المشاركة الأصلية كتبت بواسطة ابو ثامر

هذا الاختبار لازم أخذه حتى لو بغيت أكمل الماستر برا ؟؟؟؟؟؟؟؟؟؟

المشاركة الأصلية كتبت بواسطة غلا الجوري

لو سمحتوا قدرات الجامعين تطلبها حتى الجامعات السعوديه والحكوميه ولا بس للدراسات العليا خارج المملكه

المشاركة الأصلية كتبت بواسطة شايب جامعي

مثل ماهو واضح بالعنوان ..

سجلت بقياس اختبار قدرات للجامعيين الاختبار المحوسب ..

اسئلتي ..

1- وش الفرق بين اختبار القدرات المحوسب اللي اختباراته على طول السنه تقريبا ..
وبين اختبار القدرات الورقي اللي تقريبا مرتين بالسنة ؟


2- وش المصادر اللي اراجعها واللي عادة تجي منها الاسئلة وهل هناك مواقع على النت تعمل اختبارات تجريبية على نفس طريقة واسلوب اختبار القدرات ؟

3- هل استطيع اعيد الاختبار اكثر من مره اذا كان اختباري دون المستوى؟؟

المشاركة الأصلية كتبت بواسطة vip-1

اولا اسئل الله لك التوفيق.


انا اختبرت محوسب قبل يومين.


بالنسبة لاعادة الاختبار تقدر تعيد لحد ٥ مرات سواء كان محوسب او ورقي لكن ليست في نفس الفتره بمعنى آخر الفتره الحاليه هي الى حد ٣٠ شعبان هذي تسمى فتره يعني لو فتحوا فتره في رمضان او بعد العيد تقدر تختبر .


بالنسبه لي الافضل عندي المحوسب لانك تدخل الاختبار بياناتك جاهزه بس تجلس على الكرسي وتتوكل على الله مو مثل الورقي تملىء ورقة الاجابه ( الدوائر ) نفس ورقة الاجابه جامعة الملك فيصل انتساب اختيار من متعدد وانت تعرف كيف نعاني علشان نملىء هذه الدوائر... كما ان الاختبار المحوسب لايلزمك الانتظار مثل الورقي له الفتره محدده لجميع الطلاب ... المحوسب متى ما وصلت لمقر الاختبار على طول تدخل وتختبر اهم شي انك ما تتاخر على الوقت المحدد لك في الاختبار ... انا كان اختباري الساعه ١٠:٠٠ صباحا ووصلت لمقر الاختبار ٩:٠٠ على طول دخلوني للاختبار ولا انتظرت.


حاول انك تخفف من اغراضك يعني لو ما تجي الا ببطاقة الاحوال افضل لان اغراضك كلها راح تحطها في درج حتى لو كانت فلوس او بطاقات ثانيه .. تدخل الاختبار فقط ببطاقة الاحوال.


الاختبار مقسم على ٥ اقسام كل قسم ٢٤ سوال من ٢٥ دقيقه ماعدا قسمين اثنين عباره عن قطع وعليها اسأله ويوجد معها اسألة اخرى مثل المترادفات والمتناضرات ... هذا القسم ١٦ سوال فقط وبنفس الفتره اي ٢٥ دقيقه.


يعطونك قلم وورقه لكن ليست كالورقة العاديه او القلم العادي بل ورقة مغلفه بالبلاستيك وقلم عريض قليل ويعطونك معها منديل و معها رشاش بحيث انك تكتب و ترش على الورقه وتمسح اذا احتجت ان تمسح ، واذا انتهيت من الاختبار وقبل ما تطلع يقولك المراقب امسح الورقه بالكامل.


لاحظت انه توجد بعض الاسئله التي تتكلم عن الاحصاء يعني يجيب لك شكل احصائي كاعمده ويطرح عليك اسئله.


لاحظة ايضا تقليل الاسئله الكميه.


النتائج تاخذ من اسبوع الى اسبوعين.