصبح شاباً لأجل الحرية ولأجل القيادة
انا اقول لها اسجدي سجود شكر لكونك انثى .. ليس حقرانا بالرجل . لا والله فهو ابي واخي وزوجي وابني ولكن .... الجنة تحت اقدام الامهات والرسول عليه الصلاة والسلام اوصى بالأم ثلاثاً والرسول عليه السلام استوصوا بالنساء خيراً وعليه الصلاة والسلام قال من ربى فتاتين انا وهو كهاتين غير ذالك من النواحي الجمالية كوني سعيدة فأنتي تتمتعي بمميزات لفت الانتباه والرجل يتعب من اجل ان يرى جزء من هذه الانوثه وهذا الجمال ليس لأني انثى اقول هذا ولكن كل شي يخص الاناث ملفت ومبهر وجميل بقلمـــQueenـــي والبويات مايشملهن هالكلام هههههههههه انا بس اقصد الي تتمنى الحريه فقط لاني اسمع هالعبارة بكثرة في مجتمعنا النسائي |
![]() |
![]() |
مواقع النشر (المفضلة) |
الكلمات الدلالية (Tags) |
ماجمل ان اكون متابع لقلمك ليثاوي الرياض, مدونة دمها خفيف تستحق المتابعة بلا جدال /فـ@ـد, الحمدلله فقد وصلت الى هنا ولي الفخر بالمتابعه ليثاوي |
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|
|