ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   إدارة أعمال 1 (https://vb.ckfu.org/f310)
-   -   كل مايخص ماده المحاسبه " (https://vb.ckfu.org/t108043.html)

SMART.BOoOY 2010- 12- 4 05:00 PM

رد: كل مايخص ماده المحاسبه "
 
[align=center]
السلام عليكم ورحمة الله وبركاته

انا توي اذاكر اليوم المحاسبه >>>> قل والله :biggrin:

المهم احسن شي الدكتور هادي وكلامه خفيف مو زي بعض الناس >>>>> مايقصدد دكتور الاقتصاد :biggrin:

ممكن احد يوفر لنا اسئلة الاختبار اللي فات واكون من الشاكرين نبي نشوف كيف الاسئلة والطرييقة
الله يعطيكم العاااافية
[/align]

صدى السراب 2010- 12- 5 08:27 PM

رد: كل مايخص ماده المحاسبه "
 
يا عالم وش قصة هالمادة:000:
قسم بالله إني مو فاهمة شي منه
ولا ادري كيف حتى مذاكر هالمادة
وش الحل معه
ممكن احد يقول لي رأسه من رجولة

:Cry111:

وردة الجوووري 2010- 12- 5 08:50 PM

رد: كل مايخص ماده المحاسبه "
 
صدى السراب هونيها وتهون بالعكس المحاسبه اسهل ماده والدكتور شرحه حلووو وهادي كثير

انتي اسمعي المحاضره وتابعي معاه من المحتوى وحلي اسئلة التمارين اللي يطلبها حليه بنفسك
وبعدين راجعي حلك معاه .. وكل شي بيمشي تمام ترا والله سهل كثير
بس لوحطيتي ببالك انك ماراح تفهمين بتشوفيه صعب .. سهليها وبتتسهل :cheese:
بالتوفيق لك اختي

بنوته فله 2010- 12- 5 10:40 PM

رد: كل مايخص ماده المحاسبه "
 
شباب الله يخليكم شرح بسيط وباختصار للمشريات والمبيعات كيف نحسبها لانها والله لخبطتني

وردة الجوووري 2010- 12- 6 01:29 AM

رد: كل مايخص ماده المحاسبه "
 
[align=center]

^^^^^^^^^^^^^^^
شوفي ياقلبي ولو انك ماوضحتي النقطه اللي موفاهمتها بالضبط


بس المشتريات عموما عباره عن مصروفات يعني بطبيعتها مدينه ..فإذا زادت مدينه ..
وإذا نقصت فهي دائنه
فمردودات المشتريات و مسموحات المشتريات كلها تنقص من تكلفة المشتريات فتعتبر دائما
دائنه
ومصروفان نقل المشتريات تزيد من تكلفة المشتريات فهي مدينه

اممم وعندنا بعد الخصم ياإما خصم تجاري وهو الخصم اللي عالمشتريات .. وهذي مانسجلها في الدفتر على طول نحسب القيمه بعد الخصم ونسجلها كمشتريات
والخصم النقدي وهي اكيد تعرفينها (يعني عليك دين تسددها بعد شهر ... اذا دفعت الدين خلال هالاسبوع بيصير لك خصم مثلا 10% بس خلال هالاسبوع)
وهالخصم نسجله في الدفاتر كدائن كمان
والخصم النقدي ونسميه الخصم المكتسب قد يجيك يقولك المبلغ يكون على الحساب بشروط 4/10/30
فلازم تعرفين ان
30 يعني 30 يوم وهو اخر وقت لسداد الدين من غير خصم
10 يعني اذا سددتي الدين خلال العشر الايام بتحصلين على خصم
4 وهي قيمة الخصم اللي بتحصلين عليه اذا سددتي خلال 10 ايام وهو 4%


وككل نحسب صافي المشتريات من المعادله الموجوده

صافي المشتريات = إجمالي المشتريات - مردودات المشتريات - مسموحات المشتريات -الخصم المكتسب

واجمالي المشتريات طبعا عباره عن : البضاعه أو المشتريات +مصروفات نقل المشتريات

-------------------
هذا اللي فوق بس تعريف لهم وافترض انك عارفتهم وكله عشان تحسبين صافي المشتريات اللي منها راح تحسبين تكلفة البضاعة المباعة

وهي بهالمعادلة

تكلفة البضاعة المباعة = مخزون أول الفترة + صافي المشتريات - مخزون آخر الفتره

مخزون أول الفتره و مخزون آخر الفتره بتجيك جاهزه قيمتها في المسأله
وصافي المشتريات اللي حسبناها فوق

-----------------
طيب بالاخير لمن يقول تحديد تكلفة البضاعة المباعة .. بنعمل الجدول مثل ماهو بالمحتوى
وبرتبهم على الترتيب اللي في المحتوى ... وطبعا هذا يكون بعد ما ترحليهم من قيود اليومية
الى دفتر الاستاذ عشان تطلعين مجموع رصيد المشتريات ومردودات المشتريات و و و ......

1- مخزون أول الفتره (وراح تكون موجوده قيمتها)
2- يضاف : تكلفة المشتريات
مصاريف نقل المشتريات
يطرح : مردودات المشتريات
مسموحات المشتريات
الخصم المكتسب
3- صافي المشتريات (هي نتيجة رقم 2 اللي هو نجمع تكلفة المشتريات مع المصروفات ونطرح منها المردودات والمسموحات والخصم المكتسب)
4- تكلفة البضاعة المتاحة للبيع (مخزون أول الفتره رقم1 + صافي المشتريات رقم 3)
5- يطرح: مخزون آخر الفترة (مخزون آخر الفترة كمان تيجي قيمتها جاهزه )
6- تكلفة البضاعة المباعة (تكلفة البضاعة المتاحة للبيع رقم 4 - مخزون آخرالفترة رقم 5)


---------------------
شوفي حبيبتي أنا شرحت حساب تكلفة البضاعة المباعة من غير ماذكرت اللي قبله من القيود اليومية أوالترحيل لدفتر الاستاذ فاذا مافهمتي او ماكان هو المطلوب حددي النقطه اللي مافهمتيها بالضبط واحاول اشرحها اكثر ..
بالتوفيق :biggrin:
[/align]

أشواااااق 2010- 12- 6 12:10 PM

رد: كل مايخص ماده المحاسبه "
 
بالمحاضرتين الثآنيه والثآلثه ..

بالله كيف رآح يجي السسؤآل خيآرآت

ع ( أثر العمليه الماليه ع الميزآنيه ) ..!!

أحسس مره ما تججي :icon9:

وردة الجوووري 2010- 12- 6 03:23 PM

رد: كل مايخص ماده المحاسبه "
 
^^^^^^^^^^^
ليش ياحبيبتي ماتيجي .. حتى لو ماتيجي بيجيبوها من تحت الأرض ماعليك :cheese:

شوفي ياقلبي الكتاب تمارين الفصل الثاني في اسئلة خيارات وبيوضح لك كيف ممكني تيجي الأسئلة
على هالمحاضرتين .. اكيد نفس الطريقه لان حتى الواجب جا سؤال منهم تقريبا .. :106:

أشواااااق 2010- 12- 6 08:19 PM

رد: كل مايخص ماده المحاسبه "
 
^
ـآهـآآ ..

شششكراً لك ي ورده الجوري -) تستأذن هع

زهرة شتاء! 2010- 12- 7 08:49 AM

رد: كل مايخص ماده المحاسبه "
 
احد يجاوبني ياجماعه انلحس مخي من هالماده :(
الحين المحاسبه نذاكر المحاضرة مع المحتوى مع الاسئلة
ولا ملخص ابو موزه شامل لهم كلهم ويكفي للمذاكرة

أشواااااق 2010- 12- 7 09:44 AM

رد: كل مايخص ماده المحاسبه "
 
^

أنا عني أعتمدت عليها الثنتين ,, أمسكي الملخص وتآبعي المحاضره ..

ولما تخلصين .. خذي لك لفه ع المحتوى بالجهآز ,,


بـ التوفيق ي عسل »


All times are GMT +3. الوقت الآن حسب توقيت السعودية: 07:39 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه