 |
|
||||||
| إدارة أعمال 1 ملتقى طلاب وطالبات المستوى الأول ادارة اعمال التعليم عن بعد جامعة الملك فيصل |
 |
|
|
أدوات الموضوع |
|
#1
2010- 4- 8
|
||||
|
||||
|
من كتاباتي ( موضوع للفرفشه فقط ) الزهقان يدخل يوسع صدرهـ معاي "
هاااايز حلوين حبايب قلبي والله اخباركم علومكم طفشانه <<< قومي توضي وصلي ويروح عنك الطفش  هههههههههههههههههههاي قلت يااربي تجينا اوقات نزهق صراحه بس دروس ومحاضرات هذا قال وهذا سوى ووش بيصير وليه ووشوله ؟؟ اسئله 24 ساعه بروسنآآآ وان مافي شي محد يسئل وقل دخول الأعضاء كثير " قلت بمااا اني احب الكتابه واحب اكتب ( القصص الفكاهيه القصيره المجزءهـ ) قلت اكتب لكم موضوع او قصه او روايه سموها الي تبغونه عشان نغير جو شويات بس  وكل ماخلصت جزء بنزل الي عقبه ان شفت ردود ترد الروح وتحمسني " واذا مافيه عاد امرنا لله " اهم شي وناستكم والأهم ( ابيكم تغيرون الروتين اليومي ) " ان شآآآآآء الله ان كتاباتي تحوز ع راضكم ويعجبكم اسلوبي بالكاتبهـ " قلت خل اونسكم شويات وادخل الفرحه الى قلوبكم يالبى انتووو وخلوني ابدأ على طول عشان ما تصير زحمه حكي معاي لأني راعيه طويله واحب الهرج وما اسكت <<< فديتهم الي يعرفون نفسهم :c8: يالله بسم الله اسم الروايه ( جآآآآآمعتنآآآآ ) ابطال الروايه ( مدير جامعتنا بسميه (الدكتور وليد ) ) لأن محد معنا هون اسمه وليد والأعضاء الباقين طبعآآ والي مايلاقي اسمه بيلاقيه بالجزء الي عقبه لأني ماعرفكم كلكم " يلا نبدآ "
التعديل الأخير تم بواسطة ǺĽ ẕeeห ; 2010- 4- 8 الساعة 07:52 AM |
|
2010- 4- 8
|
#2 |
|
المٌشٍرفه العَآمه على منتدى كلية إدآره اعًمًالٌ سابقاً
|
البارت الأول "
جامعتنااا ( البارت الـــ 1 ) تررررن /// ترررررن /// ترررررررررن د: وليد / الوو هلا والله ؟؟ حياك اختي ايه نعم معاك الدكتور وليد من جامعة الملك فيصل تفضلي ؟؟ ايوه ؟؟ اهاا ؟؟ صحيح والله ؟ الله يعطيك العافيه ماتقصرين والله بيض الله وجهك اوكي لا ماعليك ابشري يالغاليه اوكي لا افااا عليك اكيد بجي وانا اقدر اخليك ياقمر انتي ؟؟ بس كذاا من عيوووني ابشري فديتك ؟؟ يالله هلا ؟؟ باي . انا / مبققه عيوني  وواقفه عند الباب دكتوووور منو كنت تكلم ؟؟ د: وليد / بسم الله الرحمن الرحيم وعافيه وش تبين انتي بسم الله منو سمح لك تدخلين بدون ما تدقين الباب ؟؟؟ انا / يمممممه كليتني بقشوري شفيك دكتور انت ناسي ان بابك مكسور من عقب آخر هوشه بين (الشمالي & لاكوست) الهوشه كانت بسبب :: الشمالي / لاكوست تجي نلعب قيم ؟؟ لاكوست / والقيم وشوي ياحظي نفسه لعبه بس أي وحده تبي الشمالي / امممم مدري والله شرايك بــ (( اختبار القوه )) لاكوست / قدآآآآم و كل واحد نشب بالثاني تقل حاضنين بعض اللهم ياكافي ومن كثر التحضن افتروو المدرسه كلهااا وهم يحوسون لين دز لاكوست الشمالي وطررراخ وانكسر باب مكتب دكتور وليد وماطقو خبر طبعااا راحو وكملو هوشتهم وفي الأخير طلعوو يختبرون قوتهم بس انا / هاااه نسيت يا دكتور ؟؟ دكتوور الووو ؟؟؟ ياهووو ايهاا العاشق الولهان اين سرحت دكتوووووووووووووووووووووووووووووور د: وليد / وجععععععععع انتي ماتعرفين تخلين الواحد يفكر مع نفسه ويناظر السقف ويتبسم اسكتي انا / طيب بسكت بس علمني مع منو كنت تتكلم قبل شوي ؟ د: وليد/ مع وحده ارتحتي خلاص طاح الي براسك انا / لا والله تصدق على بالي واحد ؟؟ داريه انها وحده منهي طيب وشوله تكلمك وش تبي فيك من وين جابت رقمك ووش قالت لك خلتك شاق الضحكه كذا ؟؟؟ د: وليد / بل بل بل حشآآآ استجواب انا / لايكون قالت لك ؟؟؟؟؟؟ :011: د: وليد / قالت لي وشووو ؟؟ انا / ؟؟؟ د: وليد / لا يروح فكرك بعيد يا ام افكار انتي وش جاء ببالك اخلصي انا / لا يكون قالت لك احبك ؟؟ لأن انت ماتنحب صراحه ماغير تصارخ بوجهي "د: وليد / ههههههههههههههههههههه تقولي احبك واتشوفيني عندكم بالجامعه وربي لا اسافر لها واترككم تقشرون بصل انا / تساافر لهاا ؟ الله اكبر منهي ذي الي بتتعنى وتروح لها ؟؟ د: وليد / قطوهـ اطلعي برى بسرعه تسمعين برآآآآآآآآآآآآآآآآآآآآآآآآآ انا / طيب طيب اطلع برى هااه انا اوريك <<< هذا وهو مدير جامعتها وتقول انا اوريك واروح اروكض واسابق الرياح وكانت سرعتي هي 180 وهديتها شوي عشان كان في مطبات بالطريق خفت كفراتي اااا اقصد رجولي تتكرفس واروح للكلاس وافتح الباب قووه طراااااااااااخ انا / شباب بنات لحقوو علي في مصيبه صايره جرح شمر / ياليل ما اطولك وش مصيبته بعد وضوح / وش السالفه قطوه علمينااا اداره اعمال/ اكيد في حفله صح وانتي خليتيها مصيبه لأن ماعندك فستان انا / على كيفك هووو اسمعووو  ميمو02/ حلفه لا تكفه مابعد يطلع فستاني من عند المصممه وضوح / اقععععععععد مصممه مره وحده منتي بسهله ياميمو والله ميمو / شعرفك انتي لا قلت ابي الشئ اجيبه يعني اجيبه لو كان تحت الحراسه كاتم الأسرار/ على طاري شريط راشد ما تلاحظون ان كله اغاني قويه برشاوي / لا يارجال مو كلهاا عندك ( اسمعك و يمه ارحيمي ) وغيرها كم وحده ماهم قويات والله انا / ؟؟؟؟؟؟؟؟ آهآآآت / والله بصراحه شريطه جونااااان مره رهيب عبد الله بن ابراهيم/ من جد صدقتي والله انا تعجبني اغنيه ( على كثر السنين ) احسه يقصد احد فيهاا نولا / لا يكون انا بس هومي / اقول روقي والي يسلم عمرك مادرى عنك الرجال ترى مالقى الا انتي يغني عليهاا وضوح / بنات سمعتو شريط تامر حسني الجديد في اغاني تهبل بس اغلبها يجيب الغثاااا شمالي / وع ذا المصري ما ابلعه انا / هييييييييييييييييييييييييه والله لو ما تسكتون لا انتحر والله لا اطب من فوق الكرسي وانتوو الخسرانين لاكوست / لا تكفه روعتيناا طبي من فوق السطح مو الكرسي دربك خضر روحي الله معاك بأصفق كل من مسكك وقال لا تروحين انا / انت ؟؟؟  انا بأكسب فيك اجر وبسكت لين اقول الي عندي لأني لو تكلمت بأرتكب فيك جريمه والله اعلم بعواقبهاا الوخيمه نولا / ههههههههههههههااااي قطوه اتخيلك تتهاوشين معاه آهات / قطوه على طول بتمشع شعره ماعندها الا هوو اداره اعمال/ مسكينه قصيره ماتطوله اصلن شكلها بتعطيه بووكس على بطنه انا / منو قالك بجيب كرسي والله لا امشعه وانتفه له تنتيييف ولا نزلت من فوق الكرسي بأعطيه واااحد على كرشته  لاكوست / زين علمتيني عشان اروح احلق بكرى على الصفرررر انا / اقول انطم ولا يكثر هرجك بس اووووص ميمو / ايوه ياقطوه وش كنتي تبين تقولين ؟؟ انا / هااه ؟ وش كنت ابي اقول لا لا مو وقته رجااءآ يا ذاكره ارجعي كل ما ابغاك تروحين  ووقت الحش بخلق الله اول من ينطق انا لأني اتذكر كل شي؟ مدري نسيت نسااني لاكستوه جعله العافيه وضوح / قولي لا اله الا الله انا / لا اله الا الله سهالات / لا حول ولا قوه الا بالله انا / لاحول ولا قوه الا بالله نولا / بسم الله والحمد لله انا / بسم الله والحمد لله هومي/ عيدي لا اله الا الله محمد رسول الله انا / لا اله الا الله محمد رسول الله نور دربي/ استغفر الله واتوب اليه انا / وجعععععععععع وشوو لجنه التعريف بالإسلام انتم ؟شقالو لكم توني اسلمت قاعدين تعلموني اصول التوحيد وجع ان شااء الله يؤؤؤؤ تذكرت والله للتسبيح فوائد تصدقون؟؟ دقيقه خل اعيدهم يمكن اتذكر وين حطيت شبااصتي مجنونتها / طيب اخلصي وقولي الي عندك الحين بلا شباصه عشان لا نتسين انا / ايه ايه مادريتوو اليوم بينما كنت اتسكع بجانب مكتب الدكتور وليد" راودني شعور بأن اذهب اليه واتمسخر عليه بكم كلمه طفشاانه قلت اتسلى معاه شويتين اونسه " يوم رحت سمعته يقول ايه افاا عليك وانا اقدر ما اجي ياقمر انتي فديت قلبك وسكر وعيونه صاارت صغيره من الإبتساامه الي شاقه خشته يوم سألته منهي طردني برى عبد الله بن ابراهيم / وانا ولد ابووووي طردك انا / أيـــــــــه أيــــــــــه طردني  لاكوست / بس طردك ما لفحك بشي جنبه انا / يؤؤؤؤ شوفوووووه هبل فيني هاللاكوست ذأ انت ليش ما تحبني وش مسويه لك اناا انت وراسك ذآآ تقل متوازي اضلاع من عقب ما انصك راسك ذاك اليوم بالباب وراسك منحاس ههههههههههههااي وضوح / هههههههههههههههههههههههاي من جد واعلياا لاكوست / قطوه اعقلي انا / حرررره اعرف ادوس عالوتر الحساس عندك مسكين لا لبست عقال يصير من روحه مااايل مايحتاج يتميله وتسوي نفسك شخصيه راسك صار كبير من جهه وصغنون من جهه لاكوست / هههه هههه هههه باايخه تراك ما تضحكين  انا / ماعلي منك اهم شي ضحكت نفسي اداره اعمال / ايوه ياقطوه تقولين طردك دكتور وليد انا / <<<< رجعت اصيح من عقب ماكنت اكركر ضحك ايه طردني نولا / انا اوريه ليش يطردك خير ان شاء الله آهآآآت / عنده شي وقولي آهاات ماقالت اعرفه اناا خبز يدي جرح شمر / اقول يالله يالله مشينا لمكتبه خل نعرف شوراه والكل قام واتجه لمكتب الدكتور انا / طق طق طق << ادق الدرشه لأن مافي باب د: وليد / وبعدين قطوهـ انا شقلت ؟؟ ماقلت برى وشوي طلعووو كل الشله وراي د: وليد / خير ان شاء الله ؟؟ انا / جبت الفزعه وجيتك د: وليد / ليش بتطقيني مثلا ؟؟ انا / اذا استدعى الموضوع بس احتمال عضه وقبصه بس اما طق لا مايصير مهما كان انت دكتورنا ومديرنا الموقر عيب د: وليد / لا والله هومي / اقول دكتور منو كنت تكلم تووو د: وليد / امداك فضحتيني قطوهـ انتي ماينقالك شي يانقاله الحكي انا / وااي وااي عبد الله امسكني بيغمى علي من كلامه الجارح لا لا عيب مايصير انت رجال نور دربي تعالي امسكيني بطيح سمعتووه شفتوو شقال عني تراك قذفتني يادكتور د: وليد / الله اكبر عليك قذف مره وحده ياظالمه وش قايل انااا ؟ نولا / يووو يادكتور ظالمه بعد ؟؟ لا لا انت فيك شي absentstar / كل هالكلام الجارح لقطوه عشان مكالمه اموت واعرف منهي الي كلمتك اداره اعمال/ دكتور تعال تعال <<< وراحوو بزوايه المكتب وقالت له بهمس  منهي علمني والله ما اقول يمكني اعرفهاا فأظبطهاا لك بس انت اشر وشوي التفتووو اثنينهم وشافوني واقفه وراهم د: وليد / بسم الله الرحمن الرحيم نور دربي / خير شاايف جني ؟؟ تراهاا قطوه اداره اعمال/ متى جيتي ورانا انتي انا / من يوم ماقلتي تعال تعال جيت معه ما احب اخليه لحاله لا يضيع د: وليد / لا ياشيخه اضيع وين وانتوو محاصريني تقل واحد سارق ثلاجه وخروو كلكم من هناك اشووف انا / اداره اعمال وخري انتي خاينه العشره تبين تظبطينه اجل اداره اعمال/ لا والله ماكنت اقصد يافاالحه بس قلت ابسوي فيه حركه واخليه يعلمني منهي لاكوست / اقول دكتور ؟ وش السااالفه وانا طالب عندكم وش فيه عبد الله بن ابراهيم / لاكوست ؟ الناس تقول وانا اخو كاو وانا ولدك مو وانا طالب لاكوست / والله كيفي انا طالب مو طالب متصل عالبوفيه كيفي انا اقول الي يعجبني عبد الله بن ابراهيم / بس بل حشااا جاي بشرك انت طيب وهذه سكته وسكتناا ام خالد / سكته الي تشيل العدووو ان شاء الله شفيكم ياشباب هدوو اللعب شوي وضوح / اقول جرح شمر اليوم شكلك جونان وربي وين قاصه شعرك جرح شمر / ياقلبي تسلمين والله انا عقب مارجعنا من السفره حقتنا لإسترالياا قلت برووح اقص شعري بسوي نيو لوك وبس لكن شرايك وضوح / تهبلين والله بسم الله عليك نولا / وش اسمها قصتك ابقص مثلهاا جرح شمر / فكتوريا هومي / لا وين هذه قصه بيكهام موب فكتورياا ميمو / طيب وبيكهام منو يالطيبه موب زوج فكتوريااا ؟ هومي / هاااه آآآآ ويه الحمد لله والشكر هالأجانب مهبل يقصون قصه ويسمونها على اساميهم اداره اعمال/ طيب وليش زعلانه ؟ هومي / ماعاش من يزعلني وانا بنت ابوي بس خلاص انا بقص قصه وبسميها على اسمي (( قصه هومي)) نولا / ههههههههههههههااي ووش نوعهااا اشك انهاا مطبااات هوائيه كل مكان له قصه منا ( الفراوله ومن هناك الأنناس ومن قدام مافي شعر مره ) والله يستر هومي / تتطنزين علي حضرتك انا اوريك بأخترعها واجيكم فيها وتشوفين بتنشهر انا / هيييه ترى طلعنااا عن نطاق الموضوع ؟؟ absentstar / من جد ايوه يادكتور وش كنت تقول د: وليد / وانا تكلمت اصلن ساكت انتظركم نولا / يعني بتقول لهاااا منهي انا / اكيد بيقول اجل وشوله ضاربين خط ومتعبين انفسنااا والحر صك روسنااا ؟؟ عشان يقول لنا طبعااا د: وليد / حشااا جايه من منفوحه وانا مدري المهم انا / درررررررررررررررررررر درررررررررر د: وليد / خيرر قطوهـ وش درررررر انا / صوت الطبول موب كذا نسمع بالمسلسلات لا بغوو بقولون شي مهم ؟ د: وليد / اللهم اشفيهاا ياارب انا / ليش وش قالـــ ... <<< قااطعني لاكوست وقال لاكوست / اوووووووووووووووووووووووووص بليييز اعطيك الي تبينه بس اسكتي رجااءآ انا / اووووف طيب وهذاني سكت والي يترجاني اتكلم ماراح اعطيه وجهد: وليد / خلوها ذي ماعندها سالفه المهم انا / مبققه عيوني لأنه قال ماعندي سالفه د: وليد / المهم بمااا ان آخر سفره لكم كاانت عواقبها وخيمه والضحيه قطوه (( ويناظرني )) انا / (( لفيت وجهي وتكتفت مابي اناظره )) د: وليد / ويييييه مالت لا تناظرين مسويه زعلانه انا / (( رجعت اناظره وانا مبققه عيوني ))د: وليد / المهم قلت اعوضكم عنها واسفركم لمكان احسن واجمل لا فيه غابات ولاهم يحزنون ولا اوادم تااكل وقفه عشان تفهمون الموضوع " (( هنا المفروض اننا كنا مسافرين للإتسراليا وهناك طلعو موجودين الهنود الحمر وكانو ياكلون اوادم احتجزوني بقفص بس الحمد لله قدرتو تطلعوني ورجعنا ع السعوديه بسلام )) نكمل " د: وليد / رسلت فاكس بأسماءكم وصوركم وجميع الطلبات الي يحتاجونها والحمد لله اليوم اتصلت علي رئسيه المقررر وقالت تم قلبولكم كلكم ولازم انا الي اشرف عليكم هناك بماا اني دكتور جامعتكم وبس طلال العز / طيب وين بنسافر هومي / يووو دكتور رسلت الصور حقت العام ؟؟؟ ماكنت كاشخه فيهااا نولا / اقول انطمي ترى مو وقتك دكتور وين وين بنسافر الشمالي / ايه من جد وين لاكوست / بنسافر ؟؟ وانت تكلم وحده شلون تجي ذي د: وليد/ هذه نفسهاا الرئيييييييسه تعبت وانا اقول جرح شمر / اهااا طيب منهي ووين بنروح ومتى وشلون ولمدة كم اسبوع؟؟؟ د: وليد / هذه ( رولا ) رئيسه ستار اكاديمي انا ماشاء الله اشوفكم ماغير تتنكسون  وتحبون تغنون فرسلت فااكس لكم وتم قبولكم في (( ستااار اكاديمي الموسم 7 )) absentstar / ووااااااااااااااااااااااااااااااااااااااااااووووو وهيلي يارمانه هيلي يارومانه هومي / الله بروح واشوف عزوز الشمالي / ههههههههههههههههههههههههههههههههههههههههه طلال العز / اللللللللللللللللللله ياادكتور وربي ابوو الوناسه طيب متى بنساافر ؟ د: وليد/ عقب اسبوعين ان شاء الله لين تتجهزون وتخلصون وتصور كل واحد فيكم ونشوف وش يحب ووش مايحب عشان يحطونكم بالمكان المنااسب نولا / قطوهـ مو وناسه ؟ وانتي جايه تركضين حضرتك الدكتور يكلم وحده مسكين ظلمتيه قطوهـ ؟؟ يؤؤؤؤ وينهاا ؟؟ قطوهـ وين رحتي ؟ د: وليد / واقلبي عليها لا يكون زعلت بس وراحت البيت نولا / لا لا وين نور دربي / يمه وين اختفت البنت لا يكون راحت تنتحر ؟؟ هي قالت لو زعلتوني بتنحر بسرعه خل نروح الكلاس شكلهاا هناك عشان لا تطب من فوق الكرسي ههههههههههههههههههههههههههه بليز مانبي احد يتعور نبي نسافر وحنااا سليمين وراحووو يدورون علي وماابقووو مكاان مادوروو علي فيه لاكوست / لا يكون ؟؟؟ علي 2010 / وشووو ؟؟ لاكوست / انا قلت لهااا تبين تنتحرين طبي من فوق السطح شكلهاا زعلت بقوه اليوم محد معطيهاا وجه مسكينه د: وليد / من جدك انت تقول لها كذا تراااها انسانه رقيقه وشفاافيه ينفذ من خلالها الضوء بكل رقه وعذوبه علي 2010/ حشااا وش هي قزازه ؟؟ ام خالد / علي اسمهاا ( زجاج ) مو قزازه آهآآت / بسكم كلالالالالام البنت وين وراحوو مناا ومناك ومن هونيك ومن عندهم ومن عندناا والله يحيكم كلكم انتم ومن يعز عليكم <<< حشااا عازمتهم على عرس ذي وماااااااااااااااالقووني ووين تتوقوون رحت ؟؟؟ ترقبوو الجزء الثاااني "
|
|
2010- 4- 8
|
#3 |
|
مشرف سابق
|
