اقتباس:

المشاركة الأصلية كتبت بواسطة الطالبة المعذبة (المشاركة 2126732) أنا مسكت المحاسبة وناويه على خير أشطب عليها واخلصها خلال الاسبوع ذا عشان يوم الاختبار مراجعة على الخيف المهم مالكم بالطويله الى المحاضرة السادسة وانا فاهمة كل شي بس عندي نقطة مافهمتها ياليت من الفاهمين يفهموني <<< حلوة ذي صح اللي هي الرصيد منقول ورصيد مرحل واخر مدة مافهمت شنو بليز اللي تعرف لا تبخل عليا بنتظاركم

شوفي حبيبتي انتي عرفتي كيف ترحلين لدفتر الاستاذ .. فبتنقلين القيود المدينه والدائنة

من دفتر اليوميه لدفتر الاستاذ .. بعد ماتنقلينهم كلهم ... لنفرض مثلا حـ/البنك لمنشأة فاضل حبيبكم :biggrin:

شوفي الصورة هذا بعد مارحلنا لدفتر الاستاذ
http://www16.jumbofiles.com/files/66...7xc9qgjx/m.jpg

عشان نسوي عملية الترصيد اللي منها بنطلع الرصيد المرحل ..بتجمعين جانبي الحساب المدين والدائن

يعني عمود الحساب المدين في الصوره شوفيها .. وعمود الحساب الدائن

نجمع اول الجانب المدين
500000 + 200000 = 700000
الجانب الدائن
250000 + 50000 + 100000 + 200000 + 10000 = 610000

وشو الجانب الاكبر ؟؟ اللي هو المدين طبعا 700000
نسجل هالمبلغ في المجموع للجهتين كلهم 700000

طيب بعد ماسجلنا الـ700 الف في الجهتين بنقول كيف .. والدائن مجموعه 610 الف ..

عشان نحل هالنقص ونخلي الدائن بالفعل يساوي الـ700 الف
بنطلع المتتم الحسابي اللي هو الرصيد المرحل ... وعشان نطلعه بنحسب الفرق بين الجانبين المدين والدائن ..
700000 - 610000 = 90000
هالمبلغ بنسجله في جهة الدائن كرصيد مرحل عشان تكمل المجموع 700 الف ويصير مساوي للطرف المدين

لكن هو اساسا نقول عنه رصيد مرحل (مدين) لان هالمبلغ الزياده هو في المدين .. فهمتي علي ؟؟ عشان كذا نسميه رصيد مرحل مدين لكن نسجله عند الدائن

ولمن نفتح حساب جديد للبنك .. بننقل هالرصيد من الجانب الدائن للجانب المدين .. لانه اساسا هالفرق اللي هو 90000 هو لحساب المدين
يعني الزياده كانت له ((يارب فهمتيني بس))
وبنسميه رصيد منقول شوفي الصوره

ان شاءالله وضحت لك الفكره ..

وعموما شوفي البنك هو اصل.. وطبيعته مدينه . فلا بد يطلع الرصيد مدين
- فالاصول والمصروفات اللي طبيعتها مدينه عالاغلبيه بيطلع الرصيد مدين
- والخصوم وحقوق الملكية اللي طبيعتها دائنه فالأغلبيه انها بتطلع رصيد دائن

وهذا اساسي الا في حالات نادره قال بيعلمنا عليهم بعدين الله يستر:cheese:
----
وغير كذا وهذي قاعده

لمن تجمعين الجانبين المدين والدائن
- اذا تساووا : مافي رصيد ويعتبر الحساب مقفل (يعني مافي لارصيد منقول ولامرحل)
-واذا كان الجانب المدين اكبر :يعتبر رصيد الحساب مدين (لكن يسجل جهة الدائن كرصيد مرحل)
-واذا كان الجانب الدائن اكبر :يعتبر رصيد الحساب دائن (لكن يسجل جهة المدين كرصيد مرحل)

بالتوفيق ياقلبووووووو