|
ملتقى الفنون الأدبية شعر,نثر,خواطر,قصص,روايات وجميع الفنون الادبية |
|
أدوات الموضوع |
#1
|
||||
|
||||
أنا ماهقيت يسوّي الوقت ما سوّاه`
أنا ماهقيت يسوّي الوقت ما سوّاه
وخان الزمان وعادة الوقت خوّاني ويا حيّ من هذي دياره وذا مرباه ذواري هبوب النود من فوقها باني أنا يوم شفت البيت متهدم ٍ مبناه تذكّرت زول ٍ كان في البيت سكّاني أنادي عليه وساقي العين جاري ٍ ماه وأنا عارف إني لو تحرّيت ماجاني ظلمني الزمان اللي جبرني على فرقاه صواديف بقعا شرّها ما تعدّاني صدوف الزمان وطول صبر ٍ لحقت اقصاه حدتني على مبدا الطويلة مسيّاني أنا قد بغيت أوقف الرجل من مبداه ولكن شفت الموت مازيد خلاني إلى جيت عد ٍ قد نزل ماه والا جاه تسابق دموعي واظهرت خافي أحزاني أنا كيف ابدله واطمع ان خاطري ينساه وأنا كل ما مريت مدهاله ابكاني إلى جات به الاخبار وألاّ حد ٍ طرّاه ما عاد أتسمّع صوت من زيد حاكاني أعيش بخياله واتنادم مع ذكراه ويدوي بي الهاجوس في عالم ٍ ثاني يغيّم سماي إلى تواجهت أنا ويّاه وحتى الحكي ماعاد ينطق به لساني قضى العمر كله عادني في رجا لاماه وطال الرجا والياس قام يتحداني هو اللي تتوق النفس لمشاهده وحكاه ولا جا بقلبي عنْه سجّه ونسياني |
2010- 6- 4 | #2 |
أكـاديـمـي مـشـارك
|
رد: أنا ماهقيت يسوّي الوقت ما سوّاه`
يسلمو هآآوي=)..~
|
2010- 6- 10 | #3 |
مراقبة عامة سابقاً
|
رد: أنا ماهقيت يسوّي الوقت ما سوّاه`
يعطيك العافية
. . . |
مواقع النشر (المفضلة) |
الكلمات الدلالية (Tags) |
ماهقيت, لوا, الوقت, يسوّي, سوّاه` |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
الوقت والعلم جناحي الطالب يطير بهما وإلا سقط ، محمد عبد الدايم | محمدعبدالدايم | منتدى كلية الآداب بالأحساء | 2 | 2010- 5- 24 09:15 PM |