رد: من كتاباتي ( موضوع للفرفشه فقط ) الزهقان يدخل يوسع صدرهـ معاي "
هههههههههههههههههههههه
ههههههههههههههههههههههههههههههه اما مدير الجامعه طلع حفلة خخخخخخخخخ اجل بيسفرنا ل ستار اكاديمي  تسلم الايادي قطوة قصة ررررررررررررهيبة دخلت جو وصدقت اننا بكلاس واحد ننتظر الجزء الثاني والله يستر ------------ ملاحظة ترى اختنا ذيك ام عيون زرق اسمها جرح شمران مو جرح شمر |
|
2010- 4- 8
|
#4 |
|
أكـاديـمـي نــشـط
|
رد: من كتاباتي ( موضوع للفرفشه فقط ) الزهقان يدخل يوسع صدرهـ معاي "
[
font="georgia"]خيااااااال واسع مشاء الله قطوه لك مستقبل في سينما هوليود وفي كتابه سيناريو الجديد طبعاً اكون انا البطله بس عشان تكون شهره على نطاق اوسع >>>> تطمح للوصول للعالميه تسلمين ياعسل [/font] |
|
2010- 4- 8
|
#5 |
|
أكـاديـمـي فـعّـال
|
رد: من كتاباتي ( موضوع للفرفشه فقط ) الزهقان يدخل يوسع صدرهـ معاي "
هههههههههههههههههههههههه
دخلت بالجو ههههههههههههه ماشاء الله عليك قطوه لك مستقل منتظرين البقيه |
|
2010- 4- 8
|
#6 |
|
أكـاديـمـي
|
رد: من كتاباتي ( موضوع للفرفشه فقط ) الزهقان يدخل يوسع صدرهـ معاي "
واو واو واو
فلم هندى واسع الخيال مررررره بس عن جد انا قايل من اول اميره انتى اميره وبالأخص يوم نسيتينى هع هع |
|
2010- 4- 8
|
#7 |
|
أكـاديـمـي فـعّـال
|
رد: من كتاباتي ( موضوع للفرفشه فقط ) الزهقان يدخل يوسع صدرهـ معاي "
وين طاش عنك من جد ههههههههههههههههههههههههههههه
حلو تغيير الجو والفرفشه والضحك ههههههههههههههههههههه ننتظر الجزء الثاني وانا اتوقع انه احلى من هذا بكثير تحياتي دكتوره ميو ماننحرمش يارب |
|
2010- 4- 8
|
#8 |
|
أكـاديـمـي ألـمـاسـي
|
رد: من كتاباتي ( موضوع للفرفشه فقط ) الزهقان يدخل يوسع صدرهـ معاي "
ههههههههههههههههههه
الله الله أحلى مافي القصه أن أناا موجودهـ فيهاا :c8: :c8: :c8: >>> واثقه البنت تسسسسسسسسلم هالأنااامل ع القصه الخياليه الراآئعه 
|
|
2010- 4- 8
|
#9 |
|
أكـاديـمـي ألـمـاسـي
|
رد: من كتاباتي ( موضوع للفرفشه فقط ) الزهقان يدخل يوسع صدرهـ معاي "
قطوة
من جد انتي طلعتي شخصيتي من جد ابدعتي في شخصيتي كذا انا جدية ما احب اللعب :mh19:mh19::mh19<<زي هذا الفيس أنا شخصية تحليلية ::هههههههههههههههههههههههههههههههههههههههههههههههه هههههههههههههههههه استدرج الشخص علشان اشوف وش عنده يعني استهبل عليه بس والله يوم قلت لك هذاك الوقت اني صادقة بس ابيه يتكلم ولا أقصد اضبطها له حرام من جمع راسين بالحرام أعوذ بالله >>اللهم زدني جهلا بهذه الأمور ننتظر الجزء الثاني بس تكفين خليهم خميس وجمعة علشان نترقب وغير كذا نتفرغ للداراسة هلا والله بأغاثا كريستي 
|
|
2010- 4- 8
|
#10 |
|
أكـاديـمـي مـشـارك
|
رد: من كتاباتي ( موضوع للفرفشه فقط ) الزهقان يدخل يوسع صدرهـ معاي "
يسلمووو قطوتنااا
قصه خياااله لكنهااا تجنن
|
|
| مواقع النشر (المفضلة) |
| الكلمات الدلالية (Tags) |
| من كتاباتي موضوع للفرفشه فقط الزهقان يدخل يوسع صدرهـ معاي |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
