المشاركة الأصلية كتبت بواسطة جوالينا

الصراااحه ماعندي والله ولا مشهور لا بسناب ولا الانستا ولا تويتر
لأنهم مايهموني ابدا سواء كانو شباب او بنات

المشاركة الأصلية كتبت بواسطة P e a c e

وعليكم السلام ورحمة الله

صحيح غيداء شفت الهاشتاق في تويتر قبل كم يوم
والكثير يغرد فيه
في رأيي أنه ما راح يتسبب في تقليل عدد المتابعين لأي مشهور

اللي تابع شخص مشهور تابعه عن قناعه
والحملة ما راح تغير رايه

والسبب هو أن هذول المشاهير ما اشتهروا إلا لأن حساباتهم تعجب الناس اللي تابعتهم
اللي أعجبه شيخ واللي أعجبه لاعب واللي أعجبه مغني أو كاتب أو سياسي مو جالس يستنى حملة تبليك تغير رايه

كان العذر أن هذول دائما يظهروا البذخ ويسببوا المشاكل لبعض العوائل اللي تحب تقلدهم أو للي ما يقدر يقلدهم

طيب هذا المشهور ما راح دق الباب على هالناس ومسك جوالاتهم وضعط متابعة على حسابه غصب
هذول الناس تابعوه لأنه يعجبهم
يعني لو أنا كنت أتابع حساب شخص دائما يظهر البذخ لأني أحب اشوف مظاهر البذخ
بس بعدين شفت هذي الحملة
هل بقول: شكرا قلتوا لي، خلاص بلغي المتابعة، ما كنت أدري إنه مسوي لي مشاكل

على سبيل المثال لو عملت هاشتاق "تبليك لعيبة الاتحاد"
هل مشجعين الاتحاد راح يتجاوبوا مع الحملة
اللي راح يتجاوب هم بعض مشجعين الأندية الأخرى اللي ما يتابعوا اللعيبة أصلا
بس راح يتجاوبوا بالسب والتجريح
أما أعداد متابعة ما راح تتغير ولا تتأثر حسب رأيي

يعني مو أشوف إنها صح أو غلط، لا
أشوفها مالها معنى أصلا
اللي صاير إنها فرصة للي يبي ينتقد ويجرّح المشاهير هذول

بل يمكن راح تنشر أسماء ما كنا نعرفها
وهذا اللي صاير عندي ألحين، مثلا كنت أسمع بالاسم "نهى نبيل" بس توني أعرف أن لها أخت اسمها نوف ومشهورة بعد
في أسماء ما عمري سمعتها ويمكن يجيني الفضول أشوف إيش هذا الحساب وليش مشهور
فهي دعاية أكثر منها تبليك، وما أتوقع راح يكون فيها تبليك

وشكرا جزيلا لك غيداء على طرح الموضوع