|
ملتقى الكليات الصحية بالاحساء ملتقى طلاب وطالبات الكليات الصحية التابعة لجامعة الملك فيصل بالأحساء |
|
أدوات الموضوع |
#1
|
|||
|
|||
الفزعــــــــهـ .. محتآجتكـــم !
السلام عليكــم
انا والحمدلله انقبلت طب .. وانقبلت في برنامج الـ cpc حق ارامكو تخصص تطوير موارد بشريه ومره محتــارهـ بين الثنتيـن .. !! والمشكلهـ ان ارامكـو قالوا لنـآ آخر يوم لتسليم الشهادهـ الاصليـه الاحـد وش رايكـــم ؟! بليــز لا احد يقول لي ادخلي اللــي انتِ تحبيـن .. لاني انا عندي القـدره اني احب اي تخصص |
2010- 9- 24 | #2 |
أكـاديـمـي
|
رد: الفزعــــــــهـ .. محتآجتكـــم !
بسم الله الرحمن الرحيم
اللهم صل على محمد و آل محمد ألف مبروك عليك يالغلا ماشاء الله تبارك الله اللهم لا حسد.. أختي الغالية.. أنا هالاجازة درست دورة صيفية بأرامكو و عطونا محاضرة كاملة عن برنامج الـcpc ماادري اذا تعرفين المعلومات الكافيه عن هالبرنامج بس بقولها لك عساها تفيدك يارب.. بس قبل شوفي تراا المجالين يهبلوا ولهم ثنينهم مستقبل مشرق..عشان كذا طبيعي تحسي بالحيرة و أفضل شي قبل ماتاخذي حتى راي نفسك روحي استخيري..صلي ركعتين و ادعي ربك يحبب لقلبك المجال الي فيه خير لك..بعدين فكري بينك وبين نفسك:تخيلي حالك دكتورة من جهة و موظفة في أرامكو من جهه ثانية..عيشي الدور من قلب..اذا مازالت الحيرة،جيبي ورقتين كل ورقة اكتبي فيها اسم مجال منهم..الطب عيوبه و مميزاته بالنسبة لك..برنامج أرامكو عيوبه و مميزاته بالنسبة لك.. برضوا مازلتي محتارة أجلسي مع أهلك الي يعرفونك أكثر منا ..شاوريهم "ما خاب من استشار" فكري زين لأن هذا مستقبلك يالغلا ..بس بعدي مشاعر الخوف بالبداية و اعزلي نفسك عن أي مؤثر خارجي شوفي نفسك تميل لأي طريق.. برنامج الـcpc: مثل منتي عارفة بالبداية راح تدرسين سنة"بالضبط هي 10 شهور" في البلد راح تكون دراستكم في مبنى stc بالظهران..نفس المبنى الي اختبرتوا فيه بذيك الغرفة الكبيرة ع الكراسي الحمرة<<طبعا هذا اذا كنتي مختبره بالظهران ع ذيك الفترة كنا ندرس صيفي هناك وشفنا الطالبات وهم يختبرون..الدراسة هنا راح تكون من استاذات و اساتذة من جنسيات عربية و أجنبية..راح يختبرونكم اختبار لتحديد مستوى للغة ويقسمونكم مستويات تبعه..زميلتي اثنين من أخوتها بالبرنامج+كلام الي ألقت المحاضرة"الاستاذة تهاني الله يذكرها بالخير":الدراسة في أول سنة هنا جد جد يبي لها اجتهاد و مافيها لعب والي يلعبون وتطيح مستوياتهم يسوون لهم لجنة ويتوقعون الطرد !بس هذا ان شاء الله بعيد عن مجتهدة مثلك..يساعدونكم هناك عشان تقدمون الي الجامعات والدول الي انتم تبونها..ولك الحق تسكني فترة الدراسة بالبلد في السكن تبع الطالبات..يبعد دقايق عن المبنى..بعدين لما تطلعي براا يقولون الدراسة تصير سهلة و أخف كثير من هنا.. التكاليف المادية لاتشيلين همها لأن أرامكو مابتقصر..وحتى التفوق يعطونك مكافآت عليه ،و الظاهر انكم برا تدرسون صيفي عشان كذا تنزلون البلد فترة قصير شي شهر كذا"اذا ماخانتني الذاكرة"،و عالعموم الدراسة هنا يراعوكم فيها..يعني يعطوكم برامج ترفيهية و رحلات و جيبون لكم موظفين خلصوا البرنامج ويحكوا لكم عن تجربتهم و ع فكرة عندكم مادة حق الفالنتي ورك و كمينتي سيرفس وعليها كردتس و يقلون أنها مرة شي..يعني هي من جد تعب..بس تراها التجربة أكيد حلوة و يالغلا ما بعد التعب غير الراحة ..اذا مو بالدنيا بالاخرة^_^ الطب يالغلا بعد شي مو قليل ..اذا اخلصتي للمهنة تضمني الدنيا و الأخرة..يعني شوفي كيف الدكتورة الناجحة تصير العلاقة بينها وبين مرضاها..كم شخص بيرفع أيده وبيدعي لها..يعني 7سنوات تعب ماتستاهل و تنسيك التعب كله لمن تشوفينهم يدعون لك و يشكرونك..لما تساعديهم وتاخذي بيدهم لحد ما رب العالمين يكتب لهم العافية..ما بقدر أتكلم معك عن الطب واااجد لأن مالي خبرة فيه هههه بس أكيد الأخوات و الأخوة بيقومون بالواجب.. ماشاء الله تبارك الله ..اللهم صل على محمد وال محمد..تصدقين اذا قلت لك اني افكر بالضبط بالمجالين الي قدامك الطب و بعثات أرامكو..ومن الحين الف بالمنتديات و أحاول أجمع معلومات عنهم عشان اذا انكتبوا لي ثنينهم أكون عارفة وين ودي فيه..صحيح الواحد مايضمن حاله بس الأمل و التفاؤل حلو!و أحيانا حتى لما تقرري ساعة الصفر تترددين خصوصا انه مستقبل..بس لا تسمعين وساوس الشيطان وخلي عنك الخوف و التردد يالغلا^_^ سوري اذا طولت عليك بس حبيت أفيدك قدر الامكان صحيح انا لسة طالبة ثانوية بس أعيش الحيرة من الحين عشان كذا حاسة بك.. بالأخير أقول لك كلمة اعتبريها من أخت لك: ماعليك مني و لا من أي أحد....بس رب العالمين سأليه يهديك الى الشي الي فيه رضاه و صلاحك.. اذا توصلتي لقرار ..لاهنتي طمنينا عليك.. أصلح الله بالك.. أختك المحبة: أميرة حالمة.. لاتنسينا من دعواتك عزيزتي.. |
التعديل الأخير تم بواسطة أميرة حالمة.. ; 2010- 9- 24 الساعة 07:57 AM |
|
2010- 9- 24 | #3 |
أكـاديـمـي مـشـارك
|
رد: الفزعــــــــهـ .. محتآجتكـــم !
كلا التخصصين حلوين و لكل قسم مميزاته الخاصة و يعتمد على قدرتك ..
فبما إني ادرس طب .. => بسألك اذا كنتي: تقدرين تشوفين جثه ؟ تتحملين منظر الدم ؟ انك تشوفين مرضى يصارخون من الالم ؟ اذا كان نعم .. فـ الطب اقرب لك و فضل لك و بالنسبة للسي بي سي : بالظهران .. لذالك بسألك : عندك حد يرتب امورك تنزلين من الظهران , ترجعين الظهران سمعت ان فيه بعثات بس مدري هل بالامكان ان الشخص يكمل هنا ولا لازم برا .. خكمي عقلك بجمع الايجابيات و السلبيات حول كل قسم .. و اللي تحسين نقسك مايله له اكثر ادخليه .... موفقه |
2010- 9- 24 | #4 |
أكـاديـمـي ألـمـاسـي
|
رد: الفزعــــــــهـ .. محتآجتكـــم !
خيتو انا صار لي مثلك انقبلت بالاثنين
..:):) بس اخترت الطب لان الطب حلمي منذ الطفوله واعتقد الاميره الحالمه وارجوان كفو ووفوا...:):) موفقه يااارب |
2010- 9- 24 | #5 |
أكـاديـمـي فـضـي
|
رد: الفزعــــــــهـ .. محتآجتكـــم !
اناآ
شخصيآ حلممي الطب وهو اكثر شئ تمنيته قدمت سي بي سي ولو انقبلت كنت رحته وخليت الطب طبعآ الآرآء مختلفه بس انا بالنسبه لي سي بي سي افضل لآنو وظيفه*سنير* وصج غربه بس يضمنون لك بيت وهييك هذآ رآيي الشخصي وانتي قرري يالغلآ ويآرب تتوفقين وين مآتروحين وترفعين الرآس بكل مكآن |
2010- 9- 29 | #6 |
أكـاديـمـي
|
رد: الفزعــــــــهـ .. محتآجتكـــم !
اميرة حالمة
مشكووووره يالغلا ما قصرتِ الله يعطيك العافيه والله يرزقك على قد نيتك بجد صراحه ما ادري وش اقول !! اشكرك مره ثانيه وان شاء الله اشوفك السنه الجايه من ضمن طالبات السي بي سي ^ _ ^ اورجوان لا هنتِ يالغاليه والله يعطيك العافيه ملاك مشكوووره وما قصرتِ .. عوآفي يا بعدي :) منى تسلمين يالغاليه والله يعطيك العافيه : ) |
2010- 9- 29 | #7 |
أكـاديـمـي نــشـط
|
رد: الفزعــــــــهـ .. محتآجتكـــم !
حتى اناا بقول رأيي : )
كل الجامعات بالسعوديه وابتعاث الملك وكل هذي كوم وبرأيي السي بي سي كوم ثاني لان السي بي سي يكفيك الوظيفة المضمونه ،، والبدلات العسسسل وطلاب وطالبات السي بي سي دلوعين اكثر شئ ،، بنت صديقة امي تدرس بالسي بي سي ببريطانيا ،، ومرتاحه بالحيييل ، باقي لها سمستر وتتخرج وتجي والمكتب في ارامكو بأسمها من يووم دخلت قبل ثلاث سنوات وينتظرها مرا بطله السي بي سي كنت حاطها هدف بس ماقدرت عليه والحين انا طب ومبسوط ومتحمس فيه |
2010- 9- 29 | #8 |
أكـاديـمـي فـعّـال
|
رد: الفزعــــــــهـ .. محتآجتكـــم !
انا عن نفسي قبلت في الجامعة الدمام وارامكوا والبعثه بس كلهم طنشتهم ودخلة الطب بالاحساء لانه هدفي ولو ادخل مكان غير رغبتي ماراح اقدر اعمل فيه بنفس وجد
|
2010- 9- 29 | #9 |
أكـاديـمـي ألـمـاسـي
|
رد: الفزعــــــــهـ .. محتآجتكـــم !
يلا بالتوفيق لنا جميعا ....والله مايكتب لنا الا الخير
موفقين جميعا |
مواقع النشر (المفضلة) |
الكلمات الدلالية (Tags) |
محتآجتكـــم, الفزعــــــــهـ |
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|
|