 |
|
||||||
| منتدى كلية الآداب بالدمام منتدى كلية الآداب بالدمام ; مساحة للتعاون و تبادل الخبرات بين طالبات كلية الآداب بالدمام و نقل آخر الأخبار و المستجدات . |
 |
|
|
أدوات الموضوع |
|
#1
2015- 7- 3
|
||||
|
||||
بخصوص اللي انقبلوا بكلية الآداب !
السلام عليكم ورحمة الله وبركاته
 مبروك القبول لكل البنوتات اللي انقبلوا بكلية الاداب (Gollege Of Arts) الكلية حلوه ونظيفة وفيها أمن وفيها عاملات وبسهولة بتحفظين اماكن القاعات والممرات والمدرجات وفيها اصنصير اللهم لك الحمد اخيراً  اللي بتسأل عن ؟ 1- تنورة ( رمادي - كحلي - أسود ) الأوف وايت (البيج) شفت مره الأمن موقفين وحده لابسه بيج , المهم ما تكون قصيرة. 2- البلايز أو التشيرتات اللي تبين بس ما تكون شفاف ولا يكون الكم قصيرة الباقي الاكسسوار والباق والشوزات اللي تبين ما يوقفك شي بس نصيحة مني كوني بسيطة تطلعين أجمل وكثرة الميك أب والفير وهالأشياء تخرب الشعر والبشرة خصوصاً اذا الموضوع صار يومياً 3- الجوال قالوا بالبداية ممنوع الكاميرا بس بعدين قالوا عادي بس ممنوع التصوير وفيه فصل من الكلية انا سو لي سالفة الأمن وكتبوني تعهد عشاني صورت كوب كوستا وبقاعة كانت فاضية !!  مع أني شايفة بنات وربي شاهد علي تفتح السناب وتمرر الكام على صديقاتها ولا يهمها اللي وراها اذا تصوروا او لا ! وقلت لهم أنو شفت هالشي وقالوا بنحقق !! 4- اهم شي تحطينه في بالك هو اصدار البطاقة الجامعية لأنو يطلبون منك عند دخولك للبوابة أنو تطلعينها يومياً وباختبار الميدتيرم (الأختبار الشهري ) يطلبون ابراز البطاقة الجامعية والفاينل (الاختبار النهائي) بعد يبونها. 5- يسون بازارات بيع ميك أب واكسسوار ومطليات واشياء حلوه 6- في كوستا كوفي وفي قهوة دربي 7- في كشك زهور الريف  8- في مكتبة صغيرونه لبيع الكتب واغلبها للسنة التحضيرية 9- في لوكرات (ادارج لكل طالبة درج خاص فيها بقفل خاص بعد ) طبعاً برسوم في السنة اتوقع 100 ريال _______________________________________ التخصصات المتاحة : 1- مكتبات ومعلومات http://www.uod.edu.sa/ar/colleges/college-of-arts/programs/bachelor-of-arts- 2- علم الأجتماع http://www.uod.edu.sa/ar/colleges/co...nd-social-work 3- الأتصال وتقنية الإعلام http://www.uod.edu.sa/ar/colleges/co...ion-technology 4- لغة عربية http://www.uod.edu.sa/ar/colleges/co...rabic-language 5- دراسات إسلامية http://www.uod.edu.sa/ar/colleges/co...slamic-studies 6- تاريخ http://www.uod.edu.sa/ar/colleges/co...ree-in-history 7- جغرافيا http://www.uod.edu.sa/ar/colleges/co...in-geography-0 8- لغة انجليزية http://www.uod.edu.sa/ar/colleges/co...glish-language __________________________________________ 10- الدراسة سهلة اذا بتسهلينها وصعبة اذا بتصعبينها ! 11 - الهدف تحطينه من أول محاضرة تحضرينها تشدين حيلك وتجيبين معدل حلو عشان تدخلين التخصص اللي تبينه واذا الله كتب لك شي انتي ما تحبينه حبيه عشان تمشين فيه ودام الله اختاره لك يعني خير لك بإذن الله. 12 - كوني علاقات طيبة مع البنات واعضاء هيئة التدريس لأن يهمهم الأدب والاحترام كثيير اكثر من شطارتك بالمحاضرة وبعض الدكاترة اذا استفزيتيها او ضايقتيها تحطك براسها وماننكر انو في دكاترة كذا !! 13 - الدراسة الجامعية حلوه كثير 4 سنين بتمر بسرعه اذا وكلتي الله واعتمدتي على حالك وصقلتي قدراتك و وسعتي مداركك وثقافتك. 