|
رد: كل مايخص ماده المحاسبه "
اقتباس:
|
رد: كل مايخص ماده المحاسبه "
يعطيكم العافيه بنات ....والله استفدت كثييييييير من شرحك ياوردة الجوري ....يارب تجيبين اعلى الدرجات.
|
رد: كل مايخص ماده المحاسبه "
اووووووووووف اصعب ماده على وجه الكره الارضيه مو راضيه تدخل راسي
وكرهت المدين والدائن سببولي حاله نفسيه والمحاضره السادسه عجزت افمها المشكله اني اقرا شرحكم بس برضو مو قادره افهمها او اتقبل هالماده ..تعبتني ,, :41jg: الحين انا ودي اعرف في الاختبار الدكتور بيجيب لنا مسائل من حقت فاضل وبيجب من التعاريف والكلام الحفظ لاني مستعده احفظ ولا اتعب نفسي في مسائل فاضل اللي جابتلي القلق:Cry111: |
رد: كل مايخص ماده المحاسبه "
الله يعيين عجزت افهم بس
اليوم ياافهم يا انتحر ههههههههههههههههههههه الله يوفق الجميع بس حبايبي ممكن اسئلة العام الماضي ؟؟ |
رد: كل مايخص ماده المحاسبه "
اقتباس:
اقتباس:
والاغلبية عالفهم... اكيد شفتي اسئلة الواجب كيف كانت.. يعني لازم تفهمين مسائل فاضل كلها .. تعوذي من ابليس واسمعي لشرح الدكتور شرحه حلو وواضح .. وراجعي معاه من المحتوى وحلي التمارين اللي يطلبها حاولي تحليه بنفسك .. قبل ماتحليه معاه .. سوي مثل ماقلتلك وان شاءالله بتفهمين .. واذا تعسرت عليك نقطه معينه اكتبيه هنا وان شاءالله الاعضاء مايقصرون .. الله يسهل عليك يارب ... |
رد: كل مايخص ماده المحاسبه "
اقتباس:
مشكلتكم انكم حاطين هالفكره انها صعبه .. شيلوا هالفكره من راسكم .. الماااده جدا سهله بس يبيلها تركيز وروقان مع شرح الدكتور..وتدريب عن طريق حل التمارين واذا عالاسئلة .. الله يهدي طلاب المستوى الثاني ماكتبوها لنا السمستر اللي فات :mad: بس انا اقولك حل تمارين الكتاب اللي يطلبها الدكتور واتوقع الاسئلة بتيجي نفسها او قريبه منها .. لاني لاحظت اسئلة الواجب كانت تقريبا نفس تمارين الكتاب ... بالتوفيق ويارب يسهل علينا وعليكم المذاكره :119: |
رد: كل مايخص ماده المحاسبه "
السلام عليييكم
شكرا على الموضووووع !!:d5: بس يالييت احد يساعدني بنقطة " الترحيل لدفتر الاستااذ" مااقدرت افهمها :icon9:حوووسه شـكراا... |
رد: كل مايخص ماده المحاسبه "
اقتباس:
---- شوفي بالنسبة لمن ترحلين من دفتر اليومية لدفتر الاستاذ(تقريبا ماراح تفرق في الطريقه بين الاصول والخصوم) طبعا على اساس انك فاهمه دفتر اليومية ومافي اشكال عندك فانتي شوفي من دفتر اليومية مثلا ناخذ اصل اللي هو الصندوق بشرح على مثال منشأة فاضل نفسها اللي بالمحتوى واللي شرحها الدكتور في المحاضره السادسه عندنا الصندوق اول شي في دفتر اليومية في العملية الخامسه عند رقم القيد 5 اوكي ؟ http://www16.jumbofiles.com/files/6/...sqznno8u/5.jpg من حـ / الصندوق إلى حـ / البنك حساب الصندوق مكانه هنا وشو ؟ طبعا بما انه من حساب الصندوق فيعتبر مدين الى حساب البنك (وحساب البنك هنا دائن) اذن نقول الصندوق مدين الى حساب البنك بمبلغ 100,000 فاذن وش نسجل بدفتر الاستاذ تحت حساب الصندوق ؟؟ نكتب (ح/البنك) تحت جهة مدين ... ليش؟ لان بهالقيد الصندوق يعتبر مدين لحساب البنك اذن في دفتر الاستاذ نكتبه تحت المدين وبمبلغ 100,000 (طبعا تشوفين المبلغ اللي مقابل الصندوق نفسه بدفتر اليوميه).. فنسجل تحت جهة المدين 100,000 إلى حـ/البنك ---------- مثل الصوره بدفتر الاستاذ (هالصوره بسميها صورة دفتر الاستاذ عشان اذا ذكرتها بعدين تعرفينها) http://www16.jumbofiles.com/files/78...qjlcp56/00.jpg --------- طيب نرجع من دفتر اليومية غير القيد رقم 5 وين موجود فيه حـ/الصندوق ؟؟ شوفي القيد رقم 6 في العملية السادسة http://www16.jumbofiles.com/files/48...zqvlrw83/6.jpg بما اني اعتبرك فاهمه دفتر اليومية سجلنا الصندوق هنا على انه دائن .. ومقابل اي مدين؟؟ مقابل الاثاث والتجهيزات اللي هي المدين اذن نسجل في دفتر الاستاذ حـ/الاثاث والتجهيزات تحت جهة الدائن لان الصندوق هنا دائن فنسجلها بجهة الدائن وبالمبلغ اللي مقابل الصندوق اللي هو 40,000 فنكتب جهة الدائن 40,000 حـ/الأثاث والتجهيزات شوفي صورة دفتر الاستاذ اللي فوق ان شاءالله فهمتي علي .... --------------- نشوف القيد اللي بعده اللي موجود فيه حـ الصندوق وهو القيد رقم 8 http://www16.jumbofiles.com/files/14...qlzfct62/8.jpg حساب الصندوق هنا وش يكون ؟؟ طبعا مدين .. مقابل ايش مقابل الدائن اللي هو مذكورين (حـ/البضاعة , حـ/الأرباح)(طبعا نختصرهم ونقول مذكورين فقط) اذن نسجل في دفتر الاستاذ مذكورين تحت جهة المدين لان الصندوق هنا مدين وبمبلغ 70000 نسجل تحت جهة المدين 70000 الى مذكورين شوفي صورة دفتر الاستاذ اللي فوق ------- وبعده القيد الاخير في دفتر اليومية اللي فيه حـ الصندوق هو القيد رقم 11 http://www16.jumbofiles.com/files/4/...4xrzi71/11.jpg ونفس اللي قبل الصندوق في هالقيد يعتبر مدين إلى حـ/المدينين بمبلغ 20000 اذن نسجل في دفتر الاستاذ تحت جهة المدين (لان الصندوق هنا مدين) نسجل المبلغ اللي للصندوق في دفتر اليومية وهو 20000 مدين لمين ؟ مدين لحساب المدينين(شركة النصر) فنسجل تحت جهة المدين 20,000 إلى حـ/المدينين شوفي صورة دفتر الاستاذ اللي فوق ....... يعني المسأله كلها انك شوفي احنا نشتغل بدفتر الاستاذ على اي حساب مثلنا الحين على حساب الصندوق .. فكل ماتيجي ترحلي من قيد بدفتر اليومية الى دفتر الاستاذ شوفي الصندوق بهالقيد ايش يعتبر مدين ولا دائن ؟... اذا مدين سجلتي تحت جهة المدين الحساب المقابل(اللي يعتبر دائن في نفس القيد) مع المبلغ اللي للصندوق المدين (الصندوق اللي هو نفس الحساب اللي نشتغل عليه) في نفس القيد والعكس اذا كان الصندوق دائن...نسجل تحت جهة الدائن الحساب المقابل(اللي يعتبر مدين في نفس القيد) مع المبلغ اللي للصندوق الدائن في نفس القيد ---------------------------- الترحيل وخلصناه نيجي الحين للترصيد نجمع الجانبين لحساب الصندوق جانب المدين اللي هي سجلنا فيها 100,000 إلى حـ/البنك 70000 الى مذكورين 20,000 إلى حـ/المدينين المجموع هنا لجهة المدين يطلع 190,000 وجانب الدائن اللي سجلنا فيها 40,000 حـ/الأثاث والتجهيزات ومجموعها 40,000 وش الجانب الأكبر اللي هو طبعا المدين 190000 (اذن هنا نقول رصيد الحساب مدين) لانه مجموعه اكبر الدائن فنسجل هالمجموع الاكبر بالجانبين المدين والدائن وعشان يصير جانب الدائن فعلا يساوي 190000 حيظهر المتمم الحسابي ..كم حيساوي ؟ حيساوي الفرق بين مجموع المدين والدائن 190,000 - 40,000 = 150,000 فنسجل بجانب الدائن 150,000 رصيد مرحل(مدين) ولمن نفتح حساب جديد لصندوق بالفتره القادمه حيصير هالرصيد المرحل عباره عن رصيد منقول بجهة المدين نبدا فيه من جديد فيسجل تحت جهة المدين 150,000 رصيد منقول -------- ---وبس نفس الشي مايفرق لوطبقنا مثال عالخصوم مثلا راس المال هو اساسا خصم لو جيتي ترحلي من دفتر اليومية الى دفتر الاستاذ شوفي موقع راس المال بالقيد اللي تشتغلي عليه وتبي ترحليه لدفترالاستاذ راس المال بهالقيد وش يكون اذا مدين سجلتي تحت جهة المدين بمبلغ راس المال بهالقيد والعكس اذا كان دائن اذا في نقطه موفاهمتها قوليلي بالتوفيق يالغلا :106: |
رد: كل مايخص ماده المحاسبه "
ياناااااااااااااااااااااااااس عندي مشكلة المحاضرات ماااتتحمل من امس وانا احااول انزل محاضرات المحاسبة ويطلع لي غلط:Cry111:
ارحموووووووني واعطوني :Cry111::Cry111::Cry111: المحاضرات المسجلة من المحاضرة الثامنه بلييييييز من امس وانا ضايق صدري وضاع وقتي وانا احااول..\ |
رد: كل مايخص ماده المحاسبه "
:Cry111:والله احس اني موفااااااااااااهمه ولاشي والحل وربي سالفة المدين والدائن سوت لي خربطه
|
| All times are GMT +3. الوقت الآن حسب توقيت السعودية: 02:10 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام