بغى قلبي يفضفض للزمن عن حاله وعييت
انا عاشق ليامن ضااق صدره صك ازاريره
سهرت ادور الحان القصيد ونمت ماغنيت
ملى صوتي شجن وافلت لساني حبل تعبيره
حرمت الجفن من حلو النعاس ورحت ماخليت
في شعري غير حلم من عرفته صعب تفسيره
ياعجز بيت دندام جروح في صدر البيت
انا بالي لا ساد الليل حتى النسمه تثيره
حبيبي كل مازاد الجفا والهجر والتشتيت
وسيّرك الزمن في سيرة مالي بها سيره
امانه لو نسيت الوصل وايامه ورحت وجيت
لاتنسى كلمة احبك بخلف ورغبه وحيره
احبك كثر ماحاولت اشتت وحشتك وازريت
واحبك كثر ماسراني الشوق في مشاويره
واحبك كثر ماشديت لجروحك بقلبي بيت
واحبك كثر ماخلصت لغلاك وكثر تقصيره
بغى قلبي يفضفض للزمن عن حاله وعييت
انا عاشق ليامن ضاق صدره صك ازاريره
اخاف يلاحظ الفرقى بوجهي عاذلن مريت
وتكبر ضيقتي من عالم في عيني صغيره
فمان الله وسامحني على النسيان كان اخطيت
بعيش في ديره اوطان الهوى والعشق في ديره
عطيت الحب قلب ونبض صادق بس وش سويت
عطانا الحب هجرانك وبعدك لاكثر خيره
ياليت الحب مايرسم بعيني وجه من حبيت
عشان اذا رحل عني حبيب احب لي غيره