 |
|
||||||
| منتدى كلية الآداب بالأحساء منتدى كلية الآداب بالأحساء ; مساحة للتعاون و تبادل الخبرات بين طلاب و طالبات كلية الآداب بالأحساء و نقل آخر الأخبار و المستجدات . |
 |
|
|
أدوات الموضوع |
|
#1
2010- 9- 13
|
||||
|
||||
|
إلى طالبات قسم اللغة الإنجليزية الخبيرات
بسم الله الرحمن الرحيم أهلا وسهلا بكم يا طالبات قسم اللغة الإنجليزية أبسألكم عدة أسئلة مهمة لجميع الطالبات وهي موجهة للطالبات الخبيرات بالقسم فقط واللي ترد الله يعافيها ويحقق لها اللي تتمناه 1 هل بعد التخرج من القسم هذا تحسين تتكلمين إنجليزي ببراعة بدون دورة؟ 2 هل الدورة أو المعهد تفيد ولا يتكلمون عربي ومافي فائدة؟ 3 هل المواد الدراسية بايخة ومالها معنى أم مفيدة؟ 4 هل دراستكم معتمدة على الحفظ الصم ؟ 5 كيف تذاكرون مادة الشعر ؟ ومارأيكم بها بالتفصيل؟ 6 مارأيكم بالأدب الإنجليزي والأمريكي ؟ وما هو انطباعكم عنه؟. 7 هل أنتم دائما تترجمون وما هو حالكم بفعل ذلك أم أنكم تملون فتحفظون بلا فهم؟. 8 مارأيكم بالملازم التي تأتي بعد عدة محاضرات ولا تعلمين عنها شيئاً، فقط في الاختبار؟. 9 هل الدراسة في ذلك القسم تخرجين منها بفائدة أم لا ؟ 10 هل تنصحين بدراسة اللغة الإنجليزية في كلية الآداب؟. 11 ما هو وضعكم في الاختبارات الشهرية مع المحاضرات، وفي الأسبوع السابق للاختبارات النهائية؟. 12 ما هو حالكم في الاختبارات النهائية؟. أرجو الإجابة من طالبات قسم اللغة الإنجليزية وتكون الإجابة بكل صراحة وعفوية وذكر مشكلات وعيوب القسم التي تواجهكن بالدراسة بسرررعة ..
 الله يوفقكم لا تتأخرونتراني أنتظر .. وردكم مهم جداً رجاء لا ترد إلا خبيرة بالقسم .. من هي صاحبة الرد الأول؟. 
|
|
2010- 9- 17
|
#2 |
|
أكـاديـمـي
|
رد: إلى طالبات قسم اللغة الإنجليزية الخبيرات
معقولة 39 مشاهدة ولا فيه أي رد .. وينكم :g9:
|
|
|
|
2010- 9- 18
|
#3 |
|
أكـاديـمـي مـشـارك
|
رد: إلى طالبات قسم اللغة الإنجليزية الخبيرات
وعليكم السلام ورحمة الله وبركاته
احب انوه ان اغلب اللي يدخلون مستجدين صعبة يجاوبونك انتي طلبتي طلب محدد تبين طالبات لغة انجليزيه ربي يعطيك العافية |
|
|
|
2010- 9- 18
|
#4 |
|
أكـاديـمـي
|
رد: إلى طالبات قسم اللغة الإنجليزية الخبيرات
طيب ماذا أفعل ؟
أرجو نقل موضوعي لمكان فيه طالبات لغة إنجليزية شوفوا لي حل للأهمية القصوى :d1: بسرررعة ردوا يا الخبيرات بالقسم ماعاد فيني صبر |
|
|
|
2010- 9- 19
|
#5 |
|
أكـاديـمـي
|
رد: إلى طالبات قسم اللغة الإنجليزية الخبيرات
هلا بك يالغلا
1 هل بعد التخرج من القسم هذا تحسين تتكلمين إنجليزي ببراعة بدون دورة؟ لا .. وما انسى كلام رئيسة القسم يوم كنت سنة اولى قالت ان الدراسه في هالتخصص تعتمد عليكم بنسبة 80% اذا تبون تتقنون اللغه وتتطورون فيها بسرعه تراه يعتمد عليكم انتوا لاتعتمدون على اللي تدرسونه بس.. لازم تكون عندكم مجالات ثانيه لتطوير اللغه بس تأكدي لما تمر سنتين راح تحسين بالفرق انك تطورتي وانك صرتي تفهمين اكثر وتستوعبين اللغه وراح تكون عندك طلاقه في التحدث اكثر من قبل بشرط انك تطوري من نفسك مع الدراسه 2 هل الدورة أو المعهد تفيد ولا يتكلمون عربي ومافي فائدة؟ يعتمد على الشخص نفسه اذا هو جاد ومثابر ومجتهد راح تفيده اكيد 3 هل المواد الدراسية بايخة ومالها معنى أم مفيدة؟ فيه مواد مفيده وفيه زيادة عدد.. واحس فيه مواد تفيدك كـ ثقآفة بآلآدب الانجليزي اكثر من انها تفيدك كـ لغه لكن انتي احرصي على انك تستفيدين من اي كلمة تمر عليك 4 هل دراستكم معتمدة على الحفظ الصم ؟ لا.. لو حفظتي بدون فهم .. ابصم لك مليون بالميئه راح يطييير كل اللي حفظتيه اللغه الانجليزيه تحتاج فهم + حفظ بنفس الوقت واحيانا لما تفهمين ماده ويكون عندك مفردات ولغتك زينه تقدرين تعبرين فيها بفهمك مو شرط تحفظين صم 5 كيف تذاكرون مادة الشعر ؟ ومارأيكم بها بالتفصيل؟ وي بالبدايه معانااه والله .. وتراها على حسب الدكتور اي ماده بالدنيا تعتمد على دكتورها وانا مجربه الشعر عند 3 دكاتره مختلفين وكلن له اسلوبه وشرحه استاذه كرهتني في شي اسمه شعر ومافهت ولا شي وحملتها واستاذه تنحط ع الجرح يبرى .. تذوقت شعر بمعنى الكلمه واستمتعت فيه والله ودكتور شرحه رائع وتفهمين عليه بس لازم تركزين معه هو ماده صعبه ودسمه ويبي لها تعب لكنها حلوه لما تفهمينها وتعتمد على نوع القصائد اللي بيدرسك اياها الدكتور لان كل دكتور ومزاجه واختياره للقصائد وانا احب القصائد الرومانسيه اما بالنسبه كيف نذاكرها 1- لازم تنتبهين للشرح في المحاضره وتركزين وتفتحين مخك عدل ولا يفوتك شي كل شي يقوله الدكتور او يكتبه اكتبيه على طول وخليك سريعه اعتمدي على نفسك 2- فيه كويزات اللي هي اختبارات دوريه عليها 10 درجات مثلا وتكون في 4 قصائد مثلا .. هذا راح يسهلها عليك انك تذاكرين جزء وتختبري فيه وبعدين يجيك جزء وتكوني انتي مذاكره اللي قبل 3- بالنهائي اعرفي انك لازم تفتحين الماده في الاسبوع اللي قبل الاختبارات وتذاكرين جزء لانك احتمال ماتخلصين مذاكره بليلة الاختبار لو كان عندك 8 قصائد مثلا وكل دكتور ويختلف العدد عنده قد درستني استاذه خذينا معها بس 3 قصائد لكن الدكتور لازم دبل 6 او 8 قصائد 6 مارأيكم بالأدب الإنجليزي والأمريكي ؟ وما هو انطباعكم عنه؟. فيه ماده اسمها تاريخ الادب الانجليزي .. درستني اياها استاذه كرهتها من قلب هالماده .. تعبت فيها ذاكرتها 3 ايام واخر شي احملها!! قهر لكن يوم خذيتها عند دكتور رووعه والله سهل الماده لخصها لنا والحمدالله نجحنا وبرد قلبنا ان جنرال رايي بالادب الانجليزي والامريكي انه ادب حافل بالاعمال الادبيه من شعر ونثر ومسرح وحلو يكون عندك ثقافه بهالشي لكن دراسته متعبه وفيه مسرحيات و روايات حلوه وهادفه .. لما تفهمينها راح تحسين بقيمتها والهدف منها طبعا لما تدرسين مسرحيه او روايه حاولتي تبحثي عن فلم لها وتابعيه بتركز احداثه في مخك وتعينك على فهم الماده 7 هل أنتم دائما تترجمون وما هو حالكم بفعل ذلك أم أنكم تملون فتحفظون بلا فهم؟. ويه خليها على الله ايه والله نترجم صراحه .. صعبه احفظ بدون فهم!! منها اني افهم وش تعنيه هالكلمات ومنها اني احفظها لكن الترجمه يبي لها وقت والله 8 مارأيكم بالملازم التي تأتي بعد عدة محاضرات ولا تعلمين عنها شيئاً، فقط في الاختبار؟. فيه ملازم تساعد في الماده ونستفيد منها وفيه ملازم صراحه تشوش الطالبه وتخربط معلوماتها اذا كانت كذا انا اكتفي باللي فهمته وباللي عندي من محاضرات 9 هل الدراسة في ذلك القسم تخرجين منها بفائدة أم لا ؟ اكييد ولوووو على هالتعب والعذاب وبعد مانستفيد !! كان علووم لكن لازم تفهمين حاجه يالغلا انك لاتعتمدين على الدراسه داخل الكليه فقط لا خلي الكليه وسيله واستخدمي وسائل ثانيه اسمعي اللغه كثييير تراه بيفيدك حتى لو مافهتمي مردك راح تفهمين مع الاستمرار واقرأي وتكلمي بالبيت بأي مكان .. تابعي افلام استمعي لاناشيد اجنبيه مثل سامي يوسف 10 هل تنصحين بدراسة اللغة الإنجليزية في كلية الآداب؟. والله شوفي .. كل شي بالدنيا له ايجابيات وله سلبيات وفي كلية الاداب التخصص هذا نفس الشي له ايجابيات وسلبيات من الايجابيات وجود دكاتره شرح روعه واخلاق و طيبه لكن فيه دكاتره ودك تزنطينهم وتحذفينهم من الكليه ومن السلبيات تحسين فيه مواد مالها داعي وماتفيدك باللغه غير زيادة مواد بس ومن السلبيات بالكليه بشكل عام ان القاعه اللي بيدرسك فيها دكتور راح تكون ظلمه والنور مشغل عند الدكتور بس وتحسين عيونك تتعب والله واذا صار فيك النووم ترا الجو يسااعد هع 11 ما هو وضعكم في الاختبارات الشهرية مع المحاضرات، وفي الأسبوع السابق للاختبارات النهائية؟. وضعنا ان للاختبار وقت مخصص يوميا حق كل ماده غير وقت المحاضره عاد المحاضرات اللي قبل الاختبار الله يعين تحسين انك موب حولها و ودك تراجعين بس حاولي تركزي بالمحاضره عشان ما يفوتك الشرح وتتحسفين بعدين الاسبوع اللي قبل الاختبارات الله يسلمك هذا لازم تنظمي وقتك فيه وتسوي لك جدول لاجل تذاكري فيه المواد الصعبه واللي يبي لها جهد اكبر واذا كان عندك مواد عمليه .. غالبآ مايكون اختبارها النهائي بالاسبوع اللي قبل الاختبارات النهائيه 12 ما هو حالكم في الاختبارات النهائية؟. خليها على ربك تعب والله من قلب تعب وسهر ..خصوصا اذا ماكنتي تراجعي دروسك باستمرار بس تعبك بإذن الله ماراح يضيع ومن جد وجد ومن زرع حصد وتذكري ((ما فيه شي يجي بسهوله)) .. واللغه تحتاج جهد كبير والدراسه في هالتخصص تحتاج ((صبر وتحمل)) اصبري وتحملي واجتهدي وراح توصلي للي تبينه بإذن الله بالنسبه للعيوب والمشكلات ان الدراسه ادب اكثر من ماهي لغه! يعني شعر ونثر وادب مسرحي ومقال ونحو صح فيها فايده بس اعتبرها بنسبة 20% للغه او بالكثير 30% احسها ثقافه اكثر من انها تفيدك كـ تحدث وكـ لغه بس فيه مواد مثل الترجمه احسها حلوه وتفيد و صوتيات وتحدث كمان هذي تفيد وفيه مواد عامه مالها داعي مثل علم نفس نمو مال امه دخل بتخصصنا بس زيادة مواد وتربيه اسلاميه والنظام الاقتصادي في الاسلام ماله داعي مادتين اسلاميات وحده تكفي وبعد احس انه مافيه تأسيس على طووووول دخلنا بالدسم والصعب من اول سنه شعر ونثر ! هذا طبعا على الخطه القديمه لاني انا من دفعة 2008 لكن خطة الادآب الان غير حق اللغه الانجليزيه اطّلعت عليها وشفت موادهم بالسنوات الاولى حسيت افضل مننا بدوا معهم بالترتيب وبث اتمنى اني وفيت بإجاباتي وانها افادتك =) ولاتنسيني من دعواتك لي يالغلا ومع تمنياتي لك بالتوفيق والنجاح الدائم دنيآ وآخرهـ =) |
|
التعديل الأخير تم بواسطة Cu2E MoOn ; 2010- 9- 19 الساعة 02:25 AM |
|
|
|
|
2010- 9- 19
|
#6 |
|
أكـاديـمـي نــشـط
|
رد: إلى طالبات قسم اللغة الإنجليزية الخبيرات
الله يجزاك الجنة كفيتي ووفيتي والله يعين ونخلص من القسم بنجاح
وشكرا لصاحبة الموضوع |
|
|
|
2010- 9- 19
|
#7 |
|
أكـاديـمـي
|
رد: إلى طالبات قسم اللغة الإنجليزية الخبيرات
آمييين وياك اختي =)
تسلمين والله موفقيييين ياااااارب |
|
|
|
2010- 9- 19
|
#8 |
|
أكـاديـمـي
|
رد: إلى طالبات قسم اللغة الإنجليزية الخبيرات
[align=left]
تســـــــــــلمــــــــــــــين...يا الغلا يارب يوفقك ان شاء الله...! [/align] |
|
|
|
2010- 9- 19
|
#9 |
|
أكـاديـمـي
|
رد: إلى طالبات قسم اللغة الإنجليزية الخبيرات
[align=center]يعطيكِ الله ألف ألف عافية على الإجابات أختي Cu2E MoOn
والله يوفقك إن شاء الله وشكراً جزيلاً لصاحبة الموضوع وبالتوفيق للجميع إن شاء الله. [/align] |
|
|
|
2010- 9- 21
|
#10 |
|
أكـاديـمـي
|
رد: إلى طالبات قسم اللغة الإنجليزية الخبيرات
fnooon
ربي يسلّم قلبك ان شاء الله .. آمين يآآآآرب الجميع ان شاء الله =) Primroses الله يعافيك اختي ويخليك =) امييين ياآآرب وياك يالغلا |
|
|
|
| مواقع النشر (المفضلة) |
| الكلمات الدلالية (Tags) |
| اللغة, الخبيرات, الإنجليزية, إلى, طالبات, قسم |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| اللغة الإنجليزية ،،، مستقبل مشرق بإذن المولى !!! | أحمد باسمح | ملتقى طلاب التعليم عن بعد جامعة الملك فيصل | 12 | 2010- 8- 29 05:05 AM |
| الأسـرار السـبـعة لإتقان اللغة الإنجليزية ! | بـــو أحــمــد | English Forum & other Languages | 7 | 2007- 1- 3 11:30 PM |
| نصائح لتعلم اللغة الإنجليزية ! | بـــو أحــمــد | English Forum & other Languages | 4 | 2006- 12- 16 02:20 PM |