14 - التذمر والاحباط والتشاؤوم هذا اكثر مرض منتشر بالكلية املئي حالك بالتفاءل والأمل وبكره اجمل وهذا سهل وانا قده ان شاءالله  15 - وتأكدي انو اذا كان حضورك وعدمه واحد ولا تشاركين ولا تذاكرين ولا تسوين تكاليفك بذمة وضمير ماراح تنجحين. 16 - السؤال اللي منتشر وذابح ناس كثير اللي هو ليش في مواد عامة وسنة تحضيرية ؟؟؟ ج / السنة التحضيرية وموادها العامة هي عشان تصفي البنات اللي يستاهلون الشهادة الجامعية اللي مخها وقدراتها التعليمية تقدر توفق بين مواد تخصصها ومواد بعيدة عن تخصصها والمواد هاذي حاطينها عشان ترفع معدلك + اختبار لمدى توسع القدرات والذكاء وقدرة التحمل عندك ! الشهادة الجامعية جداً الوصول لها مو سهل ابد  17- هذا رابط البيبول سوفت اللي تسجلين فيه موادك واللي تاخذين السي ار ان وتحطين فيه ايبان البطاقة البنكية حقتك الدخول له بيكون اسم المستخدم = رقمك الجامعي / كلمة المرور = سجلك المدني http://sis.ud.edu.sa:8000/psp/hcs9prd/?cmd=login&languageCd=ARA 18- هذا رابط البلاك بورد https://vle.uod.edu.sa/webapps/login/?action=login اللي تحط فيه الدكتورة المحاضرات والأعلانات المهمة والدرجات .. الخ الدخول له بيكون اسم المستخدم = رقمك الجامعي كلمة المرور كذا > ud@سجلك المدني 19- هاذي شوي صور للكلية :     20- رابط يعلمك كيف تحدثين بياناتك بالبيبول سوفت https://www.youtube.com/watch?v=twVj88eyBvM 21- رابط يشرح لك كيف تسوين جدولك في البيبول سوفت https://www.youtube.com/watch?v=sujNKBb5hqA وبس وبالتوفيق لكم والله يسر لكم امركم  
|
|
2015- 7- 3
|
#2 |
|
أكـاديـمـي ألـمـاسـي
|
رد: بخصوص اللي انقبلوا بكلية الآداب !
مجهود تُشكرين عليه فطوشكا
يعطيك العافية |
|
|
|
2015- 7- 3
|
#3 |
|
أكـاديـمـي فـعّـال
|
رد: بخصوص اللي انقبلوا بكلية الآداب !
مشكورة
|
|
|
|
2015- 7- 3
|
#4 |
|
:: مشرفة ::
كلية الآداب بالدمام 
|
رد: بخصوص اللي انقبلوا بكلية الآداب !
موضوع جميل ومفيد
.gif "(204)") بثبته عشان الكل يشوفه 
|
|
|
|
2015- 7- 4
|
#5 |
|
أكـاديـمـي فـعّـال
|
رد: بخصوص اللي انقبلوا بكلية الآداب !
الله يسلمكم ويسعدكم يارب
|
|
|
|
2015- 7- 4
|
#6 |
|
أكـاديـمـي فـضـي
|
رد: بخصوص اللي انقبلوا بكلية الآداب !
ايش الارراق المطلوبه بعد القبول ؟ وحده تسألني و ناسيه كيف و ايش تسوي لما صدر قبولها
|
|
|
|
2015- 7- 4
|
#7 |
|
أكـاديـمـي فـعّـال
|
رد: بخصوص اللي انقبلوا بكلية الآداب !
كل شي صار الكتروني مو زينا نودي اوراقنا للبريد الممتاز ومشوااار
|
|
|
|
2015- 7- 6
|
#8 | |
|
متميزه في كليه الاداب جامعه الدمام
|
رد: بخصوص اللي انقبلوا بكلية الآداب !
اقتباس:
|
|
|
|
|
2015- 7- 6
|
#9 |
|
أكـاديـمـي فـضـي
|
رد: بخصوص اللي انقبلوا بكلية الآداب !
معليه تشرحين كيف الكتروني اذا ما عليكم امر
طلع قبول مشروط ثم وشو نسوي ممكن بالتفصيل ): |
|
|
|
2015- 7- 6
|
#10 |
|
أكـاديـمـي فـعّـال
|
رد: بخصوص اللي انقبلوا بكلية الآداب !
اتوقع تحت تلقين كلمة التالي ولما تضغطينها يطلع لك التعهد والاشياء المطلوبة
مابي اشتتك لكن النظام اول مره يسونه ومانعرف كيف تقدرين تسألين بروفايل جامعة الدمام بتويتر او أ.عبدالرحمن الخالدي بتويتر وان شاءالله راح يفيدونك |
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| تقنية الهندسة الكيميائية - شرح المواد + أفضل المدرسين + نصائح | خرّيج الجبيل | منتدى كلية الجبيل الصناعية | 15 | 2015- 1- 27 11:15 PM |
