 |
|
||||||
| ملتقى الفنون الأدبية شعر,نثر,خواطر,قصص,روايات وجميع الفنون الادبية |
 |
|
|
أدوات الموضوع |
|
#1
2016- 3- 3
|
||||
|
||||
تظن إن الحياة إن حاولت : تقدرك تنسيك أو تنـّسيني ؟!
[align=center][table1="width:95%;background-image:url('http://www.a3da.net/wp-content/uploads/2014/05/black-wallpaper-%D8%AE%D9%84%D9%81%D9%8A%D8%A7%D8%AA-%D8%B3%D9%88%D8%AF%D8%A7%D8%A1-9.jpg');"][cell="filter:;"][align=center]
  ولو تدرين إن النبرة الأولى لصوتك وحدها تقدر تنجّيني تعيّشني بأمان وأمن ... وترضيني برغم الساكنين من السكاكين / الأ♥ـبة قطعتني في قلوب كثار مليانه سدر مشحونة بغربة .. ووحدك من جمعتيني ! ** عرفتي ليه أ♥ـبك كل هذا الحدّ الى آخر حدودي بالظنون وكل ما ألقاه يكون انتي .. في كل شي أشوفك كنت ياما أشوفك فيه .. ياما هنا كنتي .. ! وفيما كان كل العمر لحظة تيه كنتي الصوت في توحيد روحي فيك يا أنتي ياصوت الحياة المانح الفاتح بروحي كل مداينها بعد أزمان هجرة أهلها منها .. تشقق وجهها .. متجهمة من عصر ماكان المطر بالأرض ولا توحي سوى بالبرد ، بالمنفى .. في ما كان لا أشكال تعرفها ولا ألوان حياةٍ قاتلة منزوعة الإيمان ولقت بك ريحةٍ تعني وطنها وأختصرتيني ! ** وجيتيني من كل إتجاهات الجهات بإختلافات اللغات الألسن الألوان والأصوات في أعظم من المكتوب بالأرواق بـ ( صوت الـ♥ـب ) من الإنسان إلى الإنسان مثل ماكنت أعـْرِف ريحته طعمه .. مروره بالشعور الخالد المتشابه الواحد والأرض اللي يمر فيها ويبنيها بطعم الـ♥ـب عرفت أ♥ـب وجدير بكثر ما ينـ♥ـب *** متى ماعربد بصدرك رياح شتاك و برد الغايبين أستفردك هزّك .. كسر بك وسدّ الدّرب عن دربك وحيد وغربتك دود إنتشر بك والحزن طال وتخمــِّر بك ولا كان أحَّـد بقربك !! : ♥ـبيبك من حطب لك من شجر روحه دفاك ورد صار الظل .. يبلّـل صدرك اليابس ويمسح جفنك المبتل ♥ـبيبك من يكون الكل بضحكة تزهر بوجهك حدايق فُل بلمسة تشعرك في ثانية معناك وتتوزان حياتك في دفاه بكثر ماكانت .. من برد العمر تختل !! ♥ـبيبك من لقيت بصدره بلادك وأهلك كل ماضاعت من عيونك عناوين الدفا صاحب تـ♥ـبه قلب شاغر قلب مستعمل .. أو من كان في يوم بحياتك خِلّ وتتأمّل : ♥ـبيبك من يعوّض كل نقص بأي جزء بروحك ومن قبل تتكلم يصير الجزء الأجمل فيك والأكمل .. ♥ـبيبك نفسه اللي إن غاب حضر بك حزنك الأشعث وصار أطول .. تحس بقلبك الخشن يتآكل من بعد ماكان وجهك فيه يتهلّل .. ويتبلّل با♥ـبابه ويتظلّل .. ! *** لذلك كنت أ♥ـبك والمعاني غير حتى عن معانيها أ♥ـبك لين أشوف الرّيش من بين الحروف يطير