|
كيف اكون ناجح وايجابي عندي نصيحه
السلام عليكم
بما انكم دخلتو على هذي الصفحه فهذا يعني انك بديت\ي خطوه لتطوير ذاتك وتحسين قدراتك وهذا الشي ممتاز طبعا
بداية اسال\ي نفسك ليش انا في الجامعه هل عشان يكون عندي شهاده توظفني او عشان اتعلم واطور نفسي وانير عقلي لو كان جوابكم (ابغى الوظيفه) فقط انت تحتاج الى الكثير من تقدير نفسك لانك اذا حبيت نفسك و وثقت في نفسك راح تتعلم وتثقف حتى تنجح بحياتك لازم يكون لك هدف الله خلقنا في الحياة وحط لنا قيمه وكل شخص فينا عنده قيمه بس فيه من يدفن قيمته بسبب عدم تقديره لذاته
طيب كيف اعرف انا مقدر نفسي اقول لكم كيف ايش الكلام اللي تقوله عن نفسك انا ذكي انا اقدر انا ناجح او العكس طيب اذا تخيلت نفسك بعد خمس سنوات كيف تشوف حياتك اوضعك الشي اللي تتخيله الحين نفسه راح يصير بعد خمس سنوات هنا اهميه التقدير الذاتي العقل الباطن عند الانسان مثل التربه الخصبه والعقل الواعي اللي نفكر فيه مثل البذور اي فكره تفكرها وتؤمن فيها راح تروح للعقل الا واعي او العقل الباطن وتزرع داخلك طيب فهمنا من الكلام انا نقدر نزرع شي شديد ونشيل القديم نقدر نحذف الافكارالسلبيه عن انفسنا ونحط شي ايجابي يخلي اعتقادنا عن انفسنا افضل مو بس في التعليم في الاسره وفي علاقتنا مع الاخرين وتذكروا دئما مافيه احد يخلك ماتثق في نفسك الا اذا سمحت له ولا رئي احد فيك ممكن يكون يحدد مستقبلك وتذكر انت لا شكلك ولاطولك ولا وزنك ولا لونك انت هديه من رب العالمين عندك شي تقدر تقدمه لغيرك
الكلام اللي ذكرته القليل جدا من علم البرمجه اللغويه العصيبه انا فقط حبيت اذكركم انكم ممكن تكونو افضل من كل النواحي واللي قراء كلامي حتى هنا وعندك الحماس تتغير للافضل فيه كتب لهذا العلم من اشهرها لدكتور ابراهيم الفقي اللي غير الكثير من ضمنهم انا كان هديه من الله لي حتى اعيد مفاهيم كثيره بحياتي التحفيز لابد ان يكون مستمر لازم نتقدم لو رجعت خطوه للورا نبداء من جديد نتقدم نقراء نسمع حتى نكون مفيدين وتسهل حاجات كثير بحياتنا واوعدكم تكونو اسعد واكثر ثقه بنفسكم ونجاح اتمنى لكم التوفيق من قلبي
التعديل الأخير تم بواسطة اروى شعلان عون ; 2016- 3- 3 الساعة 01:32 PM
|
2016- 3- 3
المواضيع المتشابهه