والألحان تتجدّد وتتوحّد وتتمدّد وتكبر في بعضها بإحتراف العازفين / العارفين بكل خلطة شعر أرتّـبها جميلة هينة متهيئة لك ليـنة مستعجلة حد إنها تمشي عليك ومامعاها ظل ! وأظن إنك وأظن إني توحّدتك وصرتيني وصرنا إثنينا فينا إلى هذا المدى نقدر نكـفّـينا !! *** على هذا تركتيني عليه وأشعر بطعمه بأول خطوةٍ مدّيتها بالعمر وكانت بإتجاه الصّح والأفصح متى ما جـاع لك قلبي تقاطر قلبك بسلوى ورجع يقطر علي بمنّ ! وكل أرض إنتهت خطوات رجلينك عليها تصيـر لي موطن وهذا أقصى حدود انك تـ♥ـب بفن .. !! *** أ♥ـبك كثر ما باقي عمر بالعمر يمديني بنكهة روحك وريحانها وأنتي تـ♥ـبيني .. أ♥ـب إني أ♥ـبك وأسـلتذ إنك تردّيني تغيـضيني .. وتلمّين الشِّعر لما تشـظّيني .. تخلّيني أحس إني أنا الموحى عليك وفاض بي نهرك يطهّرني ينقّـيني قبل إيديك تاخذني وتعصف كل مافيني وإنتي الآمنه عندي وإنتي المؤمنة فيـني وأ♥ـب إني : تـ♥ـبيني ! تظنيني عقلت وصرت مجنونك ؟! أنا محتاج أ♥ـبك كل يوم بعكس ماتتوقع ظنونك وأتشكّل مثل ماتشتهي عيونك وأتلوّن مثل لونك ولا أعزف مقامات الشّجن إلا على أوتار ضحكاتك على نوتة ضياك المجتمع حولك ومن دونك .. وكل مـا مرّ بك خاطر تجـيني تزهريـني تتركيني للربيع وتمنحيـني ماتبسم من زهر له ريحة الياما وياما ما تقسّم بيـننا والعشب ينبت من جديد بشفّـتي ويعيـد تلويني تطير من الصّدر عندك : عصـافيري بلا إستئذان سوى ماتتركه فيـأني من الإيمان شعوري إن الأقرب للكمال إنســـاان لمّا يصير مو أكثر ولا أدني من أي شي سوى إنسـان ! وعصافيري لحدّ الآن تجمع لك من أسراري الكثيـر وما أخبي بجيـب عيني بعض مـافيني شعوري إنك أجمل من قـتلتيـني ! عشان أحيا بك بما يفترض إني أكونه مثل ما كنتيه وصرنا مثل ماحنا عليه الآن : أعيشك وإنتي تعيشين فيني تمنحيني عمر يكفيني أ♥ـبك لين ما شوفك كبرتي بي كبرنا وأختلط بسنينك سنينني نسينا كم كنا وكم صرنا لغاية إنـا كلّنا صرنا بحّـنا وصرت ماأدري أنا من بيـننا ويني ؟! *** جمعت من الشّـتات / الشعر وسـال الأزرق أكثر ما أظنه : من نهر كوثر بعيـنك ورَدْ لأرضه بعيـني ! وأصيـر بخيـر وإنتي كل ماتعنيه كلمة خير من أول بذوره لإمتداده لآخر الأرض السّـما والغيب من يوم إحتويتني .. وتجمَّع فيك كل مافات مني ومابقى فيـني رسمتي في حياتي من حياتك مايخليني أخاف إن نمت أضيع بحلم ويمكن مـاتعرفيني !! *** سألتيـني : تظن إن الحياة إن حاولت : تقدرك تنسيك أو تنـّسيني ؟! سألتيني : وأنا ماقلت لك أي شي تبسّـمت ولمست إيدك كثر ماكنت أبي أرجع معاها وأقدر آعيدك أزيـدك من دفـاي وإحتميت بكل ما أقدر بصوت غناي يــ / أجمل من عرف معناي يـ / صوت الناي يا ضحكة زماني ياسبب ماخفتي إنه جاي بصوت شتاك وبرد شتاي ويا فوضاي ... أنا الواقف على الأبواب أغني لك " أسـاميـنا " وتتبسّم عيونك تضحكين أدري قصدتي الناس وأردّ أكثر أغنّي : "وش تبي فيـنا !" وهذي الناس .. هي ضاقت عليها الأرض أو ضاقت " بأسـاميـنا " ؟! أسـاميـنا أسامينا ولاهي من كلام إلا : أسى أكثر إذا ماهي تجمـِّعنا إذا ضعنا عن الأرض وتصير أول مراسينا وحضن البحر والمينا ابجمع كثر ما أقدر ليـالينا لعلّ اللي لقيته منها يقدر يكفينا يدفّيـنا ويحرقنا ويطفّـينا وننسى كل مايمكن يلّهينا عن الشوق الطويل وما ترك فيـنا ! خلّينا نعيش وماعلينا : كمّلي لي : ( يا♥ـبيبي ماعلينا من كلام الناس) ( أساميـنا ) إجمعي الليلة معاي اللي تشتّـت واتجمّعي به شمل أغانـينا أغانينا لنا والناس أغانيها علينا ماعلينا من كلام الناس وخلّي الناس تسمعنا وتحفظنا وتطرينا .. تسأل عنّنا لمّا نغيب شصار فينا بعدها وش كان فينا ؟ وكان : فينا اللي مكفينا ما بين إبتلاء أو رحمة الله في طيور تطوّفنا تنفض علينا ريشها بمثل السكون ومادرينا ويننا مدري نسينا .. أو سبحان من يعلم وش اللي كان فينا غير ما فينا !!  [/align][/cell][/table1][/align] التعديل الأخير تم بواسطة 2COOL ; 2016- 3- 3 الساعة 06:40 PM 
|
|
2016- 3- 3
|
#2 |
|
:: مشرفة ::
مدونات الأعضاء 
|
رد: تظن إن الحياة إن حاولت : تقدرك تنسيك أو تنـّسيني ؟!
الله يسعدك لروحك ..
|
|
|
|
2016- 3- 4
|
#3 |
|
متميز بملتقى الفنون الادبية
|
رد: تظن إن الحياة إن حاولت : تقدرك تنسيك أو تنـّسيني ؟!
دائما متميزه أخت/ 2cool في الانتقاء.
سلمتي على روعه طرحك نترقب المزيد من جديدك الرائع. دمتي ودام لنا روعه مواضيعك. لكـ خالص إحترامي. |
|
|
|
2016- 3- 5
|
#4 |
|
أكـاديـمـي فـعّـال
|
رد: تظن إن الحياة إن حاولت : تقدرك تنسيك أو تنـّسيني ؟!
مميزة بانتفاءك للشعر والنثر
|
|
|
|
2016- 3- 7
|
#5 |
|
متميز بملتقى الفنون الأدبية
|
رد: تظن إن الحياة إن حاولت : تقدرك تنسيك أو تنـّسيني ؟!
نص من الطراز الفاخر مليئ بالأبداع والجمال
لاهنتي على هذا النفس الشعري الراقي ي توكول أدون إعجابي بما قرأته هنا ممتن لك |
|
|
|
2016- 3- 8
|
#6 |
|
المشرفة العامة سابقاً
ملتقى الفنون الأدبية 
|
رد: تظن إن الحياة إن حاولت : تقدرك تنسيك أو تنـّسيني ؟!
_
نص رآئع وانتقاء مميَز , سلمتِ وأحسنتي غلاتي لكِ 
|
|
|
|
2016- 3- 9
|
#7 |
|
المراقبة العامة
|
رد: تظن إن الحياة إن حاولت : تقدرك تنسيك أو تنـّسيني ؟!
 |
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
